ແອັບ Google ເປີດໃຊ້ເຄື່ອງມືຕັດຕໍ່ ແລະ ແຊພາບ Screenshots ແບບ Built-in
ໃນເດືອນເມສາປີຜ່ານມາ, ແອັບພິເຄຊັ່ນ Google ເລີ່ມທົດສອບ Screenshot Editor ແບບ Built-in ຈົນໃນທີ່ສຸດຟີເຈີນີ້ກໍໄດ້ຖືກນໍາອອກມາໃຊ້ແລ້ວໃນແອັບ Google ເວີຊັ່ນ 7.21 (ຂະນະນີ້ເປັນ Beta Version) ຊຶ່ງເຮັດໃຫ້ຜູ້ໃຊ້ສາມາດແຊ ແລະ ຕັດຕໍ່ພາບ Screenshot ທີ່ແຄປເຈີມາຈາກຟີດຂ່າວຂອງ Google New ລວມເຖິງແຊ ແລະ ຕັດຕໍ່ພາບທີ່ແຄປເຈີມາຈາກຜົນການຄົ້ນຫາຂອງ Google ໄດ້.
ສໍາລັບການເປີດໃຊ້ ສາມາດໄປທີ່ການຕັ້ງຄ່າໃນແອັບ Google ຈາກນັ້ນໄປທີ່ Accounts & privacy ຈະມີປຸ່ມໃຫ້ເລືອກວ່າຈະເປີດຟີເຈີ “Edit and share screenshots” ຫຼື ບໍ່.
ເມື່ອເປີດໃຊ້ງານຟີເຈີນີ້ແລ້ວ ຫາກເຮົາແຄປເຈີພາບ “Edit and share screenshots” ຈາກແອັບ Google ຈະມີກ່ອງຂໍ້ຄວາມປາກົດຈາກດ້ານລຸ່ມໜ້າຈໍ ມີພາບ Preview ຂະໜາດນ້ອຍ ແລະ ມີຕົວເລືອກໃຫ້ Share ຫຼື Edit ໄດ້.
ຫາກກົດ Edit ກໍຈາສາມາດຕັດຕໍ່ພາບພື້ນຖານໄດ້ ການ Crop ຫຼື ການເຕີມ Doodle ຫຼື ໃຊ້ສໍແຕ້ມຮູບ ຫຼື ໄຮໄລ້ໄດ້ເປັນຕົ້ນ ແລະ ເມື່ອກົດປຸ່ມເຄື່ອງໝາຍຖືກກາງໜ້າຈໍດ້ານລຸ່ມ ພາບທີ່ຕັດຕໍ່ແລ້ວຈະຖືກເຊັບລົງເຄື່ອງ ແລະ ເມນູ Share ກໍຈະປາກົດຕາມມາ.
ຟີເຈີຕັດຕໍ່ ແລະ ແຊພາບ Screenshot ນີ້ຈະສາມາດເຮັດວຽກໄດ້ໃນທຸກສ່ວນຂອງແອັບ Google ຕັ້ງແຕ່ຟີດຂ່າວ, ຜົນການຄົ້ນຫາ ຕະຫຼອດຮອດສ່ວນຂອງໜ້າເວັບທີ່ຖືກເປີດເບິ່ງຜ່ານແອັບ Chrome ເປັນຕົ້ນ.
