ວັນທີ 8 ມີນາຈະມາຮອດແລ້ວ

- Untitled design - ວັນທີ 8 ມີນາຈະມາຮອດແລ້ວ

   ໂດຍ: ທ່ຽງທຳ 

ສະບາຍດີ ເພື່ອນຜູ້ອ່ານ ທີ່ຮັກ ແພງທັງຫລາຍເບິ່ງ ຄືວ່າ ວັນເວລານີ້ມັນກ້າວໄປຢ່າງໄວວາ ອີຫລີ ເຊິ່ງຍັງອີກພຽງ 10 ກວ່າ ມື້ວັນທີ 8 ມີນາ, ວັນແມ່ຍິງສາກົນ ເຮົາກໍຈະໝູນວຽນມາ ເຖິງອີກ ວາລະໜຶ່ງແລ້ວ ແລະ ມາຮອດ ບ່ອນນີ້ຜູ້ເປັນແມ່ທັງຫລາຍກໍ ຄວນ ທົບທວນເບິ່ງຕົນເອງແດ່ວ່າ ໃນໜຶ່ງປີຜ່ານມານັ້ນຕົນເຮັດໄດ້ ຫຍັງແດ່ ແລະ ມີຜົນສຳເລັດ ໜ້ອຍຫລາຍພຽງໃດໃນການ ພັດທະນາຕົນເອງ ແລະ ຄອບຄົວ ສົມເປັນແມ່ຍິງ 3 ດີ ແລ້ວ ບໍ່? ຄື: ເປັນພົນລະ ເມືອງດີ, ພັດ ທະນາດີ ແລະ ສ້າງຄອບຄົວດີ ແລະ ຖ້າ ເຮົາຂາດສິ່ງໃດ ກໍຄວນ ຈະໄດ້ປັບ ປຸງຕົນເອງເພື່ອຕ້ອນຮັບວັນປະ ຫວັດສາດສຳຄັນຂອງຕົນໃຫ້ມີ ຄວາມໝາຍສຳຄັນຍິ່ງຂຶ້ນ.

ເອົາລະເຖິງຢ່າງໃດ ທ່ຽງ ທຳຢາກຂໍເນັ້ນຕື່ມໃນການເປັນ ຕົວແທນຂອງຊາດໃນການປົກ ປັກຮັກສາຂະນົບທຳນຽມ, ຮີດ ຄອງປະເພນີ ແລະ ວັດທະນະ ທຳອັນດີງາມຂອງຊາດ, ເຖິງວ່າ ໃນໄລຍະຜ່ານມານີ້ ເອື້ອຍນ້ອງ ແມ່ຍິງເຮົາສ່ວນຫລວງຫລາຍ ແມ່ນເຮັດໄດ້ດີແລ້ວ, ແຕ່ໃນນັ້ນ ກໍຍັງມີສ່ວນນ້ອຍໜຶ່ງຂ້ອນຂ້າງລຳອ່ຽງໄປແນວວັດທະນະທຳ ຂອງຊາດອື່ນ, ເຊິ່ງສະແດງອອກ ໃນການແຕ່ງຕົວນຸ່ງໜ້ອຍນຸ້ງ ເຂີນ, ຫລິ້ນກິນຟຸມເຟືອຍເຮຮາ ໄປໃນວົງເຫລົ້າວົງເບຍ, ມົ້ວສຸມ ກັບສິ່ງເສບຕິດໄພສັງຄົມອື່ນໆ ທີ່ບໍ່ແມ່ນຂະນົບທຳນຽມ ແລະ ຮີດຄອງຂອງເຮົາ ແລະ ຮ້າຍ ແຮງໄປກວ່ານັ້ນບາງຄົນຍັງໃຊ້ ສື່ສັງຄົມອອນລາຍ, ເປີດຕົວ ເປີດໂຕເຜີຍແຜ່ອອກສູ່ສັງຄົມ ຢ່າງໄຮ້ຄຸນຄ່າຂອງຜູ້ຍິງເຮົາ, ເຊິ່ງ ອັນນີ້ກໍຄວນຈະໄດ້ປັບປຸງຕົນ ເອງ ແລະ ຫັນປ່ຽນພືດຕິກຳດັ່ງ ກ່າວໄປສູ່ສິ່ງທີ່ສີວິໄລກວ່າ.

ດັ່ງນັ້ນໃນໂອກາດສະເຫລີມ ສະຫລອງວັນແມ່ຍິງສາກົນນີ້, ຝ່າຍແມ່ຍິງເຮົາຄວນຖືເອົາເປັນໂອກາດໜຶ່ງເນັ້ນເຖິງຂໍ້ແຂ່ງຂັນ 3 ດີຂອງຕົນ ແລະ ຖືເອົາໂອກາດ ນີ້ຈັດສຳມະນາ, ສຶກສາອົບຮົມໃນ ຫົວຂໍ້ຕ່າງໆ ເພື່ອປ່ຽນແທນໃຫ້ ການສະຫລອງດ້ວຍການກິນ ການດື່ມ ເຮຮາ ຢ່າງໄຮ້ສາລະ ນັ້ນໃຫ້ໝົດໄປ, ເພື່ອພ້ອມກັນຫັນ ມາສ້າງແມ່ຍິງລາວໃຫ້ຂາວ ສະອາດ ແລະ ມີຄວາມກ້າວໜ້າ ສີວິໄລ./.

 

- Wave100S AD to Website 2020 0 - ວັນທີ 8 ມີນາຈະມາຮອດແລ້ວ

+ ປະທານສູນກາງສະຫະພັນແມ່ຍິງລາວ ລົງຊຸກຍູ້ການພັດທະນາແມ່ຍິງແຂວງສາລະວັນ

+ ລາວ​ເລັ່ງ​ເພີ່ມ​ທະວີ​ວຽກງານ​ປົກ​ປ້ອງ​ສິດທິ​ເດັກ ​ແລະ ​ແມ່ຍິງ

 

- WhatsApp Image 2020 05 27 at 5 - ວັນທີ 8 ມີນາຈະມາຮອດແລ້ວ
- WhatsApp Image 2020 05 27 at 5 - ວັນທີ 8 ມີນາຈະມາຮອດແລ້ວ
error: Alert: ເນື້ອຫາຂ່າວມີລິຂະສິດ !!