ສະໜາມຮົບກູຕາຕາເວັນອອກນອງເລືອດ ເສຍຊີວິດເພີ່ມເປັນ 250 ຄົນພາຍໃນ 2 ວັນ
ຈຳນວນຜູ້ເສຍຊີວິດຈາກການສູ້ຮົບຢ່າງດຸເດືອດໃນເຂດກູຕາຕາເວັນອອກ ນອກນະຄອນຫລວງດາມັດກັດຂອງຊີຣີ ເພີ່ມເປັນຫລາຍກວ່າ 250 ຄົນ ພາຍໃນໄລຍະເວລາພຽງ 48 ຊົ່ວໂມງ.
ສຳນັກຂ່າວຕ່າງປະເທດລາຍງານຈາກນະຄອນຫລວງດາມັດກັດ ປະເທດຊີຣີ ໃນວັນທີ 21 ກຸມພາວ່າ: ອົງການສັງເກດການດ້ານສິດທິມະນຸດຊີຣີ (SOHR) ລາຍງານຈຳນວນຜູ້ເສຍຊີວິດຈາກການສູ້ຮົບລະຫວ່າງກອງທັບຊີຣີກັບກອງກຳລັງຝ່າຍຕໍ່ຕ້ານລັດຖະບານ ໃນເຂດກູຕາຕາເວັນອອກ ເຊິ່ງເປັນເຂດຍຶດຄອງແຫ່ງສຸດທ້າຍຂອງຝ່າຍກະບົດທີ່ຢູ່ນອກນະຄອນຫລວງດາມັດກັດ ລະຫວ່າງວັນທີ 19 ຫາ 20 ກຸມພາ ເພີ່ມເປັນຫລາຍກວ່າ 250 ຄົນ ແລະ ຈຳນວນຜູ້ໄດ້ຮັບບາດເຈັບເພີ່ມເປັນຫລາຍກວ່າ 1.200 ຄົນ.
The UN warned the situation in Eastern Ghouta was spinning "out of control" pic.twitter.com/afoCouKxUp
— AFP News Agency (@AFP) February 20, 2018
VIDEO of devastation in Syria's rebel-held Eastern Ghouta enclave which has been under attack from pro-regime and Russian forces for second straight day https://t.co/FcY0iSjPMk pic.twitter.com/sKg80oHJyw
— AFP News Agency (@AFP) February 21, 2018
ລາຍງານຂອງ SOHR ລະບຸອີກວ່າ: ການໂຈມຕີເຂດກູຕາຕາເວັນອອກສະເພາະວັນທີ 20 ກຸມພາ ສ້າງຄວາມເສຍຫາຍໃຫ້ແກ່ໂຮງໝໍໃນພື້ນທີ່ເພີ່ມອີກ 6 ແຫ່ງ ແລະ ບ້ານອີກ 10 ແຫ່ງໄດ້ຮັບຄວາມເສຍຫາຍ. ນອກຈາກນີ້ ການສູນເສຍຕໍ່ຊີວິດໃນເຂດກູຕາຕາເວັນອອກຄັ້ງນີ້ຖືວ່າຫລາຍທີ່ສຸດ ນັບແຕ່ເກີດເຫດໂຈມຕີດ້ວຍອາວຸດເຄມີໃນບໍລິເວນກຸ່ມກູຕາ ນອກນະຄອນຫລວງດາມັດກັດ ໃນເດືອນສິງຫາ 2013 ເຊິ່ງຈຳນວນຜູ້ເສຍຊີວິດໄດ້ຮັບການຕີລາຄາໄວ້ລະຫວ່າງ 200 ເຖິງ 1.700 ຄົນ.
