ອາກາດຮ້ອນແຮງເປັນຫ່ວງເລື່ອງໂພຊະນາການ

- Untitled design - ອາກາດຮ້ອນແຮງເປັນຫ່ວງເລື່ອງໂພຊະນາການ

- Untitled 1 1 275x300 - ອາກາດຮ້ອນແຮງເປັນຫ່ວງເລື່ອງໂພຊະນາການ​     ສະບາ​ຍດີ​ ​ເພື່ອນ​ຜູ້​ອ່ານ​ທີ່​ຮັກ​ແພງ, ​ໃນ​ສະພາບ​ອາກາດ​ຮ້ອນ​ແຮງ​ດັ່ງ​ປັດຈຸບັນ​ ອາດ​ມີ​ຄວາມ​ສ່ຽງ​ກໍ່​ໃຫ້​ເກີດ​ພະຍາດ​ຕ່າງໆ​ທີ່​ມາ​ຈາກ​ໂພຊະ​ນາ​ການ​ໄດ້​ງ່າຍ ​ໂດຍ​ສະ​ເພາະ​ແມ່ນ​ພະຍາດ​ຖອກທ້ອງ, ອະຫິວາ ຫລື ອາຫານ​ເປັນ​ພິດ ອັນ​ເນື່ອງ​ມາ​ຈາກ​ການ​ເກັບ​ມ້ຽນ​ບໍ່​ດີ​ພາ​ໃຫ້​ອາຫານ​ບູດ​ເໜົ່າ ຫລື ການ​ບໍລິ​ໂພ​ກອາຫານ​ທີ່​ຂາດ​ຫລັກ​ອະນາ​ໄມ, ກິນ​ອາຫານ​ບໍ່​ສຸກ ຫລື ອາຫານ​ທີ່​ມີ​ການ​ປົນ​ເປື້ອນສານ​ເຄມີ​ຕົກ​ຄ້າງ​ຕ່າງໆ ດັ່ງ​ສານ​ກັນ​ບູດ, ຟໍມາ​ລິນ ​ແລະ ອື່ນໆ​ທີ່​ມາ​ຈາກ​ເງື່ອມມື​ຂອງ​ຜູ້​ຜະລິດ ​ແລະ ຜູ້​ຈຳໜ່າຍ​ທີ່​ຂາດ​ການ​ກວດກາ​ຄຸ້ມ​ຄອງ​ຢ່າງ​ໃກ້ຊິດ​ຂອງ​ຂະ​ແໜງ​ການ​ກ່ຽວຂ້ອງ ກໍ​ຄື​ກົມ​ອາຫານ ​ແລະ ຢາ (ອຢ) ​ເຊິ່ງ​ເປັນ​ຫົວໜ່ວຍ​ຫລັກ​ໃນ​ການ​ກວດກາ ​ແລະ ຄວບ​ຄຸມ​ອາຫານ​ເຫລົ່ານັ້ນ.

ຕາມ​ນັກ​ຂ່າວ​ພວກ​ເຮົາ​ລົງ​ໄປ​ກວດ​ເບິ່ງ​ສະພາບ​ຄວາມ​ເປັນ​ຈິງ​ຂອງ​ການ​ຊື້-ຂາຍ​ອາຫານ​ໃນ​ຕະຫລາດ​ສົດ​ຫລາຍ​ແຫ່ງ​ຢູ່​ນະຄອນຫລວງ​ວຽງ​ຈັນ ​ແລະ ​ເຫັນ​ວ່າ​ຍັງ​ມີ​ການວາງ​ຂາຍ​ອາຫານ​ທີ່​ບໍ່​ປອດ​ໄພ​ມີ​ຈຳນວນ​ຫລວງຫລາຍ ​ໂດຍ​ສ່ວນ​ໃຫຍ່​ແມ່ນ​ປະ​ເພດ​ເຄື່ອງ​ໃນ​ສັດ, ​ໂຄງ​ກະດູກ​ໄກ່ ​ແລະ ອາຫານ​ທະ​ເລ​ທີ່​ລັກລອບ​ນຳ​ເຂົ້າຈາກ​ຕ່າງປະ​ເທດ ​ໂດຍ​ບໍ່​ໄດ້​ຮັບ​ການ​ກວດກາ​ນັ້ນຍັງ​ມີ​ຈຳໜ່າຍ​ຢ່າງ​ເປີດ​ແປນ​ຢູ່​ຕະຫລາດ​ສົດ​ຫລາຍ​ແຫ່ງ​ດັ່ງກ່າວ ຄື​ຕະຫລາດ​ໂອ​ຊີ​ແຄມ​ທາງ​ເຂດ​ໜອງ​ແຕ່ງ, ຕະຫລາດ​ສີ​ໄຄ ​ແລະ ອື່ນໆ. ຊາວ​ຄ້າຂາຍ​ຫລາຍ​ຄົນ​ໃນ​ຕະຫລາດ​ເຫລົ່ານັ້ນ​ເວົ້າວ່າ: ຜ່ານ​ມາ​ບໍ່​ເຄີຍ​​ເຫັນ​ມີ​ໜ່ວຍ​ງານ​ກ່ຽວຂ້ອງ​ໃດໆ​ລົງ​ມາກ​ວດກາ​ເຖິງ​ຄວາມ​ປອດ​ໄພ​ຂອງ​ອາຫານ​ດັ່ງກ່າວ​ແຕ່​ຢ່າງ​ໃດ, ຖ້າ​ມີ​ກໍ​ເປັນ​ພຽງ​ໜ່ວຍ​ງານ​ຈັດ​ສັນ​ຕະຫລາດ​ກໍ​ດຳ​ເນີນ​ໄປ​ເປັນ​ພຽງ​ຮູບ​ການ​ເທົ່າ​ນັ້ນ.

​ ​ເອົາລະ ! ​ເວົ້າມາ​ກໍ​ຫລາຍ​ແລ້ວ, ​ໃນ​ສະພາບ​ອາກາດ​ຮ້ອນ​ແຮງ​ແບບ​ນີ້ ທ່ຽງ​ທຳ ກໍ​ຂໍ​ສະ​ເໜີ​ໃຫ້​ຂະ​ແໜງ​ການ ​ແລະ ໜ່ວຍ​ງານ​ກ່ຽວຂ້ອງ​ເອົາ​ໃຈ​ໃສ່​ລົງ​ກວດກາ ​ແລະ ຄວບ​ຄຸມ​ໂພຊະ​ນາ​ການ​ໃຫ້​ມີ​ຄວາມ​ປອດ​ໄພ​ແມ່ນ​ຈະ​ເປັນ​ການ​ດີ​ທີ່​ສຸດ ​ເພື່ອ​ສຸຂະພາບ​ຂອງ​ປະຊາຊົນ​ເຮົາ.

- Wave100S AD to Website 2020 0 - ອາກາດຮ້ອນແຮງເປັນຫ່ວງເລື່ອງໂພຊະນາການ
- WhatsApp Image 2020 05 27 at 5 - ອາກາດຮ້ອນແຮງເປັນຫ່ວງເລື່ອງໂພຊະນາການ
- WhatsApp Image 2020 05 27 at 5 - ອາກາດຮ້ອນແຮງເປັນຫ່ວງເລື່ອງໂພຊະນາການ
error: Alert: ເນື້ອຫາຂ່າວມີລິຂະສິດ !!