ປຽບທຽບ ຂໍ້ດີ-ຂໍ້ເສຍ ເມື່ອລູກເປີດປະຕູເຂົ້າສູ່ໂລກອິນເຕີເນັດ

ປຽບທຽບ ຂໍ້ດີ-ຂໍ້ເສຍ ເມື່ອລູກເປີດປະຕູເຂົ້າສູ່ໂລກອິນເຕີເນັດ -                                                      - ປຽບທຽບ ຂໍ້ດີ-ຂໍ້ເສຍ ເມື່ອລູກເປີດປະຕູເຂົ້າສູ່ໂລກອິນເຕີເນັດ
ປຽບທຽບ ຂໍ້ດີ-ຂໍ້ເສຍ ເມື່ອລູກເປີດປະຕູເຂົ້າສູ່ໂລກອິນເຕີເນັດ - Untitled design - ປຽບທຽບ ຂໍ້ດີ-ຂໍ້ເສຍ ເມື່ອລູກເປີດປະຕູເຂົ້າສູ່ໂລກອິນເຕີເນັດ

ອົງການຢູນິເຊຟ (Unicef) ຊີ້ວ່າ ໃນດ້ານດີ: ເຕັກໂນໂລຊີດິຈິຕອນຊ່ວຍໃຫ້ເດັກນ້ອຍເຂົ້າເຖິງແຫຼ່ງຂໍ້ມູນ ແລະ ເຂົ້າເຖິງຊຸມຊົນທີ່ໃຫຍ່ຂຶ້ນ, ຊ່ວຍສ້າງໂອກາດໃນອະນາຄົດດ້ານການງານ ແລະ ອາຊີບ.

ແຕ່ຢູນິເຊຟຍັງເຕືອນເຖິງຜົນເສຍເຊັ່ນກັນ ໂດຍຊີ້ວ່າ ອິນເຕີເນັດອາດນໍາມາຊຶ່ງສິ່ງທີ່ເປັນອັນຕະລາຍ ແລະ ສ້າງຄວາມຄຽດ ໂດຍສະເພາະເດັກນ້ອຍທີ່ບໍ່ຮູ້ຈັກໃຊ້ອິນເຕີເນັດຢ່າງຮອບຄອບ.

ລໍເຣນຊ໌ແຊນດີ້ ຜູ້ອໍານວຍການຝ່າຍການວິໄຈທາງດ້ານຂໍ້ມູນ ແລະ ນະໂຍບາຍແຫ່ງຢູນິເຊຟ ກ່າວວ່າ: ການເຂົ້າເຖິງອິນເຕີເນັດມີປະໂຫຍດຫຼາຍຢ່າງ, ທ່ານກ່າວວ່າ ອິນເຕີເນັດຊ່ວຍປ່ຽນແປງຊີວິດເດັກນ້ອຍໄດ້ ໂດຍສະເພາະເດັກທີ່ມີໂອກາດໜ້ອຍ ຫຼື ເດັກນ້ອຍພິການທີ່ອາໄສໃນເຂດຫ່າງໄກສອກຫຼີກ.

ແຕ່ລາຍງານຂອງຢູນິເຊຟຕີ​ລາຄາວ່າ ມີເດັກເກືອບ 1 ໃນ 3 ຂອງເຍົາວະຊົນທົ່ວໂລກບໍ່ມີອິນເຕີເນັດໃຊ້ ສ່ວນໃຫຍ່ຢູ່ໃນປະເທດກໍາລັງພັດທະນາ ຍົກຕົວຢ່າງໃນອາຟຣິກາ ມີພຽງ 40% ຂອງເດັກນ້ອຍທັງໝົດທີ່ບໍ່ມີອິນເຕີເນັດໃຊ້ ຂະນະທີ່​ເອີຣົບ ມີເດັກ 88% ເຂົ້າເຖິງອິນເຕີເນັດ.

ລາຍງານຂອງຢູນິເຊຟຊີ້ວ່າ ເດັກທີ່ບໍ່ມີອິນເຕີເນັດໃຊ້ເຫຼົ່ານີ້ ສູນເສຍໂອກາດທີ່ຈະໄດ້ຮັບປະໂຫຍດຈາກການໃຊ້ອິນເຕີເນັດ ຢູນິເຊຟເອີ້ນຊ່ອງວ່າງລະຫວ່າງເດັກທີ່ເຂົ້າເຖິງອິນເຕີເນັດໄດ້ຢ່າງງ່າຍດາຍກັບເດັກທີ່ບໍ່ມີໂອກາດໃຊ້ອິນເຕີເນັດວ່າ “ຊ່ອງວ່າງທາງດິຈິຕອນ”.

ບັນດາຜູ້ຊ່ຽວຊານຢູນິເຊຟກວ່າວ່າ “ຊ່ອງວ່າງທາງດິຈິຕອນ” ບໍ່ຍຸຕິທໍາ ແລະ ຈະຕ້ອງປັບປຸງ ພວກເຂົາຢໍ້າວ່າເດັກໃນທຸກທົນທຸກແຫ່ງທົ່ວໂລກ ຈະຕ້ອງເຂົ້າເຖິງເຄື່ອງມືຕ່າງໆ ທີ່ຈະຊ່ວຍໃຫ້ມີສ່ວນຮ່ວມ ແລະ ແຂ່ງຂັນໃນເສດຖະກິດຍຸກດິຈິຕອນທີ່ເຕີບ​ໃຫຍ່ຕະຫຼອດເວລາ.

ສໍາລັບຜົນເສຍ ຢູນິເຊຟລາຍງານວ່າ ຜູ້ໃຊ້ອິນເຕີເນັດ 1 ໃນ 3 ຄົນທົ່ວໂລກເປັນເດັກ  ແລະ ເຖິງວ່າມີເດັກຈໍານວນຫຼາຍທີ່ໃຊ້ອິນເຕີເນັດ. ອົງການຢູນິເຊຟຊີ້ວ່າ ຍັງມີຄວາມຮູ້ໜ້ອຍຫຼາຍກ່ຽວກັບຜົນກະທົບທາງລົບຈາກເຕັກໂນໂລຊີດິຈິຕອນ​ຕໍ່ເດັກ ແລະ ທີ່ສໍາຄັນໄປກວ່ານັ້ນ ລາຍງານຢູນິເຊຟຊີ້ວ່າ ຍັງບໍ່ມີການປ້ອງກັນເດັກ ຈາກອັນຕະລາຍຂອງໂລກດິຈິຕອນ.

ຍົກຕົວຢ່າງ ເດັກຈໍານວນຫຼາຍທົ່ວໂລກ ມີຂໍ້ມູນສ່ວນຕົວປາກົດໃນໂລກດິຈິຕອນກ່ອນທີ່ເດັກໆ ຈະຍ່າງໄດ້ ຫຼື ເວົ້າໄດ້ອີກ ເພາະພໍ່ແມ່ເປັນຄົນໂພສຮູບລູກໆ ແລະ ບອກເລົ່າເລື່ອງລາວກ່ຽວກັບລູກໃນໂລກດິຈິຕອນ.

ປຽບທຽບ ຂໍ້ດີ-ຂໍ້ເສຍ ເມື່ອລູກເປີດປະຕູເຂົ້າສູ່ໂລກອິນເຕີເນັດ - Wave100S AD to Website 2020 0 - ປຽບທຽບ ຂໍ້ດີ-ຂໍ້ເສຍ ເມື່ອລູກເປີດປະຕູເຂົ້າສູ່ໂລກອິນເຕີເນັດ

ນອກຈາກນີ້ ອາດມີການຈັດເກັບຂໍ້ມູນກ່ຽວກັບສຸຂະພາບຂອງລູກໃນ cloud ອີກດ້ວຍ. ເມື່ອເດັກໆເຕີບ​ໃຫຍ່ຂຶ້ນ ເດັກໆອາດຈະແຊຣ໌ຂໍ້ມູນເພີ່ມເຕີມກ່ຽວກັບຕົນເອງ ຫຼື ຮູບພາບວິດີໂອໃນໂລກດິຈິຕອນ ແຕ່ການເປີດເຜີຍຂໍ້ມູນສ່ວນຕົວຕໍ່ສາທາລະນະໃນໂລກດິຈິຕອນ ອາດເຮັດໃຫ້ເດັກນ້ອຍສ່ຽງຕໍ່ອັນຕະລາຍ.

ແຊນດີ້ ຜູ້ອໍານວຍການຝ່າຍການວິໄຈທາງດ້ານຂໍ້ມູນ ແລະ ນະໂຍບາຍແຫຼ່ງຢູນິເຊຟ ກ່າວວ່າ ຄວາມສ່ຽງທີ່ວ່ານີ້ໝາຍລວມເຖິງການນໍາຂໍ້ມູນສ່ວນຕົວຂອງເດັກໄປໃຊ້ໃນທາງທີ່ຜິດ, ການເຂົ້າເຖິງຂໍ້ມູນທີ່ເປັນອັນຕະລາຍຕໍ່ເດັກ ແລະ ການລັງແກເດັກໃນໂລກໄຊເບີຣ໌.

ນອກຈາກນີ້, ແຊນດີ້ ຍັງຊີ້ວ່າ ເດັກຍັງສ່ຽງຕໍ່ການຕົກເປັນເຫຍື່ອຂອງເຄືອຂ່າຍອາຊະຍາກໍາທາງອອນລາຍອີກດ້ວຍ. ທ່ານກ່າວວ່າ ເຄືອຂ່າຍອາຊະຍາກໍາທາງອອນລາຍຈ້ອງໃຊ້ເດັກເພື່ອຜົນປະໂຫຍດ ບໍ່ວ່າຈະເປັນການລັກລອບຄ້າມະນຸດ ແລະ ການທໍາຮ້າຍທາງເພດເດັກທາງອອນລາຍ. ທ່ານກ່າວວ່າ ການຮັກສາຄວາມເປັນສ່ວນຕົວຂອງເດັກໃນໂລກດິຈິຕອນເປັນບັນຫາສໍາຄັນຫຼາຍທີ່ສຸດ.

ລໍເຣນຊ໌ ແຊນດີ້ ຜູ້ອໍານວຍການຝ່າຍການວິໄຈຂໍ້ມູນ ແລະ ນະໂຍບາຍແຫ່ງຢູນິເຊຟ ກ່າວວ່າ ຢູນິເຊຟເນັ້ນຄວາມສໍາຄັນຂອງການມີມາດຕະການປົກປ້ອງຂໍ້ມູນສ່ວນຕົວຂອງເດັກໃນໂລກດິຈິຕອນ ບໍ່ໃຫ້ຕົກໄປຢູ່ໃນມືຂອງຄົນທີ່ບໍ່ຫວັງດີ ແລະ ຕ້ອງປົກປ້ອງຂໍ້ມູນສະແດງຕົວຕົນຂອງເດັກ  ແລະ ກ່າວວ່າ ບັນຫານີ້ກໍາລັງເປັນເລື່ອງທີ່ມີຄວາມສໍາຄັນເພີ່ມຂຶ້ນຕະຫຼອດເວລາ.

ຢູນິເຊຟ ໄດ້ຂໍໃຫ້ລັດຖະບານໃນປະເທດຕ່າງໆ, ໂຮງຮຽນ ແລະ ທຸດລະກິດ ດ້ານເຕັກໂນໂລຊີດິຈິຕອນ ໃຫ້ຄວາມສໍາຄັນກັບສອງສິ່ງນີ້ ຢ່າງທໍາອິດຄື: ໃຫ້ໂອກາດເດັກນ້ອຍຫຼາຍຂຶ້ນໃນການເຂົ້າເຖິງອິນເຕີເນັດ ແລະ ຢ່າງທີສອງ ຕ້ອງປົກປ້ອງເດັກນ້ອຍ ເມື່ອເດັກນ້ອຍຢູ່ໃນໂລກອອນລາຍ.

ປຽບທຽບ ຂໍ້ດີ-ຂໍ້ເສຍ ເມື່ອລູກເປີດປະຕູເຂົ້າສູ່ໂລກອິນເຕີເນັດ - WhatsApp Image 2020 05 27 at 5 - ປຽບທຽບ ຂໍ້ດີ-ຂໍ້ເສຍ ເມື່ອລູກເປີດປະຕູເຂົ້າສູ່ໂລກອິນເຕີເນັດ
ປຽບທຽບ ຂໍ້ດີ-ຂໍ້ເສຍ ເມື່ອລູກເປີດປະຕູເຂົ້າສູ່ໂລກອິນເຕີເນັດ - WhatsApp Image 2020 05 27 at 5 - ປຽບທຽບ ຂໍ້ດີ-ຂໍ້ເສຍ ເມື່ອລູກເປີດປະຕູເຂົ້າສູ່ໂລກອິນເຕີເນັດ
error: Alert: ເນື້ອຫາຂ່າວມີລິຂະສິດ !!