ຜົນປະໂຫຍດລວມຂອງຊາດຄືພາລະກິດອັນຍິ່ງໃຫຍ່ຂອງພັກ

ຜົນປະໂຫຍດລວມຂອງຊາດຄືພາລະກິດອັນຍິ່ງໃຫຍ່ຂອງພັກ - vzyatka - ຜົນປະໂຫຍດລວມຂອງຊາດຄືພາລະກິດອັນຍິ່ງໃຫຍ່ຂອງພັກ
ຜົນປະໂຫຍດລວມຂອງຊາດຄືພາລະກິດອັນຍິ່ງໃຫຍ່ຂອງພັກ - Untitled design - ຜົນປະໂຫຍດລວມຂອງຊາດຄືພາລະກິດອັນຍິ່ງໃຫຍ່ຂອງພັກ

ໂດຍ: ທິດກຳ່

ນັບແຕ່ລັດຖະບານຊຸດທີ 8 ໄດ້ເຂົ້າມາບໍລິຫານປະເທດກໍໄດ້ມີສິ່ງໃໝ່ໆ ແລະ ມີການປ່ຽນແປງ ໃນດ້ານພຶດຕິກຳຢ່າງເປັນຮູບ ປະທຳໃນ ເຊິງທາງບວກຫລາຍ ດ້ານ, ສິ່ງທີ່ໄດ້ເຫັນປະຈັກຕາ ກໍຄື ໄດ້ສ້າງນິຕິກຳອອກມາໃໝ່, ທັງ ປັບປຸງ ແລະ ສ້າງກົດໝາຍໃໝ່ ໄດ້ຫລາຍສະບັບ, ນິຕິກຳທີ່ເຫັນ ວ່າ ມີໝາກມີຜົນຢ່າງເປັນຕົນ ເປັນໂຕຊັດແຈ້ງນັ້ນ, ກໍແມ່ນຄຳ ສັ່ງເລກທີ 15/ນຍ, ມາດຕະການ ກ່ຽວກັບການປະຢັດ, ຄຳສັ່ງ ກ່ຽວ ກັບການເບີກຈ່າຍເດືອນລັດ ຖະກອນ, ການຕ້ານ ແລະ ສະກັດ ກັ້ນຢາເສບຕິດ, ເລື່ອງລາຍຮັບ, ລາຍຈ່າຍ, ເລື່ອງນ້ຳ, ເລື່ອງໄຟ ແລະ ປັນຫາອື່ນໆ ທີ່ພົວພັນເຖິງ ຊາຕາກຳຂອງປະເທດຊາດ.

 

+ ສະມາຊິກພັກຕ້ອງເປັນກົກ

+ ສະມາຊິກພັກຕ້ອງເປັນແບບຢ່າງນຳໜ້າ

 

ຜົນປະໂຫຍດລວມຂອງຊາດຄືພາລະກິດອັນຍິ່ງໃຫຍ່ຂອງພັກ - Wave100S AD to Website 2020 0 - ຜົນປະໂຫຍດລວມຂອງຊາດຄືພາລະກິດອັນຍິ່ງໃຫຍ່ຂອງພັກ

ຕາມທິດກ່ຳວ່າ: ບັນຫາທັງ ໝົດທີ່ໄດ້ຍົກມາຂ້າງເທິງນີ້, ລ້ວນ ແລ້ວແຕ່ເປັນຜົນປະໂຫຍດລວມ ຂອງຊາດ ແລະ ທັງເປັນພາລະ ກິດອັນຍິ່ງໃຫຍ່ຂອງພັກທີ່ຈະ ຕ້ອງໄດ້ກິ້ງເກືອກລີເລືອທັງຊີ້ ນຳ-ນຳພາຢ່າງແທດເຖິງ ແລະ ໃຫ້ມີໝາກຜົນຕົວຈິງອອກມາ ໃຫ້ປະຊາຊົນເຫັນໃນໄລຍະປະ ຫວັດສາດຜ່ານມາ, ເກືອບໜຶ່ງ ສັດຕະວັດນັບແຕ່ພັກເຮົາໄດ້ກຳ ເນີດເກີດຂຶ້ນ ແລະ ໄດ້ນຳພາການ ຕໍ່ສູ້ຢ່າງທໍລະທົດອົດທົນ, ຜ່ານ ຜ່າທຸກຄວາມຫຍຸ້ງຍາກນາໆ ປະການ, ມີການເສຍສະຫລະ ຊີວິດເລືອດເນື້ອຢ່າງນັບບໍ່ຖ້ວນ ບົນເສັ້ນທາງແຫ່ງການຕໍ່ສູ້ ຢ່າງຍຶດເຍື້ອຍາວນານ ຈິ່ງສາ ມາດປົດປ່ອຍຊາດໄດ້ໃນທົ່ວປະ ເທດ, ນັບແຕ່ພັກເຮົາໄດ້ກຳອຳ ນາດໃນທົ່ວປະເທດເປັນເວລາ 40 ກວ່າປີ ເປັນຕົ້ນມາ, ພັກປະ ຊາຊົນປະຕິວັດລາວ ໄດ້ເຮັດທຸກ ສິ່ງທຸກຢ່າງ ເພື່ອເລັ່ງລັດພັດ ທະນາ ປະເທດຊາດ ໃຫ້ມີຄວາມ ຈະເລີນຮຸ່ງເຮືອງ ແລະ ກ້າວໜ້າ ໃຫ້ທຽມທັນກັບການຂະຫຍາຍຕົວຂອງໂລກ, ອັນສຳຄັນທີ່ສຸດ ພັກໄດ້ວາງແນວທາງນະໂຍ ບາຍສ້າງເສດຖະກິດ-ສັງຄົມ ຂອງປະເທດໃຫ້ໄປຕາມກົນໄກ ການປ່ຽນແປງໃໝ່ ແຕ່ລະໄລຍະ ຈາກຜົນການຈັດຕັ້ງປະຕິບັດ ໃນການຊີ້ນຳ-ນຳພາດັ່ງກ່າວ ໄດ້ເຮັດໃຫ້ເສດຖະກິດ-ສັງຄົມ ຂອງປະເທດກ້າວສູ່ການຂະ ຫຍາຍຕົວຢ່າງບໍ່ຢຸດຢັ້ງ, ປັດຈຸບັນ ອັດຕາສະເລ່ຍລວມຍອດຜະ ລິດຕະພັນ (GDP) ໄດ້ 1.700 ກວ່າໂດລາສະຫະລັດຕໍ່ຄົນ, ເບິ່ງ ໃນດ້ານການເມືອງກໍນັບມື້ມີສະ ເຖຍລະພາບ ແລະ ໝັ້ນຄົງສັງ ຄົມກໍມີຄວາມສະຫງົບປອດໄພ ໂດຍພື້ນຖານປະເທດຊາດສາ ມາດເຊື່ອມໂຍງເຂົ້າໃນພາກພື້ນ ແລະ ສາກົນໄດ້ເກືອບທົ່ວໂລກ ແລະ ທຸກອົງການຈັດຕັ້ງສາກົນ.

ເຖິງຢ່າງໃດກໍດີ, ໃນເງື່ອນ ໄຂທີ່ປະເທດຊາດພວມກ້າວເຂົ້າຍຸກພັດທະນາມີຫລາຍອັນພັກ ເຮົາຈະຕ້ອງໄດ້ປັບປຸງ ແລະ ພັດ ທະນາຕົນເອງ ໃຫ້ກ້າວສູ່ຄຸນນະ ພາບໃໝ່ ເປັນຕົ້ນຄຸນທາດການ ເມືອງຂອງສະມາຊິກພັກໃນຍຸກ ພັດທະນາ, ບັນຫາການສໍ້ລາດ ບັງຫລວງຂອງພະນັກງານສະ ມາຊິກພັກ, ພະນັກງານແກນນຳ ໃນອົງຄະນະພັກຂັ້ນທ້ອງຖິ່ນ ຍັງບໍ່ທັນປະຕິບັດມະຕິຄຳສັ່ງ ຂອງພັກຢ່າງເຂັ້ມງວດ ແລະ ເດັດ ຂາດ, ບັນຫາຢາເສບຕິດຍັງແຜ່ ລາມ ແລະ ບັນດາປະກົດການ ຫຍໍ້ທໍ້ອື່ນໆ ໃນສັງຄົມຍັງເກາະ ຫ້ອຍຢ່າງຕໍ່ເນື່ອງ.
ໃນໄລຍະຜ່ານເຮົາສັງເກດ ເຫັນວ່າ, ນັບແຕ່ພັກ ແລະ ລັດຖະ ບານເຮົາໄດ້ມີມະຕິຄຳສັ່ງກໍຄື ມີມາດຕະການຕ່າງໆ ໃນການ ກວດກາ-ກວດສອບ ຢ່າງເຂັ້ມ ງວດ ແລະ ເດັດຂາດພາຍໃນ ອົງ ຄະນະພັກແຕ່ລະຂັ້ນເຫັນວ່າມີ ເງິນຮົ່ວໄຫລ ບໍ່ເຂົ້າງົບປະມານ ຫລາຍພັນຕື້ ຫລື ເກັບລາຍຮັບ ບໍ່ໄດ້ຕາມຄາດໝາຍ ນີ້ຄືສິ່ງທີ່ ສະແດງໃຫ້ເຫັນຄວາມບໍ່ປອດ ໃສພາຍໃນອົງຄະນະພັກ ແລະ ສາມາຊິກພັກແຕ່ລະຂັ້ນ, ປະສານ ກັບໃນໄລຍະນີ້ ໄດ້ມີສະມາຊິກ ພັກ-ພະນັກງານຈຳນວນ ບໍ່ໜ້ອຍ ມີ ນ້ຳໃຈທົດຖອຍຕໍ່ໜ້າທີ່ວຽກ ງານຍ້ອນມີການອັດຕັນຊ່ອງ ຫວ່າງ, ຊ່ອງໂວ່ການສໍ້ລາດບັງ ຫລວງ, ເຂັ້ມງວດກວດຂັນໃນ ການຕິດຕາມກວດກາການ ເຄື່ອນໄຫວຕ່າງໆຂອງທ້ອງຖິ່ນ ແລະ ກົມກອງ, ຈຶ່ງເປັນເຫດ ໃຫ້ພວກທີ່ມັກສວຍໂອກາດພາ ກັນເຮັດວຽກພໍມ້າມແປະພຸງເຮັດຄືໂສ້ບໍ່ເຄັ່ງ.

ເຖິງຢ່າງໃດກໍດີ, ຕາມທິດ ກ່ຳວ່າທຸກສິ່ງທຸກຢ່າງ ການທີ່ ພັກ ແລະ ລັດຖະບານເຮົາໄດ້ຕັດ ສິນໃຈໃຊ້ມາດຕະການໃນການ ກວດກາ-ກວດສອບ ຫລື ມີການ ຈຳກັດຮັດແຄບບັນດາຊ່ອງ ຫວ່າງຊ່ອງໂວ່ ແລະ ອອກນິຕິ ກຳ ຫລື ກົດໝາຍໃຫ້ຊັດແຈ້ງ ຮັດກຸ່ມທັງພ້ອມກັນປະຕິບັດ ຢ່າງເຂັ້ມງວດນັ້ນ, ແມ່ນເພື່ອປົກ ປັກຮັກສາບົດບາດຂອງພັກ, ເພື່ອ ການຍືນຍົງຄົງຕົວຂອງພັກ ແລະ ເພື່ອຜົນປະໂຫຍດລວມຂອງ ຊາດບ້ານເມືອງເປັນໃຫຍ່ ທັງ ແມ່ນເປັນພາລະກິດອັນຍິ່ງໃຫຍ່ ຂອງພັກ./.

ຜົນປະໂຫຍດລວມຂອງຊາດຄືພາລະກິດອັນຍິ່ງໃຫຍ່ຂອງພັກ - WhatsApp Image 2020 05 27 at 5 - ຜົນປະໂຫຍດລວມຂອງຊາດຄືພາລະກິດອັນຍິ່ງໃຫຍ່ຂອງພັກ
ຜົນປະໂຫຍດລວມຂອງຊາດຄືພາລະກິດອັນຍິ່ງໃຫຍ່ຂອງພັກ - WhatsApp Image 2020 05 27 at 5 - ຜົນປະໂຫຍດລວມຂອງຊາດຄືພາລະກິດອັນຍິ່ງໃຫຍ່ຂອງພັກ
error: Alert: ເນື້ອຫາຂ່າວມີລິຂະສິດ !!