ຍີ່ປຸ່ນຊ່ວຍເຫລືອຫີບປ່ອນບັດ ເລືອກຕັ້ງໃຫ້ກຳປູເຈຍ

ຍີ່ປຸ່ນຊ່ວຍເຫລືອຫີບປ່ອນບັດ ເລືອກຕັ້ງໃຫ້ກຳປູເຈຍ - w850 - ຍີ່ປຸ່ນຊ່ວຍເຫລືອຫີບປ່ອນບັດ ເລືອກຕັ້ງໃຫ້ກຳປູເຈຍ
ຍີ່ປຸ່ນຊ່ວຍເຫລືອຫີບປ່ອນບັດ ເລືອກຕັ້ງໃຫ້ກຳປູເຈຍ - Untitled design - ຍີ່ປຸ່ນຊ່ວຍເຫລືອຫີບປ່ອນບັດ ເລືອກຕັ້ງໃຫ້ກຳປູເຈຍ

ລັດຖະບານ​ຍີ່ປຸ່ນ​ຊ່ວຍ​ເຫລືອ​ຫີບປ່ອນ​ບັດ​ເລືອກ​ຕັ້ງຫລາຍ​ກວ່າ 10.000 ຫີບ ​ໃຫ້​ຄະນະ​ກຳມະການ​ການ​ເລືອກ​ຕັ້ງຂອງ​ກຳປູ​ເຈຍ​ນຳ​ໄປ​ໃຊ້​ໃນ​ການ​ເລືອກ​ຕັ້ງທົ່ວ​ໄປ ທີ່​ຈະ​ມີ​ຂຶ້ນທ້າຍ​ເດືອນ​ກໍລະກົດ​ນີ້.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ພະນົມ​ເປັນ ​ປະ​ເທດ​ກຳປູ​ເຈຍ ​ໃນ​ວັນ​ທີ 21 ກຸມພາ​ວ່າ: ທ່ານ ຮິ​ເດະຊິ​ສະ ​ໂຮະຣິນຸຈິ ​ເອກ​ອັກຄະ​ລັດຖະທູດ​ຍີ່ປຸ່ນ​ປະຈຳ​ນະຄອນຫລວງ​ພະນົມ​ເປັນ ກ່າວ​ວ່າ: ລັດຖະບານ​ໂຕ​ກຽວ​ຈັດ​ສົ່ງ​ຫີບປ່ອນ​ບັດ​ເລືອກ​ຕັ້ງຫລາຍ​ກວ່າ 10.000 ຫີບ​ໃຫ້​ແກ່​ຄະນະ​ກຳມະການ​ການ​ເລືອກ​ຕັ້ງ​ແຫ່ງ​ຊາດ​ຂອງ​ກຳປູ​ເຈຍ (NEC) ສຳລັບ​ໃຊ້​ໃນ​ການ​ເລືອກ​ຕັ້ງທົ່ວ​ໄປ​ເຊິ່ງຈະ​ມີ​ຂຶ້ນ​ໃນ​ວັນ​ທີ 29 ກໍລະກົດ​ນີ້. ການ​ຊ່ວຍ​ເຫລືອ​ດັ່ງກ່າວ​ຖື​ເປັນ​ສັນຍາ​ລັກ​ຂອງ​ການ​ສະໜັບສະໜູນ​ຈາກ​ຍີ່ປຸ່ນ ທີ່​ມີ​ຕໍ່​ການ​ປະຕິ​ຮູບ​ປະຊາທິປະ​ໄຕ​ໃນ​ກຳປູ​ເຈຍ ​ແລະ ລັດຖະບານ​ໂຕ​ກຽວ​ຫວັງ​ວ່າ ຫີບ​ເລືອກ​ຕັ້ງ​ເຫລົ່າ​ນີ້​ຈະ​ມີ​ສ່ວນ​ສຳຄັນ​ຊ່ວຍ​ໃຫ້ການ​ເລືອກ​ຕັ້ງຂອງ​ກຳປູ​ເຈຍ​ເປັນ​ໄປ​ດ້ວຍ​ຄວາມ​ຈົບງາມ ​ແລະ ຜົນ​ຂອງ​ການ​ເລືອກ​ຕັ້ງສະທ້ອນ​ຄວາມ​ຕ້ອງການ​ຂອງ​ປະຊາຊົນ​ຢ່າງ​ແທ້​ຈິງ.

ຍີ່ປຸ່ນຊ່ວຍເຫລືອຫີບປ່ອນບັດ ເລືອກຕັ້ງໃຫ້ກຳປູເຈຍ - Wave100S AD to Website 2020 0 - ຍີ່ປຸ່ນຊ່ວຍເຫລືອຫີບປ່ອນບັດ ເລືອກຕັ້ງໃຫ້ກຳປູເຈຍ

ຂະນະ​ທີ່​ທ່ານ ຊິກ ບຸນ ຫົກ ປະທານ NEC ກ່າວ​ຂອບ​ໃຈ​ການ​ຊ່ວຍ​ເຫລືອ​ດັ່ງກ່າວ​ຈາກ​ຍີ່ປຸ່ນ ​ເຊິ່ງ​ເໝາະ​ກັບ​ປີ​ນີ້​ຕົງ​ກັບ​ວາລະ​ຄົບຮອບ 65 ປີ ການ​ສະຖາປະນາ​ການ​ພົວພັນ​ທາງ​ການ​ທູດ​ລະຫວ່າງ ຍີ່ປຸ່ນ ກັບ ກຳປູ​ເຈຍ ​ແລະ ຫີບ​ເລືອກ​ຕັ້ງທັງ​ໝົດ​ທີ່​ໄດ້​ຮັບ​ຈາກ​ຍີ່ປຸ່ນ​ມີ​ມູນ​ຄ່າ​ລວມປະມານ 7,5 ລ້ານ​ໂດ​ລາ​ສະຫະລັດ ຄິດ​ເປັນ 1 ​ໃນ 3 ຂອງ​ຈຳນວນ​ຫີບ​ເລືອກ​ຕັ້ງທັງ​ໝົດ​ທີ່​ຈຳ​ເປັນ​ຕ້ອງ​ໃຊ້​ໃນ​ການ​ເລືອກ​ຕັ້ງ ຄື​ປະມານ 30.000 ຫີບ ​ໂດຍ​ຫີບ​ເລືອກ​ຕັ້ງທີ່​ເຫລືອ​ຈະ​ໄດ້​ຮັບ​ການ​ຊ່ວຍ​ເຫລືອ​ຈາກ​ຈີນ ​ເຊິ່ງຈະ​ມາ​ເຖິງ​ໃນ​ເດືອນ​ມີນາ​ນີ້.

ຍີ່ປຸ່ນຊ່ວຍເຫລືອຫີບປ່ອນບັດ ເລືອກຕັ້ງໃຫ້ກຳປູເຈຍ - WhatsApp Image 2020 05 27 at 5 - ຍີ່ປຸ່ນຊ່ວຍເຫລືອຫີບປ່ອນບັດ ເລືອກຕັ້ງໃຫ້ກຳປູເຈຍ
ຍີ່ປຸ່ນຊ່ວຍເຫລືອຫີບປ່ອນບັດ ເລືອກຕັ້ງໃຫ້ກຳປູເຈຍ - WhatsApp Image 2020 05 27 at 5 - ຍີ່ປຸ່ນຊ່ວຍເຫລືອຫີບປ່ອນບັດ ເລືອກຕັ້ງໃຫ້ກຳປູເຈຍ
error: Alert: ເນື້ອຫາຂ່າວມີລິຂະສິດ !!