ສະຫລອງການສ້າງຕັ້ງບ້ານຊ່ວຍເຫລືອເດັກນ້ອຍ SOS ລາວຄົບຮອບ 25 ປີ

- celebrate - ສະຫລອງການສ້າງຕັ້ງບ້ານຊ່ວຍເຫລືອເດັກນ້ອຍ SOS ລາວຄົບຮອບ 25 ປີ
- Untitled design - ສະຫລອງການສ້າງຕັ້ງບ້ານຊ່ວຍເຫລືອເດັກນ້ອຍ SOS ລາວຄົບຮອບ 25 ປີ

ພິທີສະເຫລີມສະຫລອງການສ້າງຕັ້ງບ້ານຊ່ວຍເຫລືອເດັກນ້ອຍເອັສໂອເອັສ (SOS) ລາວຄົບຮອບ 25 ປີ (26 ກຸມພາ 1993-26 ກຸມພາ 2018) ໄດ້ຈັດຂຶ້ນໃນທ້າຍອາທິດຜ່ານມານີ້, ທີ່ຫໍປະຊຸມແຫ່ງຊາດທີ່ນະຄອນຫລວງວຽງຈັນ, ໂດຍການເຂົ້າຮ່ວມຂອງທ່ານນາຍົກລັດຖະມົນຕີ ທອງລຸນ ສີສຸລິດ, ມີທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ, ທັງເປັນປະທານຄະນະກຳມະການຄຸ້ມຄອງບ້ານຊ່ວຍເຫລືອ SOS ລາວ, ມີບັນດາຮອງລັດຖະມົນຕີ, ຄະນະຜູ້ແທນອົງການ SOS ສາກົນ, ພ້ອມດ້ວຍບັນດາຄະນະກຳມະການຄຸ້ມຄອງບ້ານ SOS ຂັ້ນແຂວງ ແລະ ຫລານນ້ອຍຈາກບ້ານ SOS ເຂົ້າຮ່ວມເປັນຈຳນວນຫລາຍ.
ໃນໂອກາດນີ້, ທ່ານລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ໄດ້ມີຄໍາເຫັນວ່າ: ພັກ-ລັດຖະບານເຫັນໄດ້ເຖິງນະໂຍບາຍດ້ານມະນຸດສະທຳຂອງອົງການ SOS ສາກົນທີ່ມີຕໍ່ຜູ້ດ້ອຍໂອກາດທາງສັງຄົມ, ໂດຍ ສະເພາະເດັກນ້ອຍກຳພ້າ-ກຳພອຍດ້ອຍໂອກາດ, ໃຫ້ໄດ້ຮັບການປົກປ້ອງສິດ ແລະ ຜົນປະໂຫຍດອັນຊອບທຳຂອງເດັກ, ຮັບປະກັນສິດທິພື້ນຖານດ້ວຍການສ້າງເງື່ອນໄຂໃຫ້ເດັກໄດ້ຮັບການສຶກສາ, ມີຄວາມສົມບູນທາງຮ່າງກາຍ-ຈິດໃຈ, ມີຄວາມຮູູ້ຄວາມສາມາດ, ມີຄຸນສົມບັດ, ເປັນອານຸຊົນ, ເຍົາວະຊົນ ແລະ ກາຍເປັນໄວໝຸ່ມຜູ້ສືບທອດທີ່ດີຂອງຊາດ. ດັ່ງນັ້ນໃນປີ 1993 ລັດຖະບານໄດ້ເຫັນດີຕົກລົງສະເໜີຮັບເອົາການຊ່ວຍເຫລືອຈາກອົງການ SOS ສາກົນ ເພື່ອສ້າງ ບ້ານ SOS ຢູ່ລາວນັບແຕ່ນັ້ນມາ, ເຊິ່ງເປັນອັນດັບ 124 ໃນຈຳນວນ 135 ປະເທດທົ່ວໂລກ ແລະ ມາປັດຈຸບັນບ້ານ SOS ແມ່ນມີທັງ 6 ແຫ່ງຄື: ຢູ່ນະຄອນຫລວງວຽງຈັນ, ຈຳປາສັກ, ຊຽງຂວາງ, ຫລວງພະບາງ, ຫົວພັນ ແລະ ສະຫວັນນະເຂດ. ນອກນັ້ນຍັງສ້າງໂຮງຮຽນອານຸບານ, ປະຖົມ ແລະ ມັດທະຍົມສົມບູນເອັສໂອເອັສແຮກມານມາຍເນີ, ໂດຍໄດ້ຮັບງົບປະມານໃນການກໍ່ສ້າງ ແລະ ການບໍລິຫານຕ່າງໆຈາກອົງການ SOS ສາກົນ.

ໃນໂອກາດນີ້, ທ່ານນາຍົກລັດຖະມົນຕີ ໄດ້ໃຫ້ກຽດໂອ້ລົມຕໍ່ພິທີວ່າ: ພັກ ແລະ ລັດຖະບານ, ໄດ້ຖືເອົາການພັດທະນາຊັບພະຍາກອນມະນຸດເປັນກົກ, ໂດຍກໍານົດເປັນບູລິມະສິດໃນຍຸດທະສາດ ແລະ ແຜນພັດທະນາເສດຖະກິດ- ສັງຄົມແຫ່ງຊາດແຕ່ລະໄລຍະ, ຊຶ່ງລັດຖະບານໄດ້ລົງທຶນມະຫາສານໃນການກໍ່ສ້າງ ແລະ ພັດທະນາພື້ນຖານໂຄ່ງລ່າງການສຶກສາ, ຫລັກສູດການຮຽນ- ການສອນ, ການຍົກລະດັບຄຸນນະພາບຂອງຄູ, ການໃຫ້ໂອກາດກັບທຸກຄົນສາມາດເຂົ້າເຖິງການສຶກສາຢ່າງສະເໝີພາບໂດຍບໍ່ຈຳແນກຊົນຊັ້ນ, ຖານະ, ສາ ສະໜາ ແລະ ສະຖານທີ່ຢູ່ອາໄສໃນທົ່ວປະເທດ ແລະ ຕະຫລອດ 25 ປີຜ່ານມາ, ບ້ານ SOS ໄດ້ປະກອບສ່ວນສຳຄັນເຂົ້າໃນການສ້າງເດັກນ້ອຍດ້ອຍໂອກາດຂອງລາວເປັນຈຳນວນຫລາຍສົມຄວນ, ໄດ້ຊ່ວຍໃຫ້ເຂົາເຈົ້າມີອະນາຄົດທີ່ສົດໃສ, ທັງເປັນການປະກອບສ່ວນເຂົ້າໃນການສ້າງສາພັດທະນາເສດຖະກິດ- ສັງຄົມອີກດ້ວຍ ແລະ ປັດຈຸບັນບ້ານ SOS ໄດ້ຖືກຮັບຮູ້ເປັນທີ່ກວ້າງຂວາງ ໃນສັງຄົມລາວ ແລະ ກາຍເປັນສັນຍາລັກດ້ານມະນຸດສະທຳ ທີ່ໄດ້ເພີ່ມເຕີມຊີວິດຄອບຄົວໃຫ້ແກ່ເດັກຜູ້ດ້ອຍໂອກາດ, ຊ່ວຍໃຫ້ເຂົາເຈົ້າສ້າງອະນາຄົດດ້ວຍ ຕົນເອງ ແລະ ປະກອບສ່ວນເຂົ້າໃນການພັດທະນາປະເທດຊາດ.

ໃນໂອກາດນີ້, ທ່ານນາຍົກລັດຖະມົນຕີ ໄດ້ກ່າວສະແດງຄວາມຍ້ອງຍໍຊົມເຊີຍຕໍ່ຜູ້ບໍລິຫານ, ອຳນວຍການ, ແມ່-ນ້າສາວ, ຄູ-ອາຈານ ແລະ ພະນັກງານຜູ້ໃຫ້ການອູ້ມຊູຊ່ວຍເຫຼືອ ແລະ ພາກສ່ວນກ່ຽວຂ້ອງຕ່າງໆທີ່ໄດ້ປະກອບສ່ວນຊ່ວຍເຫລືອບ້ານ SOS ທີ່ເປັນຕົວແບບຂອງການພັດທະນາຊັບພະຍາກອນມະນຸດທີ່ດີ, ພ້ອມທັງຮຽກຮ້ອງໃຫ້ການຈັດຕັ້ງພັກ-ລັດ, ອົງການຈັດຕັ້ງສາກົນ, ອົງການຈັດຕັ້ງມະຫາຊົນ, ຫົວໜ່ວຍທຸລະກິດ, ຕະຫລອດຮອດປະຊາຊົນບັນດາເຜົ່າທຸກທົ່ວໜ້າ ຈົ່ງເພີ່ມຄວາມພະຍາຍາມປະກອບສ່ວນຊ່ວຍເຫລືອບ້ານ SOS ເພື່ອຮັບປະກັນບໍ່ໃຫ້ເດັກນ້ອຍດ້ອຍໂອກາດຖືກປະຖີ້ມ, ທັງສ້າງເງື່ອນໄຂດຳລົງຊີວິດທີ່ສົດໃສ ແລະ ເຕີບໃຫຍ່ຢູ່ໃນຄອບຄົວທີ່ອົບອຸ່ນ, ມີສຸຂະພາບແຂງແຮງ ແລະ ໄດ້ຮັບການສຶກສາທີ່ມີຄຸນນະພາບ ເພື່ອເປັນກຳລັງແຮງປະກອບສ່ວນໃນການພັດທະນາປະເທດຊາດໃນຕໍ່ໜ້າ.

- Wave100S AD to Website 2020 0 - ສະຫລອງການສ້າງຕັ້ງບ້ານຊ່ວຍເຫລືອເດັກນ້ອຍ SOS ລາວຄົບຮອບ 25 ປີ

ໃນໂອກາດນີ້, ທ່ານນາຍົກລັດຖະມົນຕີ ໄດ້ໃຫ້ກຽດດັບຫລຽນໄຊແຮງງານໃຫ້ຜູ້ມີຜົນງານດີເດັ່ນປະກອບສ່ວນເຂົ້າໃນການພັດທະນາ ແລະ ຊ່ວຍເຫລືອ ບ້ານ SOS ຄື: ຫລຽນໄຊແຮງງານຊັ້ນ I ຈຳນວນ 3 ທ່ານ ແລະ 5 ກົມກອງ, ຫລຽນໄຊແຮງງານຊັ້ນ II ຈຳນວນ 9 ທ່ານ ແລະ 2 ກົມກອງ, ຫລຽນໄຊແຮງງານຊັ້ນ III ຈຳນວນ 3 ທ່ານ ແລະ 5 ກົມກອງ, ຫລຽນກາແຮງງານຈຳນວນ 91 ທ່ານ ແລະ 2 ກົມກອງ ແລະ ມອບໃບຍ້ອງຍໍລັດຖະບານໃຫ້ຈຳນວນ 126 ທ່ານ ແລະ 4 ກົມກອງ.

- WhatsApp Image 2020 05 27 at 5 - ສະຫລອງການສ້າງຕັ້ງບ້ານຊ່ວຍເຫລືອເດັກນ້ອຍ SOS ລາວຄົບຮອບ 25 ປີ
- WhatsApp Image 2020 05 27 at 5 - ສະຫລອງການສ້າງຕັ້ງບ້ານຊ່ວຍເຫລືອເດັກນ້ອຍ SOS ລາວຄົບຮອບ 25 ປີ
error: Alert: ເນື້ອຫາຂ່າວມີລິຂະສິດ !!