ລາວຕັ້ງເປົ້າສົ່ງເຂົ້າອອກຂາຍໄປຈີນເພີ່ມຂຶ້ນ

ລາວຕັ້ງເປົ້າສົ່ງເຂົ້າອອກຂາຍໄປຈີນເພີ່ມຂຶ້ນ - 25498389 859815697519829 8839537593822122053 n - ລາວຕັ້ງເປົ້າສົ່ງເຂົ້າອອກຂາຍໄປຈີນເພີ່ມຂຶ້ນ
ລາວຕັ້ງເປົ້າສົ່ງເຂົ້າອອກຂາຍໄປຈີນເພີ່ມຂຶ້ນ - Untitled design - ລາວຕັ້ງເປົ້າສົ່ງເຂົ້າອອກຂາຍໄປຈີນເພີ່ມຂຶ້ນ

ທ່ານ ບຸນ​ຂວາງ ຄຳ​ບຸນ​ເຮືອງ ຮອງ​ລັດຖະມົນຕີ​ກະຊວງ​ກະສິກຳ ແລະ ປ່າໄມ້ ໄດ້ໃຫ້​ສຳພາດໃນໂອກາດ​ເຂົ້າ​ຮ່ວມ​ງານ​ວາງ​ສະແດງ​ສີນຄ້າກະສິກຳຫັດຖະກຳ ແລະ ອຸດ​ສາຫະ​ກຳ​ປະຈຳ​ປີ 2018 ຂອງ​ເມືອງ​ນາ​ຊາຍ​ທອງນະຄອນຫລວງ​ວຽງ​ຈັນ​ວ່າ: ໃນ​ປີນີ້, ກະຊວງ​ກະສິກຳ ແລະ ປ່າໄມ້ ໄດ້ສຸມ​ໃສ່​​ປະຕິບັດ 2 ໂຄງການ​ໃຫຍ່ເພື່ອ​ຮັບປະກັນ​ຄວາມໝັ້ນຄົງ​ດ້ານສະບຽງ​ອາຫານຄື: ວຽກ​ງານ​ການ​ປູກຝັງ-ລ້ຽງສັດ ແລະ ການ​ຜະລິດ​ເປັນ​ສິນຄ້າຂອງ​​ປະຊາຊົນ, ໂດຍສຸມ​ໃສ່​ການ​ຜະລິດ​ເຂົ້າໃຫ້ຫລາຍ, ເນື່ອງຈາກໄລຍະ​ນີ້​ແມ່ນພວມ​ຊຸກຍູ້​ຊາວກະສິກອນ​ໄດ້ຂຸ້ນຂ້ຽວ​ປັກ​ດຳ​ນາແຊງ​ໃນ​ເນື້ອທີ່ 95 ພັນ​ເຮັກຕາໃນ​ທົ່ວ​ປະເທດ ແລະ ໄດ້​ປັກດຳ​ສຳເລັດ​ແລ້ວເປັນສ່ວນໃຫຍ່, ໂດຍສະເລ່ຍສະມັດຖະພາບ 3-4 ໂຕນ​ຕໍ່​ເຮັກຕາ. ນອກ​ນັ້ນ, ເພື່ອຜະລິດ​ເຂົ້າ​ໃຫ້​ໄດ້​ຕາມ​ແຜນທີ່ລັດຖະບານຈີນຕ້ອງການເປັນຈໍານວນຫລາຍ, ພວກ​ເຮົາ​ໄດ້​ສຸມ​ໃສ່ການຜະລິດຢູ່​ແຂວງ​ຄໍາມ່ວນ ແລະ ສະຫວັນ​ນະ​ເຂດເປັນຫລັກ, ເນື່ອງ​ຈາ​ກ​ມີ​ເນື້ອທີ່​ກວ້າງ, ມີ​ຊົນ​ລະປະທານ​ຂະໜາດ​ໃຫຍ່ ແລະ ຮັບປະກັນການຜະລິດໄດ້ສອງ

ລະດູ. ນອກ​ນີ້, ຍັງ​ໄດ້​ເກັບ​ຊື້​ເຂົ້າ​ນຳ​ບັນດາ​ແຂວງ​ອ້ອມ​ຂ້າງ​ຕື່ມ​ອີກ, ໂດຍ​ເຂົ້າ​ທີ່​ສົ່ງ​ໄປຈີນ​ແມ່ນເຂົ້າຈ້າວ, ເຊິ່ງ​ປີ 2017 ໄດ້​ສົ່ງເຂົ້າ​ໄປ ​ສປຈີນ ​ມີ​ພຽງ​ແຕ່ 4 ພັນ​ໂຕນ​ເທົ່າ​ນັ້ນ ແລະ ​ປີນີ້ໄດ້ຕັ້ງ​ເປົ້າ​ຈະ​ສົ່ງ​ໄປ​​ຫລາຍ​ກວ່າ 6 ພັນ​ໂຕນ.

ກົມສົ່ງເສີມການຄ້າ, ກະຊວງອຸດສາຫະກໍາ ແລະ ການຄ້າ ​ໃຫ້​ຮູ້ວ່າ: ປີຜ່ານ​ມາ, ລາວໄດ້ໂຄຕ້າສົ່ງເຂົ້າສານໄປຈີນຈຳນວນ 20 ພັນໂຕນ ແລະ ມີພຽງບໍລິສັດ ຊວນເຢ ທີ່ສາມາດສົ່ງໄປໄດ້ຍ້ອນບໍລິສັດດັ່ງກ່າວມີມາດຕະຖານສາກົນ (AQSIQ) ໃນດ້ານການກວດແນວພັນ, ກວດວິທີການຜະລິດ, ການສີເຂົ້າ, ການອົບ, ການຫຸ້ມຫໍ່ ເພື່ອໃຫ້ໄດ້ມາດຕະ

ລາວຕັ້ງເປົ້າສົ່ງເຂົ້າອອກຂາຍໄປຈີນເພີ່ມຂຶ້ນ - Wave100S AD to Website 2020 0 - ລາວຕັ້ງເປົ້າສົ່ງເຂົ້າອອກຂາຍໄປຈີນເພີ່ມຂຶ້ນ

ຖານສົ່ງອອກໄປຈີນໄດ້ ແລະ ມາຮອດເດືອນຕຸລາ 2017 ສາມາດປະຕິບັດໄປໄດ້ພຽງ 4.200 ໂຕນເທົ່ານັ້ນ, ຍ້ອນພົບຄວາມຄວາມຫຍຸ້ງຍາກຫລາຍດ້ານຄື: ກົນໄກການຈັດຕັ້ງບໍລິສັດສົ່ງອອກມີແຕ່ບໍລິສັດດຽວເຮັດໃຫ້ຈໍາກັດຈໍານວນລົງ, ຄຸນນະພາບ, ມາດຕະຖານເຂົ້າ, ລວມທັງລາຄາຂ້ອນຂ້າງສູງ ຖ້າສົມທຽບໃສ່ປະເທດທີ່ນຳເຂົ້າໄປ ສປຈີນ ແລະ ຄວາມເຂົ້າໃຈຂອງຜູ້ປະກອບການລາວຢູ່ໃນວົງການຜະລິດເຂົ້າຕໍ່ກັບລະບຽບການນໍາສົ່ງເຂົ້ານີ້ຍັງຈຳກັດ. ສ່ວນເຂົ້າສານທີ່ສົ່ງອອກໄປຈີນມີເຂົ້າໜຽວ, ເຂົ້າຈ້າວ, ເຂົ້າແດງ, ເຂົ້າກໍ່າ, ເຂົ້າຫ້າສີ, ເຂົ້າໝາກເຂືອ, ເຂົ້າໄກ່ນ້ອຍ, ເຂົ້າຮາງໄກ່ນ້ອຍ, ເຂົ້າຈ້າວຫອມມະລິ ແລະ ປະເພດອື່ນໆ.

ລາວຕັ້ງເປົ້າສົ່ງເຂົ້າອອກຂາຍໄປຈີນເພີ່ມຂຶ້ນ - WhatsApp Image 2020 05 27 at 5 - ລາວຕັ້ງເປົ້າສົ່ງເຂົ້າອອກຂາຍໄປຈີນເພີ່ມຂຶ້ນ
ລາວຕັ້ງເປົ້າສົ່ງເຂົ້າອອກຂາຍໄປຈີນເພີ່ມຂຶ້ນ - WhatsApp Image 2020 05 27 at 5 - ລາວຕັ້ງເປົ້າສົ່ງເຂົ້າອອກຂາຍໄປຈີນເພີ່ມຂຶ້ນ
error: Alert: ເນື້ອຫາຂ່າວມີລິຂະສິດ !!