ສປຊ ຮຽກຮ້ອງທຸກຝ່າຍໃນຊີຣີ ຢຸດຖະຫລົ່ມເຂດກູຕາຕາເວັນອອກ

ສປຊ ຮຽກຮ້ອງທຸກຝ່າຍໃນຊີຣີ ຢຸດຖະຫລົ່ມເຂດກູຕາຕາເວັນອອກ - 68tbpxb8 copy 1 - ສປຊ ຮຽກຮ້ອງທຸກຝ່າຍໃນຊີຣີ ຢຸດຖະຫລົ່ມເຂດກູຕາຕາເວັນອອກ
ສປຊ ຮຽກຮ້ອງທຸກຝ່າຍໃນຊີຣີ ຢຸດຖະຫລົ່ມເຂດກູຕາຕາເວັນອອກ - Untitled design - ສປຊ ຮຽກຮ້ອງທຸກຝ່າຍໃນຊີຣີ ຢຸດຖະຫລົ່ມເຂດກູຕາຕາເວັນອອກ

ສະຫະ​ປະຊາ​ຊາດ​ອອກ​ຖະ​ແຫລ​ງການ​ຮຽກຮ້ອງ​ໃຫ້​ທຸກ​ຝ່າຍ​ໃນ​ສົງຄາມ​ຊີຣີຢຸດຕິ​ການ​ສູ້​ຮົບ​ໃນ​ເຂດ​ກູ​ຕາ​ຕາ​ເວັນອອກ ຫລັງ​ຈຳນວນ​ຜູ້​ເສຍ​ຊີວິດ​ເພີ່ມ​ເປັນ​ຫລາຍ​ກວ່າ 100 ຄົນ​​ແລ້ວ ພາຍ​ໃນ​ໄລຍະ​ເວລາ​ພຽງ 24 ຊົ່ວ​ໂມງ.

ສປຊ ຮຽກຮ້ອງທຸກຝ່າຍໃນຊີຣີ ຢຸດຖະຫລົ່ມເຂດກູຕາຕາເວັນອອກ - DVYPDO9XkAAs56j 1 300x200 - ສປຊ ຮຽກຮ້ອງທຸກຝ່າຍໃນຊີຣີ ຢຸດຖະຫລົ່ມເຂດກູຕາຕາເວັນອອກ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ດາ​ມັດ​ກັດ ປະ​ເທດ​ຊີຣີ ​ໃນ​ວັນ​ທີ 20 ກຸມພາ​ວ່າ: ສຳນັກງານ​ເພື່ອ​ການ​ປະສານ​ງານ​ດ້ານ​ມະນຸດສະທຳ​ແຫ່ງ​ສະຫະ​ປະຊາ​ຊາດ (OCHA) ປະຈຳ​ຊີຣີ ອອກ​ຖະ​ແຫລ​ງການ​ໃນ​ວັນ​ທີ 19 ກຸມພາ ມີ​ເນື້ອ​ໃນ​ສຳຄັນ​ຮຽກຮ້ອງ​ໃຫ້​ຄູ່​ກໍລະນີ​ທຸກ​ຝ່າຍ​ໃນ​ສົງຄາມ​ຊີຣີ ຢຸດຕິ​ການ​ສູ້​ຮົບ​ໃນ​ເຂດ​ກູຕາ​ຕາ​ເວັນ​ອອກ ທີ່​ຕັ້ງຢູ່​ນອກ​ນະຄອນຫລວງ​ດາ​ມັດ​ກັດ ​ແລະ ​ເປັນ​ພື້ນທີ່​ແຫ່ງ​ສຸດ​ທ້າຍ​ອ້ອມ​ເມືອງ​ຫລວງ​ຂອງ​ຊີຣີ ທີ່​ກອງ​ກຳລັງ​ຝ່າຍ​ກະບົດ​ຍັງ​ຍຶດຄອງ​ໄວ້​ໄດ້ ຫລັງ​ປະຕິບັດ​ການ​ໂຈມ​ຕີ​ທາງ​ອາກາດ. ການຍິງ​ປືນ​ໃຫຍ່ ​ແລະ ການ​ຍິງ​ຈະ​ຫລວດ​ຕໍ່ສູ້​ກັນ ນັບ​ແຕ່​ວັນ​ທີ 19 ກຸມພາ ​ເປັນ​ເຫດ​ໃຫ້​ມີ​ຜູ້​ເສຍ​ຊີວິດ​ແລ້ວ​ຫລາຍ​ກວ່າ 100 ຄົນ ​ແລະ ​ໄດ້​ຮັບ​ບາດ​ເຈັບ​ອີກ​ຫລາຍ​ກວ່າ 300 ຄົນ.

ຂະນະ​ທີ່​ລາຍ​ງານ​ໂດຍ​ອົງການ​ສັງ​ເກດ​ການ​ດ້ານ​ສິດທິ​ມະນຸດ​ຊີຣີ (SOHR) ລະບຸ​ວ່າ: ​ຈຳນວນ​ຜູ້​ເສຍ​ຊີວິດ ​ແລະ ຜູ້​ໄດ້​ຮັບ​ບາດ​ເຈັບ​ຈາກ​ການ​ສູ້​ຮົບ​ກັນ​ຢ່າງ​ດຸ​ເດືອດ​ໃນ​ເຂດ​ກູ​ຕາ​ຕາ​ເວັນ​ອອກ ພາຍ​ໃນ​ໄລຍະ​ເວລາ 24 ຊົ່ວ​ໂມງ​ຜ່ານ​ມາ ຖື​ເປັນ​ສະຖິຕິ​ສູງ​ສຸດ​ພາຍ​ໃນ​ວັນ​ດຽວ ນັບ​ແຕ່​ກອງ​ກຳລັງ​ຝ່າຍ​ຕໍ່ຕ້ານ​ລັດຖະບານ​ເຂົ້າຍຶດຄອງ​ພື້ນທີ່​ແຫ່ງ​ນີ້ ​ໃນ​ປີ 2015 ​ແລະ ຖືກ​ທະຫານ​ລັດຖະບານ​ປິດ​ລ້ອມ​ນັບ​ຈາກ​ນັ້ນ. ນອກຈາກ​ນີ້ SOHR ຕັ້ງຂໍ້​ສັນນິຖານ​ວ່າ: ການ​ທີ່​ກອງທັບ​ຊີຣີ​ເພີ່ມ​ຄວາມ​ຮຸນ​ແຮງ​ຂອງ​ປະຕິບັດ​ການ​ໂຈມ​ຕີ​ທາງ​ອາກາດ​ໃນ​ເຂດ​ກູຕາຕາ​ເວັນ​ອອກ ຄື​ເພື່ອ​ເປີດ​ທາງ​ໃຫ້​ມີ​ການ​ໂຈມ​ຕີ​ໂດຍ​ກອງ​ກຳລັງ​ພາກພື້ນດິນ​ເປັນ​ຂັ້ນຕໍ່​ໄປ.

ສປຊ ຮຽກຮ້ອງທຸກຝ່າຍໃນຊີຣີ ຢຸດຖະຫລົ່ມເຂດກູຕາຕາເວັນອອກ - WhatsApp Image 2020 05 27 at 5 - ສປຊ ຮຽກຮ້ອງທຸກຝ່າຍໃນຊີຣີ ຢຸດຖະຫລົ່ມເຂດກູຕາຕາເວັນອອກ
ສປຊ ຮຽກຮ້ອງທຸກຝ່າຍໃນຊີຣີ ຢຸດຖະຫລົ່ມເຂດກູຕາຕາເວັນອອກ - WhatsApp Image 2020 05 27 at 5 - ສປຊ ຮຽກຮ້ອງທຸກຝ່າຍໃນຊີຣີ ຢຸດຖະຫລົ່ມເຂດກູຕາຕາເວັນອອກ
error: Alert: ເນື້ອຫາຂ່າວມີລິຂະສິດ !!