ກາຊີໂນກັບບັນຫາການຄຸ້ມຄອງ

ກາຊີໂນກັບບັນຫາການຄຸ້ມຄອງ - casino - ກາຊີໂນກັບບັນຫາການຄຸ້ມຄອງ
ກາຊີໂນກັບບັນຫາການຄຸ້ມຄອງ - Untitled design - ກາຊີໂນກັບບັນຫາການຄຸ້ມຄອງ

# ວິເສດ ສະແຫວງສຶກສາ

ບັນຫາດຽວທີ່ ເປັນເນື້ອ ໃນຂອງບົດປະຈຳວັນນີ້ ແມ່ນ ກ່ຽວກັບເລື່ອງສູນການພະນັນ ທີ່ພວກເຮົາ ເອີ້ນຕິດສົບຕິດປາກ ເປັນພາສາຕ່າງປະເທດວ່າ: “ກາຊີໂນ” (Casino). ເຊິ່ງຢູ່ ປະເທດພວກທີ່ໄດ້ອະນຸຍາດ ໃຫ້ເປີດບໍລິການແລ້ວຈຳນວນໜຶ່ງເພື່ອດຶງດູດນັກທ່ອງທ່ຽວ ວ່າຊັ້ນ. ຫວ່າງບໍ່ດົນມານີ້ກໍມີ ຂ່າວວ່າ ເດີ່ນບິນເກົ່າຢູ່ ເມືອງ ວັງວຽງກໍຈະໄດ້ປ່ຽນຄາບເປັນສູນການຄ້າ, ການບັນເທີງ, ໂຮງ ແຮມ ແລະ ຈະມີການເປີດ ກາ ຊີໂນ. ບໍລິການນັກທ່ອງທ່ຽວທີ່ ຄາດວ່າຈະຫລັ່ງໄຫລມາຈາກ ສປ ຈີນ ເປັນຈຳນວນຫລວງ ຫລາຍ. ໃນຂະນະທີ່ພວກເຮົາ ເຂົ້າໃຈ ແລະ ເຫັນພ້ອມວ່າ ສູນ ການພະນັນ ຫລື ກາຊີໂນ ມີພະ ລັງດຶງດູດນັກທ່ອງທ່ຽວ, ແຕ່ ກໍຍັງຄ້າງຄາໃຈກ່ຽວກັບບັນ ຫາການຄຸ້ມຄອງບໍ່ໃຫ້ສູນ ດັ່ງ ກ່າວເຮັດແນວແຕກປອກນອກທາງ. ເລື່ອງນີ້ລອງໄປເບິ່ງວ່າ ຢູ່ບ້ານເພິ່ນເມືອງທ່ານ ນັ້ນ ເຂົາມີລະບຽບການຄຸ້ມຄອງ ແຫລ່ງກາຊີໂນແນວໃດ. ຢູ່ ຫວຽດນາມ, ໜັງສືພິມພິມເດີ ເນເຊິນ(The Nation) ສະບັບວັນທີ 27 ເດືອນມັງກອນ 2017 ໄດ້ໃຫ້ຮູ້ວ່າ: ທ່ານ ນາ ຍົກ ຫຽງວນ ຊວນ ຟຸກ ໄດ້ອອກ ດຳລັດອານຸຍາດ ໃຫ້ພົນລະ ເມືອງ ຫວຽດນາມ ຫລິ້ນ ກາ ຊີໂນ ໄດ້ເຊິ່ງເລີ່ມມີຜົນສັກສິດ ນັບແຕ່ວັນທີ 15 ເດືອນ ມີນາ ປີ 2017 ເປັນຕົ້ນມາ. ໃນເມື່ອ ກ່ອນນັ້ນມີພຽງຄົນຕ່າງປະ ເທດ ແລະ ຊາວຫວຽດນາມ ທີ່ອາໄສຢູ່ຕ່າງປະເທດສາມາດ ຫລິ້ນ ການພະນັນໃນແຫລ່ງ ກາຊີໂນໄດ້.

 

+ ເປັນຫວ່ງເລື່ອງການພະນັນປະກົດມາຫລາຍຮູບແບບ

+ ຫລຸດຜ່ອນການພະນັນແມ່ນໜຶ່ງປັດໄຈປະຢັດ

ກາຊີໂນກັບບັນຫາການຄຸ້ມຄອງ - Wave100S AD to Website 2020 0 - ກາຊີໂນກັບບັນຫາການຄຸ້ມຄອງ

ສຳລັບພົນລະເມືອງ ຫວຽດນາມ ທີ່ສາມາດໃຊ້ບໍລິ ການແຫລ່ງ ກາຊີໂນ ໄດ້ຕ້ອງ ມີອາຍຸແຕ່ 21 ປີຂຶ້ນໄປ, ມີລາຍ ໄດ້ປະຈຳເດືອນລະນັບແຕ່ 10 ລ້ານດົງຂຶ້ນໄປ (ປະມານ 500 ໂດລາສະຫະລັດ). ຜູ້ປະສົງ ຫລິ້ນການພະນັນຕ້ອງແຈ້ງ ເງື່ອນໄຂລົງແບບຟອມຂອງກະ ຊວງການເງິນ. ຜູ້ຫລິ້ນການ ພະນັນຕ້ອງຊື້ປີ້ເຂົ້າສູນ ກາຊີໂນ ບັດລະ 1 ລ້ານດົງ ສຳລັບໄລຍະ 24 ຊົ່ວໂມງ ຫລື 25 ລ້ານດົງ (ຕໍ່ຄົນ) ຕໍ່ເດືອນ. ຜູ້ຫລິ້ນການ ພະນັນຈະຕ້ອງບໍ່ມີເງື່ອນໄຂພົວພັນໃດໆ ທັງສິ້ນກັບບັນດາເຈົ້າ ຂອງສູນ ກາຊີໂນ.

ດຳລັດໄດ້ເວົ້າແຈ້ງວ່າ ເປົ້າ ໝາຍຂອງແຫລ່ງ ກາຊີໂນ ແມ່ນ ເພື່ອສົ່ງເສີມການທ່ອງທ່ຽວ, ການຄ້າ ເພື່ອເພີ່ມສີສັນ ແລະ ຄວາມຫລາກຫລາຍຂອງການພັກຜ່ອນ.
ສຳລັບຢູ່ ມຽນມາ ນັ້ນ, ຫາງສຽງສ່ວນຫລາຍຂອງ ສະ ພາຜູ້ແທນ ລາສະດອນ ແມ່ນ ເຫັນດີໃຫ້ຈຳກັດເລື່ອງການ ພະ ນັນ. ມຽນມາ ມີກົດໝາຍຕ້ານ ການຫລິ້ນການພະນັນສະບັບປີ 1986, ແຕ່ທ່ານ ຜູ້ແທນ ມາມາ ຄິນ (Mar Mar Khine) ບອກວ່າ ຍັງມີຜົນສັກ ສິດໜ້ອຍ ໃນທາງ ປະຕິບັດຍ້ອນພາກ ສ່ວນປະຕິບັດກົດໝາຍຍັງອ່ອນແອໃນການສອບສວນ ແລະ ເອົາມາດຕະການຕົວຈິງກັບ ຜູ້ມົ້ວສຸມການພະນັນ. ທ່ານ ຜູ້ແທນຄົນນີ້ ບອກວ່າ, ພວກຕິດ ການພະນັນສ່ວນໃຫຍ່ນັ້ນນັບ ມື້ທຸກຈົນລົງ ແລະ ສິ້ນເນື້ອປະ ດາຕົວ.

ຜູ້ແທນອີກທ່ານໜຶ່ງ ຊື່ ດຣ. ມິນເທນ (Min Thein) ບອກ ວ່າ ການພະນັນເຮັດ ໃຫ້ການ ພັດທະນາເສດຖະກິດຫລ້າ ຊ້າ, ເຮັດໃຫ້ຄົນບໍ່ສົນໃຈເລື່ອງ ການສຶກສາ ແລະ ພາໃຫ້ເສຍ ກຳລັງແຮງງານ, ສ້າງໃຫ້ຄົນ ທະເຢີ້ທະຍານຊອກຫາລວຍ ທາງລັດ ແຕ່ພໍຕົກຊວຍກໍມັກຈະ ກໍ່ ອາຊະຍາກຳ. ຢູ່ປະເທດຍີ່ປຸ່ນ, ສະມາຊິກສະພາຕ່ຳກຸ່ມໜຶ່ງ ໄດ້ຢື່ນຂໍ້ສະເໜີໃຫ້ສະພາພິຈາ ລະນາສ້າງຕັ້ງສູນ ກາຊີໂນ ທີ່ຖືກ ກົດໝາຍໃນຮູບ ຣີສອດຄົບ ວົງ ຈອນ ໂດຍມີສະຖານບັນເທີງ ຄົບຊຸດ ແລະ ກາຊີໂນ. ຂ່າວ ບອກວ່າ ທ່ານ ນາຍົກ ຊິນໂຊະ ອາເບະ ເອງກໍມີໜ້າທີ່ສະໜັບ ສະ ໜູນແຫລ່ງ ກາຊີໂນ ໃຫ້ເປັນ ສ່ວນໜຶ່ງຂອງການເຕີບໃຫຍ່ ທາງເສດຖະກິດ. ໄດ້ມີການ ຄາດຄະເນວ່າ ກາຊີໂນ ຈະຊ່ວຍ ສ້າງລາຍຮັບໃຫ້ ຍີ່ປຸ່ນປີລະ 40 ຕື້ໂດລາສະຫະລັດ (ຈາກໜັງ ສືພິມຜູ້ແທນປະຊາຊົນ 2-5/ 4/ 2015)./.

ກາຊີໂນກັບບັນຫາການຄຸ້ມຄອງ - casino - ກາຊີໂນກັບບັນຫາການຄຸ້ມຄອງ
(ພາບປະກອບ)
ກາຊີໂນກັບບັນຫາການຄຸ້ມຄອງ - WhatsApp Image 2020 05 27 at 5 - ກາຊີໂນກັບບັນຫາການຄຸ້ມຄອງ
ກາຊີໂນກັບບັນຫາການຄຸ້ມຄອງ - WhatsApp Image 2020 05 27 at 5 - ກາຊີໂນກັບບັນຫາການຄຸ້ມຄອງ
error: Alert: ເນື້ອຫາຂ່າວມີລິຂະສິດ !!