ຜູ້ຊາຍມັກບົ່ງການ ມີ 7 ສັນຍານອັນຕະລາຍ

- 022302 2018 - ຜູ້ຊາຍມັກບົ່ງການ ມີ 7 ສັນຍານອັນຕະລາຍ
- Untitled design - ຜູ້ຊາຍມັກບົ່ງການ ມີ 7 ສັນຍານອັນຕະລາຍ
  1. ສໍ້ຖາມເລື່ອງລາວຕ່າງໆຈົນເກີນໄປ : ບໍ່ວ່າທ່ານຈະໄປໃສມາໃສ, ເຮັດຫຍັງ, ຢູ່ກັບໃຜ ເຖິງວ່າທ່ານຈະບອກໄປແລ້ວວ່າກຳລັງກິນເຂົ້າກັບໝູ່ຜູ້ຍິງທີ່ບໍ່ໄດ້ເຫັນກັນດົນ ຫລື ເມື່ອຍຫລາຍຈົນບໍ່ມີແຮງຈະຮັບໂທລະສັບເລີຍກໍຕາມ, ແຕ່ເຂົາກໍຍັງສໍ້ຖາມຈົນກ່ວາຈະໄດ້ຄຳຕອບທີ່ເຂົາພໍໃຈ ຕໍ່ໃຫ້ທ່ານຄາວຽກແນວໃດກໍບໍ່ສົນໃຈ ຖ້າເຂົາມີພຶດຕິກຳແບບນີ້ກໍມີທ່າອ່ຽງວ່າເຂົາຈະມາເປັນຜູ້ປົກຄອງແທນທີ່ຈະຄູ່ຮັກຂອງທ່ານແລ້ວ.
  2. ຕັດໝູ່ອອກຈາກຊີວິດທ່ານ : ໃຫ້ໂລກນີ້ມີແຕ່ທ່ານກັບເຂົາພຽງສອງຄົນ ຈະໄປໃສກໍໂຕຕິດກັນຕະຫລອດ ຄົນອື່ນທີ່ເຂົາເບິ່ງມາອາດຈະຮູ້ສຶກອິດສາໃນໃຈທີ່ເຫັນແຟນຂອງທ່ານເບິ່ງແຍງດູແລທ່ານດີ ໂດຍທີ່ໃນໃຈທ່ານໝຸດໝັດຈົນຈະທົນບໍ່ໄຫວແລ້ວກໍຕາມ ຍິ່ງເຂົາເຂົ້າມາມີສ່ວນກ່ຽວຂ້ອງນຳທຸກເລື່ອງຈະສົນໃຈໃຜກໍບໍ່ໄດ້ ຫລື ບາງເທື່ອກໍວຸ້ນວາຍຈົນໝູ່ຂອງທ່ານຕ້ອງຖອຍ. ສິ່ງທຳອິດທີ່ທ່ານຕ້ອງເຮັດກໍຄືຖາມໂຕເອງກ່ອນວ່າຢາກໃຫ້ມັນເປັນແບບນີ້ຕະຫລອດໄປຫລືບໍ່ ຖ້າບໍ່ກໍເວົ້າກັບເຂົາກົງໆໄປເລີຍ.
  3. ຢາກຮູ້ເລື່ອງຂອງຜູ້ຊາຍທຸກຄົນໃນຊີວິດທ່ານ : ເຂົາຄອຍສອບຖາມສະເໝີວ່າທ່ານຕິດຕໍ່ກັບໃຜແດ່ ແລ້ວແຕ່ລະຄົນເປັນໃຜມາຈາກໃສ ຄົບຫາກັນດົນຫລືຍັງ ເປັນຫຍັງຈຶ່ງມີເບີໂທຕິດຕໍ່ ເຊິ່ງອັນໃດກໍຕາມທີ່ເຂົາສາມາດຈະຂຸດມາຖາມໄດ້ ທັງໆທີ່ບາງຄົນ ເປັນເພື່ອນຮ່ວມວຽກ, ແຕ່ບັງເອີນຍ່າງສວນທາງກັນຕອນໄປຍ່າງເລາະຫ້າງສັບພະສິນຄ້າ ທ່ານກໍເລີຍຄິດວ່າທັກທາຍໄປຄົງບໍ່ເສຍຫາຍ, ແຕ່ເຂົາຊຳ້ພັດເຮັດຄືສອບສວນຄະດີຢູ່ ຄິດແລ້ວກໍເມື່ອຍໃຈຈົນບໍ່ຢາກອອກໄປພົບໃຜເລີຍ.
  4. ບັງຄັບໃຫ້ທ່ານແຕ່ງໂຕຕາມທີ່ເຂົາມັກ : ຢ່າລືມວ່າເຖິງຈະຮັກກັນປານໃດ ທ່ານກໍເປັນແຕ່່ແມ່ຍິງຄົນໜຶ່ງ ບໍ່ແມ່ນຕຸກກະຕາ ແລ້ວທ່ານຈະທົນໄດ້ດົນປານໃດ ຖ້າຕ້ອງຖືກບັງຄັບໄປເລື້ອຍໆ ນັບແຕ່ເລື່ອງເຄື່ອງນຸ່ງ ຜູູ້ຊາຍທີ່ຄວບຄຸມແມ່ນແຕ່ການແຕ່ງໂຕ ຢ່າຫວັງເລີຍວ່າເລື່ອງອື່ນໆທ່ານຈະມີສິດອອກສຽງ ຫລື ຕັດສິນໃຈເຮັດຫຍັງເອງໄດ້.
  5. ບໍ່ຢາກໃຫ້ທ່ານໄປພົບກັບຄອບຄົວ : ນອກຈາກໝູ່ຂອງທ່ານແລ້ວ ເຂົາຍັງພະຍາຍາມກັນທ່ານໃຫ້ອອກຫ່າງຈາກຄອບຄົວຂອງທ່ານນຳ ເພາະເຂົາຮູ້ວ່າຄອບຄົວມີອິດທິພົນຕໍ່ການຕັດສິນໃຈຂອງຝ່າຍຍິງຫລາຍປານໃດ ແລະ ຝ່າຍຍິງອາດຈະປ່ຽນໃຈໄດ້ງ່າຍໆຖ້າມີຄົນໃດຄົນໜຶ່ງບໍ່ເຫັນດີກັບຄວາມສຳພັນເທື່ອນີ້. ສະນັ້ນ, ເຂົາຈຶ່ງບໍ່ຢາກໃຫ້ທ່ານອອກໄປພົບກັບຄອບຄົວ ແລະ ຖ້າຫາກມີການລົມກັນເຂົາຈະພະຍາຍາມຄວບຄຸມບົດສົນທະນາທັງໝົດເພື່ອບໍ່ໃຫ້ເກີດຄວາມຄິດເຫັນດ້ານລົບກ່ຽວກັບຄວາມສຳພັນຂອງທ່ານກັບເຂົາ.
  6. ຄິດໄປເອງວ່າສິ່ງທີ່ເຂົາເອົາໃຫ້ນັ້ນທ່ານຈະຕ້ອງມັກ : ສິ່ງທີ່ເຂົາຫາມາໃຫ້ທຸກຢ່າງນັ້ນແມ່ນສິ່ງທີ່ດີທີ່ສຸດສຳລັບທ່ານ ແລະ ເມື່ອທ່ານປະຕິເສດ ເຂົາກໍຕັ້ງຄຳຖາມຕ່າງໆນາໆວ່າເປັນຫຍັງຈຶ່ງບໍ່ມັກ ຫລື ບໍ່ມັກຍ້ອນຫຍັງ, ເຜີໆອາດຈະສືບສາວລາວເລື່ອງອີກ ດົນກ່ວາຈະເຂົ້າໃຈ ແລະ ນອກຈາກນີ້ເຂົາຍັງບັງຄັບໃຫ້ທ່ານມັກໃນສິ່ງທີ່ເຂົາມັກນຳອີກ ບໍ່ວ່າຈະເປັນເລື່ອງກິລາ, ເກມ ຫລື ອົດທົນຟັງເລື່ອງບ່ອນເຮັດວຽກຂອງເຂົາ ທັງໆທີ່ເຂົາກໍບໍ່ໄດ້ໃສ່ໃຈຄວາມມັກຂອງທ່ານເລີຍຈັກໜ້ອຍ.
  7. ລົງໂທດທ່ານຫາກທ່ານບໍ່ເຮັດຕາມໃຈ : ເຂົາຈະເກັບເອົາຄວາມບໍ່ພໍໃຈໄວ້ ຫາກທ່ານອອກໄປທ່ຽວກັບໝູ່, ແຕ່ງໂຕຕາມໃຈ ໂຕເອງ ຫລື ເຮັດຫຍັງກໍຕາມທີ່ຜິດໄປຈາກຄວາມຄິດຂອງເຂົາ ໂດຍເຂົາອາດຈະເຮັດສົງຄາມງຽບໆ ເພື່ອເຮັດໃຫ້ທ່ານຮູ້ສຶກຜິດທີ່ທ່ານເຮັດຕາມໃຈໂຕເອງຢູ່ກໍເປັນໄດ້.

ຫາກພົບຜູ້ຊາຍແບບນີ້ລະວັງໂຕໄວ້ແດ່ກໍດີ, ແຕ່ຖ້າທ່ານຍອມຮັບໄດ້ກໍຄົງບໍ່ເປັນຫຍັງ ພຽງແຕ່ຢາກໃຫ້ຄິດກ່ອນຈັກໜຶ່ງໜ້ອຍວ່າ ຄວາມຮັກບໍ່ແມ່ນເລື່ອງຂອງໃຜພຽງຄົນດຽວ, ແຕ່ມັນເປັນເລື່ອງຂອງຄົນສອງຄົນທີ່ຄວນຈະຍ່າງໄປພ້ອມໆກັນຢ່າງເຂົ້າໃຈ ບໍ່ຕ້ອງໃຫ້ໃຜມາຄອຍກຳກັບ, ມື້ນີ້ເຂົາຍັງບໍ່ເຂົ້າໃຈ ແລ້ວມື້ໜ້າຈະໃຊ້ຊີວິດຮ່ວມກັນໄດ້ແນວໃດ ເຖິງເວລານີ້ບໍ່ມີໃຜເຮັດຫຍັງໄດ້ ເພາະທ່ານຈະຕ້ອງຕັດສິນເອງແລ້ວວ່າຈະເຮັດແນວໃດຕໍ່ໄປດີ.

- Wave100S AD to Website 2020 0 - ຜູ້ຊາຍມັກບົ່ງການ ມີ 7 ສັນຍານອັນຕະລາຍ
- WhatsApp Image 2020 05 27 at 5 - ຜູ້ຊາຍມັກບົ່ງການ ມີ 7 ສັນຍານອັນຕະລາຍ
- WhatsApp Image 2020 05 27 at 5 - ຜູ້ຊາຍມັກບົ່ງການ ມີ 7 ສັນຍານອັນຕະລາຍ
error: Alert: ເນື້ອຫາຂ່າວມີລິຂະສິດ !!