EU ກຽມຂວ້ຳບາດທະຫານ ລະດັບສູງມຽນມາ

- 1519371859662 960x0 - EU ກຽມຂວ້ຳບາດທະຫານ ລະດັບສູງມຽນມາ
- Untitled design - EU ກຽມຂວ້ຳບາດທະຫານ ລະດັບສູງມຽນມາ

​ແຫ​ລ່ງຂ່າວ​ນັກ​ການ​ທູດສອງ​ຄົນ​ເປີດ​ເຜີຍ​ວ່າ: ສະຫະພາບ​ເອີຣົບ (EU) ຈະ​ເລີ່​ມກຽມ​ການ​ເລື່ອງ​ອອກ​ມາດ​ຕະການ​ຂວ້ຳບາດ​ທະຫານ​ລະດັບ​ສູງ​ຂອງ​ມຽນມາ​ເລື່ອງ​ສັງຫານ​ຊາວ​ໂຣຮິງ​ຢາ.

​ແຫ​ລ່ງຂ່າວ​ເປີດ​ເຜີຍ​ວ່າ: ກອງ​ປະຊຸມ​ລັດຖະມົນຕີ​ຕ່າງປະ​ເທດ​ສະມາຊິກ EU ​ໃນ​ວັນ​ທີ 26 ກຸມພາ​ນີ້ ຈະ​ຂໍ​ໃຫ້​ທ່ານ​ນາງ ​ເຟ​ເດຣິກາ ​ໂມ​ເກຣິນີ ຫົວໜ້າ​ນະ​ໂຍບາຍ​ຕ່າງປະ​ເທດ ສະ​ເໜີ​ມາດ​ຕະການ​ເຂັ້ມງວດ​ກັບ​ທະຫານ​ລະດັບ​ສູງ​ຂອງ​ມຽນມາ​ບາງ​ຄົນ​ທີ່​ລະ​ເມີດ​ສິດທິ​ມະນຸດ​ຢ່າງ​ເປັນ​ລະບົບ ​ແລະ ຫາ​ທາງ​ເພີ່ມ​ຄວາມ​ເຂັ້ມງວດ​ມາດ​ຕະການ​ຂວ້ຳບາດ​ອາວຸດ​ມຽນມາ​ທີ່​ບັງຄັບ​ໃຊ້​ມາ​ແຕ່​ປີ 1990. ນອກຈາກ​ນີ້ ຍັງ​ຈະ​ຮຽກຮ້ອງ​ໃນ​ຖະ​ແຫລ​ງການ​ກອງ​ປະຊຸມ​ໃຫ້​ມຽນມາ​ປ່ອຍ​ຕົວ​ນັກ​ຂ່າວ​ສອງ​ຄົນ​ຂອງ​ສຳນັກ​ຂ່າວຣອຍ​ເຕີ​ທີ່​ຖືກ​ຄວບ​ຄຸມ ​ແຕ່​ວັນ​ທີ 12 ກຸມພາ ຂໍ້​ຫາ​ລະ​ເມີດ​ກົດໝາຍ​ຄວາມ​ລັບ​ລາຊະການ.

- Wave100S AD to Website 2020 0 - EU ກຽມຂວ້ຳບາດທະຫານ ລະດັບສູງມຽນມາ

​ແຫ​ລ່ງຂ່າວ​ເປີດ​ເຜີຍ​ອີກ​ວ່າ: ຍັງ​ບໍ່​ມີ​ການ​ເອີ່ຍ​ເຖິງ​ຊື່​ທະຫານ​ລະດັບ​ສູງ​ຂອງ​ມຽນມາ​ທີ່​ຈະ​ຖືກ​ຂວ້ຳບາດ, ​ແຕ່​ມາດ​ຕະການ​ຂອງ EU ມັກ​ສອດຄ່ອງ​ກັບ​ຂອງ​ອາ​ເມ​ລິ​ກາ ​ໂດຍ​ໃນ​​ເດືອນ​ທັນວາ ອາ​ເມ​ລິ​ກາ​ໄດ້​ປະກາດ​ວ່າ​ກຳລັງ​ຂວ້ຳບາດ ພົນ​ຕີ ໝ່ອງ ໝ່ອງ ​ໂຊ ຜູ້​ບັນຊາ​ການ​ກອງທັບ​ພາກ​ຕາ​ເວັນ​ຕົກ ທີ່​ຖືກ​ກ່າວ​ຫາ​ວ່າ​ໃຊ້​ກຳລັງ​ກວາດ​ລ້າງ​ຊາວ​ໂຣຮິງ​ຢາ​ໃນ​ລັດ​ຍະ​ໄຂ່. ປັດຈຸບັນ ອາ​ເມ​ລິ​ກາ ​ແລະ ກາ​ນາ​ດາ ​ໄດ້​ສັ່ງ​ຫ້າມ​ການ​ເດີນທາງ ​ແລະ ອາ​ຢັດ​ຊັບ​ສິນ​ທະຫານ​ມຽນມາ​ທີ່​ພົວພັນ​ເລື່ອງ​ນີ້, ​ແຕ່ EU ຍັງ​ບໍ່​ມີ​ມາດ​ຕະການ​ນີ້.

- WhatsApp Image 2020 05 27 at 5 - EU ກຽມຂວ້ຳບາດທະຫານ ລະດັບສູງມຽນມາ
- WhatsApp Image 2020 05 27 at 5 - EU ກຽມຂວ້ຳບາດທະຫານ ລະດັບສູງມຽນມາ
error: Alert: ເນື້ອຫາຂ່າວມີລິຂະສິດ !!