ຫົວໜ້າຄະນະຈັດຕັ້ງສູນກາງພັກແນະນຳໃຫ້ຊາວໜຸ່ມຕັ້ງໜ້າປະຕິບັດຂໍ້ແຂ່ງຂັນ 4 ບຸກໃຫ້ເກີດຜົນ

- Untitled design - ຫົວໜ້າຄະນະຈັດຕັ້ງສູນກາງພັກແນະນຳໃຫ້ຊາວໜຸ່ມຕັ້ງໜ້າປະຕິບັດຂໍ້ແຂ່ງຂັນ 4 ບຸກໃຫ້ເກີດຜົນ

ເມື່ອອາທິດຜ່ານມານີ້, ສະຫາຍ ຈັນສີ ໂພສີຄຳ ກຳມະການກົມການເມືອງສູນກາງພັກ, ຫົວໜ້າຄະນະຈັດຕັ້ງສູນກາງພັກ ໄດ້ໃຫ້ກຽດໂອ້ລົມຕໍ່ກອງປະຊຸມໃຫຍ່ຄັ້ງທີ IV ຂອງອົງຄະນະພັກສູນກາງຊາວໜຸ່ມປະຊາຊົນປະຕິວັດລາວ (ຊປປລ) ໂດຍເນັ້ນໃຫ້ຄະນະພັກຊຸດໃໝ່ເອົາໃຈໃສ່ຊີ້ນຳ-ນຳພາຂະບວນການຊາວໜຸ່ມໃນໄລຍະໃໝ່ໃຫ້ຟົດຟື້ນ ໂດຍສະເພາະແມ່ນການຈັດຕັ້ງປະຕິບັດຂໍ້ແຂ່ງຂັນ 4 ບຸກຂອງຊາວໜຸ່ມ, ຕິດພັນກັບຂໍ້ແຂ່ງຂັນຮັກຊາດ-ພັດທະນາ ແລະ ວຽກງານ 3 ສ້າງຢູ່ບັນດາຈຸດສຸມຂອງການພັດທະນາ ແລະ ໃຫ້ຖືເປັນເວທີໃນການເຝິກຝົນຫລໍ່ຫລອມຊາວໜຸ່ມໃຫ້ກາຍເປັນບຸກຄົນດີເດັ່ນໃນຂະບວນການຕົວຈິງ. ພ້ອມນັ້ນຊາວໜຸ່ມຕ້ອງຕັ້ງໜ້າປະກອບສ່ວນເຂົ້າໃນການສະກັດກັ້ນ ແລະ ແກ້ໄຂປາກົດການຫຍໍ້ທໍ້ໃນໝູ່ຊາວໜຸ່ມໃຫ້ຫລຸດໜ້ອຍຖອຍລົງ ໂດຍສະເພາະແມ່ນບັນຫາຢາເສບຕິດ, ການຫັນປ່ຽນໂດຍສັນຕິຂອງສັດຕູ, ຄ່ານິຍົມທີ່ບໍ່ຖືກຕ້ອງໃນໝູ່ຊາວໜຸ່ມ ແລະ ສິ່ງຫຍໍ້ທ້ໍອື່ນໆໃຫ້ໝົດໄປ.

ທ່ານຫົວໜ້າຄະນະຈັດຕັ້ງສູນກາງພັກ ເນັ້ນວ່າ: ຄຽງຄູ່ກັນນັ້ນ ຄະນະຊຸດໃໝ່ຕ້ອງເພີ່ມທະວີການນຳພາວຽກງານການເມືອງແນວຄິດພະນັກງານ, ສະມາຊິກພັກ, ຖັນແຖວຊາວໜຸ່ມ, ເຍົາວະຊົນໃຫ້ມີຄວາມຈົງຮັກພັກດີຕໍ່ພັກ, ຕໍ່ປະເທດຊາດ, ຕໍ່ປະຊາຊົນ ຕ້ອງຍຶດໝັ້ນຫລັກການເຄື່ອນໄຫວນຳພາຂອງພັກ, ຕ້ານປາກົດການຫຍໍ້ທໍ້ໃນແບບແຜນວິທີນຳພາ, ວິທີເຮັດວຽກເຊັ່ນ: ປະຊາທິປະໄຕລ່ວງສິດ, ລ່ວງອຳນາດ, ລ່ວງໜ້າທີ່, ອາດຍາສິດບໍ່ຕິດພັນກັບຮາກຖານ, ບໍ່ຕິດພັນກັບຕົວຈິງ, ບໍ່ຕິດພັນກັບມະຫາຊົນ, ລາຍງານແບບດອກໄມ້ ແລະ ອື່ນໆ. ພ້ອມໃຫ້ເອົາໃຈໃສ່ປັບປຸງການຈັດຕັ້ງ ເປັນຕົ້ນການກໍ່ສ້າງຮາກຖານພັກ, ໜ່ວຍພັກ, ປັບປຸງກົງຈັກການຈັດຕັ້ງໃຫ້ກະທັດຮັດ, ເສີມຂະຫຍາຍບົດບາດ ແລະ ຈຸດພິເສດຂອງຄະນະຊາວໜຸ່ມປະຊາຊົນປະຕິວັດລາວໃນໄລຍະໃໝ່, ສາມາດເປັນໃຈກາງໃນການເຕົ້າໂຮມກຳລັງແຮງສັງລວມຂອງຊາວໜຸ່ມໃນທຸກສາຂາອາຊີບເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ. ຂະນະດຽວກັນກໍສຸມໃສ່ການສ້າງສະມາຊິກພັກ-ພະນັກງານແຕ່ລະຂັ້ນຢ່າງມີຈຸດສຸມ ແລະ ຕໍ່ເນື່ອງ ແນໃສ່ຮັບປະກັນໃຫ້ມີພະນັກງານສືບທອດໃຫ້ມີຄຸນນະພາບ.

- Wave100S AD to Website 2020 0 - ຫົວໜ້າຄະນະຈັດຕັ້ງສູນກາງພັກແນະນຳໃຫ້ຊາວໜຸ່ມຕັ້ງໜ້າປະຕິບັດຂໍ້ແຂ່ງຂັນ 4 ບຸກໃຫ້ເກີດຜົນ
- WhatsApp Image 2020 05 27 at 5 - ຫົວໜ້າຄະນະຈັດຕັ້ງສູນກາງພັກແນະນຳໃຫ້ຊາວໜຸ່ມຕັ້ງໜ້າປະຕິບັດຂໍ້ແຂ່ງຂັນ 4 ບຸກໃຫ້ເກີດຜົນ
- WhatsApp Image 2020 05 27 at 5 - ຫົວໜ້າຄະນະຈັດຕັ້ງສູນກາງພັກແນະນຳໃຫ້ຊາວໜຸ່ມຕັ້ງໜ້າປະຕິບັດຂໍ້ແຂ່ງຂັນ 4 ບຸກໃຫ້ເກີດຜົນ
error: Alert: ເນື້ອຫາຂ່າວມີລິຂະສິດ !!