ເປປ ຈະພາ ແມນເຊັສເຕີ ຊິຕີ້ ຄວ້າແຊ້ມເພີ່ມ

- Untitled 1 copy 4 - ເປປ ຈະພາ ແມນເຊັສເຕີ ຊິຕີ້ ຄວ້າແຊ້ມເພີ່ມ
- Untitled design - ເປປ ຈະພາ ແມນເຊັສເຕີ ຊິຕີ້ ຄວ້າແຊ້ມເພີ່ມ

​ ​ເປ​ປ ກວາ​ດິ​ໂອລາ ຜູ້​ຈັດການ​ທີ​ມ​ແມນ​ເຊ​ັສ​ເຕີ ຊິ​ຕີ້ ຍັກ​ໃຫຍ່​ແຫ່ງ ພຣີ​ເມຍ​ລີກ ອັງກິດ ອອກ​ມາ​ປະກາດ​ຂໍ​ພາ​ທີ​ມຄວ້າ​ແຊ້ມ​ເພີ່ມ​ອີກ​ໃນ​ລະດູ​ການ​ນີ້, ຫລັງພາ ​ແມນ​ເຊັສ​ເຕີ ຊິ​ຕີ້ ຄວ້າ​ແຊ້ມ ຄາຣາບາ​ວ ຄັບ ດ້ວຍ​ການ​ຖະຫລົ່ມ ອາ​ເຊ​ນອລ ຂາດ​ລອຍ 3-0 ​ໃນ​ເກ​ມຮອບ​ຊີງ​ຊະນະ​ເລີດ​ທີ່​ສະ​ເໜາມ​ເວ​ມບລີ ​ໃນ​ນະຄອນຫລວງ​ລອນ​ດອນ ວັນ​ທີ 25 ກຸມພາ.

​ເກ​ມນີ້ ​ແມນ​ເຊັສ​ເຕີ ຊິ​ຕີ້ ​ໄດ້ 3 ປະຕູ​ຈາກ ​ເຊຣຄິ​ໂອ ກຸນ ອາ​ເກ​ວ​ໂຣ ນາທີ 19, ​ແວງ​ຊອງ ກອມ​ປານີ ນາທີ 58 ​ແລະ ດາ​ວິດ ຊິ​ລບາ ​ໃນ​ນາທີ 65 ຊ່ວຍ​ໃຫ້ ວາ​ດິ​ໂອລາ ຄວ້າ​ແຊ້ມທຳ​ອິດ​ຂອງ​ຕົນ​ເອງ​ໃນ​ການ​ມາ​ຄຸມ​ທີ​ມ​ໃນ​ອັງກິດ​ໄດ້​ສຳ​ເລັດ ​ໂດຍ​ຫລັງ​ເກ​ມ ຜູ້​ຈັດການ​ທີ​ມຊາວ​ສະ​ເປ​ນ ກ່າວ​ວ່າ: ​ເກ​ມນີ້​ເຄິ່ງທຳ​ອິດ​ຫລິ້ນ​ໄດ້​ບໍ່​ຄ່ອຍ​ດີ ຈ່າຍ​ພາດ​ງ່າຍໆ​ຫລາຍ​ຄັ້ງ, ​ແຕ່​ເຄິ່ງຫລັງ​ນັກ​ກິລາ​ຫລິ້ນຢ່າງ​ຫ້າວຫັນ​ຂຶ້ນ ​ເຮັດ​ໃຫ້​ຫລິ້ນ​ໄດ້​ດີ. ການ​ຄວ້າ​ແຊ້ມລາຍການ​ນີ້​ຖື​ເປັນ​ສິ່ງ​ທີ່​ສຳຄັນ ຫລັງພວກ​ເຮົາ​ຫາ​ກໍ​ຕົກ​ຮອບ ​ເອັຟ​ເອ ຄັບ (​ເສຍ​ໃຫ້ ວີ​ແກນ 0-1 ​ໃນ​ວັນ​ທີ 19 ກຸມພາ) ​ແຕ່​ຕອນ​ນີ້​ພວກ​ເຮົາ​ຕ້ອງ​ຫັນ​ໄປ​​ເນັ້ນ​ເກ​ມທີ່​ເຫລືອ​ໃນ ພຣີ​ເມຍ​ລີກ ​ແລະ ພະຍາຍາມ​ຄວ້າ​ແຊ້ມ​ໃຫ້​ໄດ້ ​ແລະ ຫວັງ​ວ່າ​ພວກ​ເຮົາ​ຈະ​ເຮັດ​ໄດ້​ດີ​ໃນ​ຮອບ​ກ່ອນ​ຮອງ​ຊະນະ​ເລີດ​ຂອງ​ຖ້ວຍ ຢູຟາ ​ແຊມ​ປ້ຽນລີກ.

- Wave100S AD to Website 2020 0 - ເປປ ຈະພາ ແມນເຊັສເຕີ ຊິຕີ້ ຄວ້າແຊ້ມເພີ່ມ
- WhatsApp Image 2020 05 27 at 5 - ເປປ ຈະພາ ແມນເຊັສເຕີ ຊິຕີ້ ຄວ້າແຊ້ມເພີ່ມ
- WhatsApp Image 2020 05 27 at 5 - ເປປ ຈະພາ ແມນເຊັສເຕີ ຊິຕີ້ ຄວ້າແຊ້ມເພີ່ມ
error: Alert: ເນື້ອຫາຂ່າວມີລິຂະສິດ !!