ເຈົ້າໜ້າທີ່​ພວມເລັ່ງສືບສວນຄະດີ​ສໍ້​ໂກງ​ຂອງ​ບໍລິສັດລາວ​ຄຳ​ທີ່​ປຶກສາ​ການ​ລົງທຶນຈຳກັດ

ເຈົ້າໜ້າທີ່​ພວມເລັ່ງສືບສວນຄະດີ​ສໍ້​ໂກງ​ຂອງ​ບໍລິສັດລາວ​ຄຳ​ທີ່​ປຶກສາ​ການ​ລົງທຶນຈຳກັດ - Lao kham 1 - ເຈົ້າໜ້າທີ່​ພວມເລັ່ງສືບສວນຄະດີ​ສໍ້​ໂກງ​ຂອງ​ບໍລິສັດລາວ​ຄຳ​ທີ່​ປຶກສາ​ການ​ລົງທຶນຈຳກັດ
ເຈົ້າໜ້າທີ່​ພວມເລັ່ງສືບສວນຄະດີ​ສໍ້​ໂກງ​ຂອງ​ບໍລິສັດລາວ​ຄຳ​ທີ່​ປຶກສາ​ການ​ລົງທຶນຈຳກັດ - Untitled design - ເຈົ້າໜ້າທີ່​ພວມເລັ່ງສືບສວນຄະດີ​ສໍ້​ໂກງ​ຂອງ​ບໍລິສັດລາວ​ຄຳ​ທີ່​ປຶກສາ​ການ​ລົງທຶນຈຳກັດ

ກົມ​ຕຳຫລວດ​ເສດຖະກິດ ​ໃຫ້​ຮູ້​ວ່າ: ປັດຈຸບັນ, ກຳລັງ​ຮວບ​ຮວມຂໍ້​ມູນ​ເພື່ອ​ດຳ​ເນີນ​ຄະດີ​ກັບບໍລິສັດລາວ​ຄຳ​ທີ່​ປຶກສາ​ການ​ລົງທຶນຈຳກັດ​ໃນ​ຂໍ້​ຫາ​ສໍ້​ໂກງ​ຊັບ ​ແລະ ຟອກ​ເງີ​ນ, ​ໂດຍ​ມີ​ຜູ້​ຕ້ອງ​ຫາ​ຫລາຍ​ຄົນທັງ​ຄົນ​ລາວ ​ແລະ ຫວຽດນາມ, ​ຊຶ່ງເຈົ້າໜ້າທີ່​ໄດ້​ຈັບ​ຕົວຜູ້ບໍລິຫານບໍລິສັດດັ່ງກ່າວຊື່​ທ້າວ ຟຸ ​ເມິ່ງ ​ເກື່ອງ ອາຍຸ 48 ປີສັນຊາດ​ຫວຽດນາມ ມາ​ດຳ​ເນີນ​ຄະດີ​ຕາມ​ລະບຽບກົດຫມາຍ.

​ເຈົ້າໜ້າທີ່​ ໃຫ້​ຮູ້​ວ່າ: ບໍລິສັດ​ດັ່ງກ່າວ​ໄດ້​ມາ​ດຳ​ເນີນ​ທຸລະ​ກິດ​ຢູ່​ລາວ​ໃນ​ປີ 2013 ​ໃນ​ຖານະ​ເປັນ​ບໍລິສັດທີ່​ປຶກສາ​ທາງ​ດ້ານ​ການ​ລົງທຶນ, ຕໍ່ມາ​ບໍລິສັດ​ໄດ້​ດຳ​ເນີນ​ທຸລະ​ກິດ​ບໍ່ສອດຄ່ອງ​ກັບ​ລະບຽບກົດໝາຍ, ​ໂດຍ​ໄດ້​ລະດົມ​ເງີ​ນທຶນ​ຈາກ​ສັງຄົມ​ໃຫ້​ມາ​ຮ່ວມ​ລົງທຶນ ​ແລະ ​ອ້າງວ່າຈະ​ໄດ້​ຮັບ​ຜົນ​ຕອບ​ແທນ​ສູງ, ຊຶ່ງ​ເຫັນ​ວ່າ​ຜິດ​ຕໍ່ລະບຽບ ​ແລະ ​ເປັນ​ການ​ສໍ້​ໂກງ​ຊັບ​ຂອງ​ພົນລະ​ເມືອງ, ​ໂດຍ​ມີ​ຜູ້​ເສຍ​ຫາຍ​ໄດ້​ໃຫ້​ຂໍ້​ມູນ​ກັບ​ເຈົ້າໜ້າທີ່ກວ່າ 80 ຄົນ ທີ່ຢູ່ນະຄອນຫລວງ​ວຽງຈັນ, ສະຫວັນ​ນະ​ເຂດ ​ແລະ ຈຳປາ​ສັກ ຕົກ​ເປັນ​ເງີ​ນກວ່າ 1 ລ້ານ​ໂດ​ລາສະຫະລັດ.

ປັດຈຸບັນ, ຄະດີສໍ້ໂກງລາຍນີ້, ເຈົ້າໜ້າທີ່ພວມ​ເກັບ​ກຳ​ຂໍ້​ມູນ​ຫລັກ​ຖານ ​ແລະ ​​ເອົາ​ຄຳ​ໃຫ້ການ​ຈາກຜູ້​ເສຍ​ຫາຍ​ຈຳນວນໜຶ່ງ ແລະ ​ຍັງມີ​ຜູ້​ຖືກ​ເສຍ​ຫາຍ​ຈຳນວນ​ຫລາຍ​ໃນ​ທົ່ວ​ປະ​ເທດທີ່​ບໍ່ທັນ​ເຂົ້າ​ໄປ​ລາຍ​ງານ ​ແລະ ​ແຈ້ງ​ຄວາມກັບເຈົ້າໜ້າທີ່​ ແລະ ​ເພື່ອເປັນການ​ປົກ​ປ້ອງ​ຜົນ​ປະ​ໂຫຍ​ດຂອງ​ຜູ້​ເສຍ​ຫາຍ ​ແລະ ​ເພື່ອ​ຮັບປະກັນ​ການ​ດຳ​ເນີນ​ຄະດີ​ໃຫ້​ຖືກຕ້ອງ​ຕາມ​ລະບຽບກົດໝາຍ, ກົມ​ຕຳຫລວດ​ເສດຖະກິດ ກໍ​ໄດ້​ອອກ​ແຈ້ງ​ການ​ຄື: ​ໃຫ້​ຜູ້​ຖືກ​ເສຍ​ຫາຍ​ທີ່​ໄດ້​ຂຽນຄຳ​ຮ້ອງ​ຟ້ອງຕໍ່ບໍລິສັດ ລາວ​ຄຳທີ່​ປຶກສາ​ການ​ລົງທຶນຈຳກັດ​ແລ້ວ ​ແຕ່​ຍັງ​ບໍ່ທັນ​​ໄດ້​ໄປ​ລາຍ​ງານ (​ໃຫ້​ປາກຄຳ) ກັບ​ເຈົ້າໜ້າທີ່ຢູ່ກົມ​ຕຳຫລວດ​ເສດຖະກິດກົມ​ໃຫຍ່​ຕຳຫລວດ ແມ່ນ​ໃຫ້​ຮີບ​ຮ້ອນ​ເອົາ​ເອກະສານ​ຫລັກ​ຖານ​ທັງໝົດ​ເຂົ້າ​ໄປ​ພົບ​ເຈົ້າໜ້າທີ່​ສອບ​ສວນ​ດ່ວນ ​ເພື່ອ​ຈະ​ທ້ອນ​ໂຮມ ​ແລະ ບັນທຶກ​ເອົາ​ຄຳ​ໃຫ້ການ​ປະກອບ​ໃສ່​ສຳນວນ​ຄະດີ​ໃຫ້​ທັນ​ເວ​ລາ, ​ໃຫ້​ຜູ້​ເສຍ​ຫາຍ​ທີ່​ຍັງ​ບໍ່ທັນ​ໄດ້​ຂຽນຄຳ​ຮ້ອງ​ຟ້ອງ ຫລື ​ແຈ້ງ​ຄວາມ ກັບບໍລິສັດ​ລາວ​ຄຳ ກໍ​ໃຫ້​ຮີບ​ຮ້ອນ​ຂຽນຄຳ​ຮ້ອງ ຫລື ​ເຂົ້າ​ໄປ​ແຈ້ງ​ຄວາມ​ພ້ອມ​ດ້ວຍ​ເອກະສານ​ຫລັກ​ຖານກ່ຽວກັບບໍລິສັດ​ລາວຄຳຢູ່ກົມ​ຕຳຫລວດ​ເສດຖະກິດ, ກຳນົດ​ເວລາ​ຮັບ​ບັນທຶກ​ຄຳ​ໃຫ້ການ, ຮັບ​ຄຳ​ຮ້ອງ​ຟ້ອງ ​ແລະ ຮັບ​ແຈ້ງ​ຄວາມ ​ແມ່ນ​ບໍ່​ໃຫ້ກາຍວັນ​ທີ 30 ​ເມສາ 2018 ​ເພື່ອ​ໃຫ້​ເຈົ້າໜ້າທີ່​ໄດ້​ສັງ​ລວມຂໍ້ມູນສົ່ງ​​ໃຫ້​ກົມ​ຕຳຫລວດ​ເສດຖະກິດ​ແລ້ວ​ສັງ​ລວມ​ເຂົ້າ​ໃນ​ບົດ​ສະຫລຸບ​ຄະດີ​ໃຫ້​ທັນຕາ​ມ​ເວລາ.

ເຈົ້າໜ້າທີ່​ພວມເລັ່ງສືບສວນຄະດີ​ສໍ້​ໂກງ​ຂອງ​ບໍລິສັດລາວ​ຄຳ​ທີ່​ປຶກສາ​ການ​ລົງທຶນຈຳກັດ - Wave100S AD to Website 2020 0 - ເຈົ້າໜ້າທີ່​ພວມເລັ່ງສືບສວນຄະດີ​ສໍ້​ໂກງ​ຂອງ​ບໍລິສັດລາວ​ຄຳ​ທີ່​ປຶກສາ​ການ​ລົງທຶນຈຳກັດ

ເຈົ້າໜ້າທີ່ ​ໃຫ້​ຮູ້​ວ່າ: ຄະດີ​ດັ່ງກ່າວ​ແມ່ນ​ມີ​ຄວາມ​ຄືບໜ້າຫລາຍ, ​ເນື່ອງ​ຈາກ​ມີ​ຂໍ້​ມູນ​ຫລັກ​ຖານ​ທີ່​ຮັດກຸມ ​ແລະ ມີ​ຜູ້​ເສຍ​ຫາຍ​ເປັນ​ຈຳນວນ​ຫລາຍ, ສະ​ນັ້ນຈຶ່ງ​ເຊື່ອ​ວ່າ​ຈະ​ດຳ​ເນີນ​ຄະດີ​ຕໍ່ຜູ້​ກະທຳ​ຜິດ​​ໃນ​ສະຖານ​ສໍ້​ໂກງ ​ແລະ ຟອກ​ເງີ​ນ ແລະ ຄາດ​ວ່າ​ປະມານ 6 ​ເດືອນ​ຈະ​ໄດ້​ສະຫລຸບ​ສຳນວນ​ສົ່ງ​ໃຫ້​ໄອ​ຍະ​ການເພື່ອ​ສັ່ງ​ຟ້ອງສານ​ຕັດສິນ​ລົງ​ໂທດ​ຕາມຂະ​ບວນການຍຸຕິ​ທຳ.

ເຈົ້າໜ້າທີ່​ພວມເລັ່ງສືບສວນຄະດີ​ສໍ້​ໂກງ​ຂອງ​ບໍລິສັດລາວ​ຄຳ​ທີ່​ປຶກສາ​ການ​ລົງທຶນຈຳກັດ - WhatsApp Image 2020 05 27 at 5 - ເຈົ້າໜ້າທີ່​ພວມເລັ່ງສືບສວນຄະດີ​ສໍ້​ໂກງ​ຂອງ​ບໍລິສັດລາວ​ຄຳ​ທີ່​ປຶກສາ​ການ​ລົງທຶນຈຳກັດ
ເຈົ້າໜ້າທີ່​ພວມເລັ່ງສືບສວນຄະດີ​ສໍ້​ໂກງ​ຂອງ​ບໍລິສັດລາວ​ຄຳ​ທີ່​ປຶກສາ​ການ​ລົງທຶນຈຳກັດ - WhatsApp Image 2020 05 27 at 5 - ເຈົ້າໜ້າທີ່​ພວມເລັ່ງສືບສວນຄະດີ​ສໍ້​ໂກງ​ຂອງ​ບໍລິສັດລາວ​ຄຳ​ທີ່​ປຶກສາ​ການ​ລົງທຶນຈຳກັດ
error: Alert: ເນື້ອຫາຂ່າວມີລິຂະສິດ !!