ສໍາເລັດກອງປະຊຸມຄະນະຊີ້ນຳລະດັບຊາດໂຄງການການເງິນຈຸລະພາກໃນເຂດຊົນນະບົດ

- bank 1 - ສໍາເລັດກອງປະຊຸມຄະນະຊີ້ນຳລະດັບຊາດໂຄງການການເງິນຈຸລະພາກໃນເຂດຊົນນະບົດ
- Untitled design - ສໍາເລັດກອງປະຊຸມຄະນະຊີ້ນຳລະດັບຊາດໂຄງການການເງິນຈຸລະພາກໃນເຂດຊົນນະບົດ

  ກອງປະຊຸມຄະນະຊີ້ນຳລະດັບຊາດໂຄງການການເງິນຈຸລະພາກໃນເຂດຊົນນະບົດ-ການເຂົ້າເຖິງເເຫຼ່ງທຶນຂອງຜູ້ທຸກຍາກ (MRA-AFP) ໄດ້ຈັດຂຶ້ນໃນວັນ​ທີ 26 ກຸມພານີ້, ທີ່ນະຄອນຫຼວງວຽງຈັນ, ພາຍໃຕ້ການເປັນປະທານຂອງທ່ານ ສອນໄຊ ສິດພະໄຊ ຮອງຜູ້ວ່າການທະນາຄານແຫ່ງ ສປປ ລາວ (ທຫລ), ພ້ອມນີ້, ຍັງມີທ່ານເອກອັກຄະລັດຖະທູດສະຫະພັນເຢຍລະມັນປະຈຳລາວ, ທ່ານອຸປະທູດອົດສະຕຼາລີ ປະຈຳລາວ, ບັນດາ​ທ່ານຮອງເຈົ້າແຂວງ, ເຈົ້າເມືອງ, ຜູ້ຕາງໜ້າຫ້ອງການ​ພັດ​ທະ​ນາ​ຊົນ​ນະ​ບົດ ແລະ ລຶບ​ລ້າງ​ຄວາມ​ທຸ​ກຍາກ ແລະ ບັນດາຜູ້ຕ່າງຫນ້າຈາກອົງການຄູ່ຮ່ວມພັດທະນາເຂົ້າຮ່ວມນໍາດ້ວຍ. 

  ກອງປະຊຸມດັ່ງກ່າວເພື່ອຮັບຟັງການສະຫລຸຜົນການຈັດຕັ້ງປະຕິບັດແຜນງານ ແລະ ສິ່ງທ້າທາຍຕ່າງໆ ໃນການຈັດຕັ້ງປະຕິບັດໂຄງການ ການເງິນຈຸລະພາກໃນຂົງເຂດຊົນນະບົດ-ການເຂົ້າເຖິງແຫຼ່ງທຶນຂອງຜູ້ທຸກຍາກ (MRA-AFP) ໄລຍະທີ III (2015-2017) ແລະ ປຶກສາຫາລືກ່ຽວກັບການຈັດຕັ້ງປະຕິບັດແຜນງານຂອງໂຄງການ ໄລຍະທີ IV (2017-2018), ພ້ອມດຽວກັນ ຍັງໄດ້ມີການປະກອບຄໍາເຫັນຈາກທ່ານເອກອັກຄະລັດຖະທູດເຢຍລະມັນ, ທ່ານອຸປະທູດອົດສະຕຼາລີ ແລະ ການນຳສະເໜີພາບລວມຜົນສໍາເລັດຂອງການປະຕິບັດໂຄງການ AFP ໄລຍະ 3. ໃນຂະນະດຽວກັນ ກໍມີການປະກອບຄໍາເຫັນຈາກທ່ານຮອງເຈົ້າແຂວງຫລວງນໍ້າທາ, ໄຊຍະບູລີ ແລະ ຮອງເຈົ້າແຂວງສະຫວັນນະເຂດ, ຫົວໜ້າພະແນກແຜນການແຂວງອັດຕະປື, ແຂວງສາລະວັນ, ຫົວໜ້າພະແນກພັດທະນາຊົນນະບົດແຂວງຈຳປາສັກ. ຈາກນັ້ນ ກອງປະຊຸມຍັງໄດ້ຜ່ານຮ່າງແຜນດໍາເນີນງານສໍາລັບແຜນໄລຍະ 4 ປະຈຳປີ 2017-2018 ຕື່ມອີກ.

ໃນໂອກາດນີ້, ທ່ານຮອງຜູ້ວ່າການ ທຫລ ຍັງຮຽກຮ້ອງໃຫ້ທຸກພາກສ່ວນນັບແຕ່ຂັ້ນສູນກາງລົງຮອດທ້ອງຖິ່ນ ຕ້ອງໄດ້ຮ່ວມມືກັນ, ມີການປະສານສົມທົບກັນ ເພື່ອເຮັດໃຫ້ແຜນງານໂຄງການນີ້ສຳເລັດຜົນ, ພ້ອມດຽວກັນກໍຕອ້ງປະຕິບັດໃຫ້ຖືກຕ້ອງ ແລະ ສອດຄ່ອງກັບລະບຽບກົດໝາຍ, ແນວທາງນະໂຍບາຍຂອງພັກ ແລະ ລັດຖະບານວາງອອກ, ທັງໃຫ້ມີຄວາມເປັນເອກະພາບໄປລວງດຽວກັນ ແລະ ທັງມີປະສິດທິຜົນສູງ, ເຊິ່ງບັນຫາທໍາອິດແມ່ນໃຫ້ຄະນະຮັບຜິດຊອບໂຄງການຕ້ອງໄດ້ເອົາໃຈໃສ່ໃກ້ຊິດຕິດແທດໃນວຽກງານກວດກາຕິດຕາມບັນດາຂະແໜງການທີ່ໄດ້ຂຶ້ນໄວ້ໃຫ້ໄດ້ຮັບປະສິດທິພາບສູງສຸດ; ສະເໜີໃຫ້ອຳນາດການປົກປ້ອງທ້ອງຖິ່ນສືບຕໍ່ຊ່ວຍຊຸກຍູ້ສົ່ງເສີມໃກ້ຊິດຕິດແທດຊີ້ນຳວຽກງານສະຖາບັນການເງິນຈຸລະພາກເວົ້າລວມ, ເວົ້າສະເພາະບັນດາທະນາຄານບ້ານ ທີ່ຢູ່ພາຍໃຕ້ຄວາມຮັບຜິດຊອບຂອງຕົນໃຫ້ມີຄວາມເຂັ້ມແຂງ ແລະ ຍຶນຍົງ ແລະ ບັນຫາສຸດທ້າຍຕໍ່ກັບເບື້ອງສະຖາບັນການເງິນທີ່ມີໜ້າທີ່ເປັນຜູ້ສະໜອງຄວາມຮູ້ດ້ານວິຊາສະເພາະໃຫ້ບັນດາທະນາຄານບ້ານ ກໍ່ໃຫ້ມີຄວາມຮັບຜິດຊອບສູງໃນການປະຕິບັດພາລະບົດບາດຂອງຕົນເອງເປັນຢ່າງດີ.

ຜ່ານການຈັດຕັ້ງປະຕິບັດແຜນງານໂຄງການ AFP ໄລຍະຜ່ານມາ ແມ່ນໄດ້ຮັບຜົນສຳເລັດຕາມລະດັບຄາດໝາຍເປັນຢ່າງດີ ເຫັນໄດ້ຈາກການເພີ່ມຂຶ້ນຂອງທະນາຄານບ້ານ, ຈຳນວນສະມາຊິກທີ່ມາໃຊ້ບໍລິການ ແລະ ½ ຂອງສະຖາບັນການເງິນທັງໝົດທີ່ໂຄງການສະໜັບສະໜູນກໍ່ໃກ້ຈະສາມາດກຸ້ມຕົນເອງໄດ້ແລ້ວ; ນອກນີ້ ວຽກງານໜຶ່ງທີ່ມີຄວາມສຳຄັນກໍຄືວຽກງານການໃຫ້ຄວາມຮູ້ທາງດ້ານການເງິນ ຫຼື ເອີ້ນວ່າການປະຊາສຶກສາທາງດ້ານການເງິນ ທີ່ໃນປັດຈຸບັນທາງໂຄງການກໍ່ໄດ້ລົງເຄື່ອນໄຫວໃຫ້ຄວາມຮູ້ແກ່ປະຊາຊົນໃນແຕ່ລະແຂວງເປົ້າໝາຍ ແຕ່ໃນອະນາຄົດແມ່ນຕ້ອງໄດ້ໃຫ້ຄວາມຮູ້ໃຫ້ແກ່ປະຊາຊົນໃນທົ່ວສັງຄົມ ເພື່ອຜັນຂະຫຍາຍແນວທາງນະໂຍບາຍຂອງພັກ ແລະ ລັດຖະບານ ໃນການຮູ້ຈັກປະຢັດມັດທະຍັດ ແລະ ນຳໃຊ້ເງິນໃຫ້ເກີດປະສິດທິຜົນສູງສຸດ.

- Wave100S AD to Website 2020 0 - ສໍາເລັດກອງປະຊຸມຄະນະຊີ້ນຳລະດັບຊາດໂຄງການການເງິນຈຸລະພາກໃນເຂດຊົນນະບົດ

ເພື່ອເຮັດໃຫ້ວຽກງານໂຄງການໄດ້ຮັບຜົນສຳເລັດຕາມລະດັບຄາດໝາຍທີ່ວາງໄວ້ໃນຕໍ່ໜ້າ ຕ້ອງໄດ້ເອົາໃຈໃສ່ຄົ້ນຄ້ວາ ແລະ ຕັດສິນໃຈເລືອກທາງເລືອກທີ່ດີທີ່ສຸດທີ່ຈະເດີນໜ້າສ້າງຄວາມໝັ້ນຄົງ ແລະ ຄວາມຍືນຍົງໂດຍສະເພາະບັນດາທະນາຄານບ້ານທີ່ເປັນວຽກງານບູລິມະສິດອັນໜຶ່ງຂອງວຽກງານການສົ່ງເສີມການເຂົ້າເຖິງການບໍລິການທາງດ້ານການເງິນທີ່ສາກົນໃຫ້ຄວາມສຳຄັນ ເພື່ອເຮັດໃຫ້ປະຊາຊົນສາມາດເຂົ້າເຖິງແຫຼ່ງທຶນໄດ້ຢ່າງທົ່ວເຖິງ ແລະ ປັບປຸງຄຸນະພາບຊີວິດການເປັນຢ່າງຂອງປະຊາຊົນໃຫ້ດີຂຶ້ນເປັນກ້າວໆ.

 

                                       # ຂ່າວ-ພາບ: ຣັດສະໝີ ດວງສັດຈະ.

- WhatsApp Image 2020 05 27 at 5 - ສໍາເລັດກອງປະຊຸມຄະນະຊີ້ນຳລະດັບຊາດໂຄງການການເງິນຈຸລະພາກໃນເຂດຊົນນະບົດ
- WhatsApp Image 2020 05 27 at 5 - ສໍາເລັດກອງປະຊຸມຄະນະຊີ້ນຳລະດັບຊາດໂຄງການການເງິນຈຸລະພາກໃນເຂດຊົນນະບົດ
error: Alert: ເນື້ອຫາຂ່າວມີລິຂະສິດ !!