ເຈດີບີ ສະຫຼຸບຜົນງານ ພ້ອມຍ້ອງຍໍຜູ້ທີ່ມີຜົນງານດີເດັ່ນ

- MG 6078 - ເຈດີບີ ສະຫຼຸບຜົນງານ ພ້ອມຍ້ອງຍໍຜູ້ທີ່ມີຜົນງານດີເດັ່ນ
- Untitled design - ເຈດີບີ ສະຫຼຸບຜົນງານ ພ້ອມຍ້ອງຍໍຜູ້ທີ່ມີຜົນງານດີເດັ່ນ

ທະນາ​ຄານ​ຮ່ວມພັດ​ທະ​ນາ​ຫຼື​ເຈດີ​ບີ(JDB),​ໄດ້ຈັດ​ພິທີ​ສະຫຼຸບ​ຜົນງານປີ2017,ພ້ອມ​ທັງ​ຍ້ອງຍໍ​ຜູ້​ທີ່​ມີ​ຜົນງານ​ດີ​ເດັ່ນ ທັງ​ວາງ​ແຜນການ​ຈັດ​ຕັ້ງ​ປະ​ຕະບັດ​ປີ2018 ແລະ ​ເປັນ​ການ​ສະ​ເຫຼີ​ມສະຫຼອງ​ຜົນສຳ​​ເລັດ​5ປີຂອງ​ຜູ້​ບໍລິຫານ​ຊຸດ​ໃໝ່, ​ເຊິ່ງຈັດ​ຂື້ນ​​ໃນ​ວັນ​ທີ23​ກຸມພາ​ຜ່ານ​ມາ​ທີ່​ນະຄ​ອນຫຼວງ​ວຽງຈັນ,​ໂດຍ​ການ​​ເຂົ້າ​ຮ່ວມ ຂອງ ​ທ່ານ ​ເອກ​ະພັນ ພະພິທັກ, ປະທານ​ສະພາ​ບໍລິຫານ ; ພ້ອມ​ດ້ວຍ​ ຄະນະ​ບໍລິຫານງານແລະ​ຄະນະ​ອຳນວຍ​ການທະນາຄານ​ດັ່ງກ່າວ​ ພະນັກງານ​ເຂົ້າ​ຮ່ວມ200​ກວ່າ​ຄົນ.

ຕະຫຼອດ​ໄລຍະ5​ປີຜ່ານມາ ທະນາຄານ​ຮ່ວມ​ພັດທະນາ​ ໄດ້​ພັດທະນາ​ລະບົບ​ການ​ບໍລິການ​ທາງ​ດ້ານ​ການ​ເງິນ​ໄດ້ຕາມ​ຄວາມ​ຕ້ອງການ​ຂອງ​ສັງຄົມ​ຢ່າງ​ກ້ວາງ​ຂວາງ ​ແລະ​ໄດ​ຮັບ​​​ໃບ​​ຢັ້ງຢືນ​ ISO 9001-2015 ​ໃນ​ວຽກ​ງານ​ການ​ບໍລິການ​ທີ່​ດີ, ສ້າງ​ກຳລັງ​ໃຈ​ຕໍ່​ພະນັກງານ​ແລະ​ລູກ​ຄ້າ​ເຊື່ອ​ໝັ້ນ​ຫຼາຍ​ຂື້ນ.​ໃນ​ຂະນະ​ດຽວ​ກັນ​ກໍ່ບໍ່​ຢຸດ​ທີ່​ຈະ​ພັດທະນາ​ລະບົບ​ການ​ບໍລິການຂອງ​ຕົນດ້ວຍ​ການຂະຫຍາຍ​ໜ່ວຍ​ບໍ​ລະກາ​ນ​ໄປ​ທົ່ວ​ປະ​ເທດ53ໜ່ວຍບໍລິການ​​ໂດຍ​ສະ​ເພາະ​ເຂດ​ຊຸມ​ຊົນ ພ້ອມ​ທັງ​ບໍລິການ​ອື່ນໆແລະ​ຫັນໄປ​ສູ່​ຄວາມ​ທັນ​ສະ​ໄໝ​ຕາມ​ມາດຕະຖານຂອງສາກົນ​ເທື່ອ​ລະ​ກ້າວ ​ຄື​ໄດ້ຫັນປ່ຽນ​ລະບົບ​ຈາກ core banking​ ມາເປັນ Oracle Flexcubລວມທັງ​ບໍລິການອື່ນໆ​ເຊັ່ນ:ອິນ​ເຕີ​ເນັດ​ແບັງ​ຄິງ​,ລະບົບ​ບັດ,ຕູ້​ເອທີ​ເອັມ​​ແລະ​ເຮັດ​ທຸລະ​ກຳ​ທາງ​ດ້ານ​ການ​ເງິນ​ອື່ນໆ ຜ່ານ​ລະ​ບົບມື​ຖື, ນອກຈາກ​ນີ້​ຍັງ​ມີ​ບໍລິການ​ເງິ​ນກູ້​ເພື່ອ​ພະນັກງານ,​ເງິນກູ​ເພື່ອ​ການ​ສຶກສາພາຍ​ໃນ​ແລະ​ຕ່າງ​ປະ​ເທດ,ສຳ​ເລັດ​​ການ​ອອກ​ຜະລິດ​ຕະພັນ ທຸລະ​ກຳ​ການ​ເງິນ​ຜ່ານມື​ຖື ​(ໂມ​ບາຍ​ແບັງ​ຄິງ)ຫຼືJDB yes. ​ເຮັດ​ໃຫ້​ເຈດີ​ບີມີ​ຄວາມ​ເຂັ້ມ​ແຂງ ​ແລະ​ໄດ້​ເພີ່ມ​ທຶນ​ຈົດ​ທະບຽນ​ຂື້ນເປັນ50​ລ້ານ​ໂດ​ລາ​ສະຫະລັດ​ໃນ​ປີ2017.

ຄວາມ​ສຳ​ເລັດ​ດັ່ງກ່າວ​ກໍ່​ຍ້ອນ​ປະທານ​ບໍລິຫານ​ມີ​ວິ​ໄສ​ທັດກວ້າງ​​ໄກ​ວວາງ​ນະ​ໂຍບາຍ​ທີ່​ຖືກຕ້ອງ ຕາມ​ຊິດ​ຊີ້​ນ້ຳຂອງ​ພັກ​ແລະ​ລັດຖະບານ ​ໄປ​ຄຽງ​ຄູ່​ກັບ​ຄວາມ​ເອົາ​ໃຈ​ໃສ່​ຂອງ​ອ້າຍ​ນ້ອງ​ພະນັກງານ​ທົ່ວ​ລະບົບ​ທະນາຄານ ຢ່າງ​ມີ​ຜົນສຳ​ເລັດ​ໃນ​ໄລຍະ5​ປີຜ່ານມາ ​ແລະ​ເພື່ອ​ເປັນ​ການ​ສ້າງກຳລັງ​ໃຈ ຈຶ່ງ​ໄດ້​ຍ້ອງຍໍ​ບັນດາ​ພະນັກງານທີ່​ມີ​ຜົນງານ​ດີ​ເດັນ​​ຄື:ລາງວັນ​ໂລ້​ຄຳ​ໃຫ້​ຂັ້ນ​ຜູ້​ບໍລິຫານ​ດີ​ເດັ່ນ;ຜູ້​ມີ​ຕົວ​ເລກ​ຝາກ​ແລະ​ເງິນ​ກູ້​ໄດ້​ດີ,ຜູ້ບັນລຸ​ເປົ້າ​ໝາຍ​ເງິນ​ຝາກ,ຜູ້​ບັນລຸ​​ເປົ້າ​ໝາຍ​ການຈັດ​ຕັ້ງ​ປະຕິບັດ​ຕາມ​​ແຜນການ​ແລະ​ໂລ້​ເງິນ​ໃຫ້​ໜ່ວຍ​ງານ​ບໍລິການ,ພະ​ແນ​ກສິນ​ເຊື່ອ,ທິມງານ​ສະ​ເພາະ​ກິດ​ທວງ​ໜີ້,ພະ​ແນ​ກການ​ຕະຫຼາດ,ທິມງານ​ໄອ​ເອັດ​ໂອ​ແລະ​ອື່ນໆ​ຫຼາຍ​ຂະ​ແໜງ​ການ.

- Wave100S AD to Website 2020 0 - ເຈດີບີ ສະຫຼຸບຜົນງານ ພ້ອມຍ້ອງຍໍຜູ້ທີ່ມີຜົນງານດີເດັ່ນ
- WhatsApp Image 2020 05 27 at 5 - ເຈດີບີ ສະຫຼຸບຜົນງານ ພ້ອມຍ້ອງຍໍຜູ້ທີ່ມີຜົນງານດີເດັ່ນ
- WhatsApp Image 2020 05 27 at 5 - ເຈດີບີ ສະຫຼຸບຜົນງານ ພ້ອມຍ້ອງຍໍຜູ້ທີ່ມີຜົນງານດີເດັ່ນ
error: Alert: ເນື້ອຫາຂ່າວມີລິຂະສິດ !!