ຜາສາດຫີນວັດພູຈຳປາສັກແຫລ່ງທ່ອງທ່ຽວທີ່ປະທັບໃຈ

- frf - ຜາສາດຫີນວັດພູຈຳປາສັກແຫລ່ງທ່ອງທ່ຽວທີ່ປະທັບໃຈ
- Untitled design - ຜາສາດຫີນວັດພູຈຳປາສັກແຫລ່ງທ່ອງທ່ຽວທີ່ປະທັບໃຈ

ໂດຍ: ຊາຍພະເນຈອນ

ແຂວງຈໍາປາສັກເປັນ ແຂວງໜຶ່ງ ທີ່ມີຄວາມອຸດົມສົມ ບູນໄປດ້ວຍສະຖານທີ່ທອ່ງທ່ຽວ ອັນໂດດເດັ່ນ ຫຼາຍແຫ່ງ, ໜຶ່ງໃນ ນັ້ນກໍແມ່ນຜາສາດຫີນ ວັດພູທີ່ ໄດ້ຮັບຮອງເປັນມໍລະດົກໂລກ ຈາກອົງການຢູເນສໂກ. ເມື່ອປີ 2000, ໄດ້ສ່ອງແສງໃຫ້ພວກ ເຮົາ ເຫັນເຖິງຄວາມຈະເລີນຮຸ່ງ ເຮືອງທາງດ້ານວັດທະນະທໍາ ໃນສະໄໝກ່ອນ, ເປັນສະຖານ ທີ່ທ່ອງທ່ຽວ ທີ່ສວຍສົດງົດ ງາມ ແລະ ໜ້າອັດສະຈັນໃຈ ຫຼາຍສໍາລັບຍຸກປັດຈຸບັນ ເຊິ່ງຕັ້ງ ຢູ່ ຫ່າງຈາກຕົວເມືອງປາກເຊ ໄປທາງທິດຕາເວັນຕົກສ່ຽງໃຕ້ ປະມານ 40 ກິໂລແມັດ.
ຕາມການບອກ ເລົ່າຂອງ ພະນັກງານ ຫ້ອງການທ່ອງ ທ່ຽວ ເມືອງຈຳປາສັກໃຫ້ຮູ້ ວ່າ: ຜາສາດຫີນວັດພູເປັນປູ ສະນີຍະສະຖານອັນສໍາຄັນເກົ່າ ແກ່ ແລະ ເປັນສະຖາປັດຕະຍະ ກໍາກ່ອນຍຸກອັງກໍວັດໃນໄລຍະ ສະຕະວັດທີ 7-12. ຜາສາດ ຫີນວັດພູເປັນສູນກາງທາງ ດ້ານວັດທະນະທໍາຂອງຂົງ ເຂດທົ່ງພຽງແຂວງຈໍາປາສັກ ໂດຍມີຈອມພູເກົ້າເປັນຈຸດສຸມ ຜາສາດຫີນວັດພູກວມເອົາເນື້ອ ທີ່ກວ່າ 400 ເຮັກຕາ, ຢູ່ ໃນບໍລິ ເວນນີ້ປະກອບດ້ວຍວັດວາອາ ຮາມ, ອ່າງເກັບນໍ້າ(ໜອງນໍ້າ ບູຮານ), ຮ່ອງລະບາຍນໍ້າ, ແຫຼ່ງຕັດຫີນ, ຖະໜົນບູຮານທີ່ ເຊື່ອມຕໍ່ໄປ ຫາອັງກໍວັດລວມ ທັງຮ່ອງຮອຍຂອງເມືອງບູ ຮານອັນມີຊື່ວ່າ ເມືອງເສດຖາ ປຸຣະໃນຍຸກເລີ່ມຕົ້ນຂອງອາ ນາຈັກຂະແມ.ນອກນັ້ນ ຍັງ ມີແຫຼ່ງທີ່ຕັ້ງຊຸມຊົນແຫ່ງທີ 2 ອີກຢູ່ທາງຕອນໃຕ້ຂອງ ຜາ ສາດຫີນວັດພູ ເຊິ່ງລວມ ມີໂຮງ ນາງ ສີດາ, ໂຮງທ້າວເຕົ່າ ແລະ ວັດ ໂຕະໂຫມະຢູ່ເບື້ອງຕາເວັນ ອອກຝັ່ງແມ່ນໍ້າຂອງ. ໃນເດືອນ ສາມເພັງຂອງເດືອນລາວ ທຸກໆປີ, ຈະມີປະຊາຊົນຈາກ ທຸກສາລະທິດໄດ້ພາກັນເດີນ ທາງມາຂາບ ໄຫ້ວສັກກາ ລະບູຊາໃນງານບຸນນະມັດສະ ການຜາສາດຫີນວັດພູຈໍາປາ ສັກແຫ່ງນີ້ ເຊິ່ງເພິ່ນໄດ້ເປີດ ບໍລິການໃຫ້ເຂົ້າໄປທ່ຽວ ຊົມ- ຂາບໄຫ້ວໃນທຸກໆມື້ໂດຍ ເລີ່ມ ແຕ່ເວລາ 8: 00-16:30 ໂມງ. ສະເພາະ ປີ2018 ນີ້ ແມ່ນໄດ້ ມີປະຊາຊົນຈາກຫຼາຍ ແຫ່ງ ເຊິ່ງ ໃນນັ້ນ, ນັບທັງນັກ ທ່ອງທ່ຽວ ຕ່າງປະເທດໄດ້ພາ ກັນລັ່ງໄຫຼ ເຂົ້າມາຮ່ວມສະເຫຼີມ ສະຫຼອງງານນະມັດສະການ ຜາສາດຫີນວັດພູຈໍາປາສັກ ເຂົ້າ ເປັນມໍລະດົກໂລກຄົບຮອບ 18 ປີ ເປັນ ຈໍານວນຫຼວງຫຼາຍ ແລະ ຫຼາຍກວ່າປຸກໆປີທີ່ຜ່ານ ມາຍ້ອນປີນີ້ ເປັນປີທ່ອງທ່ຽວ ລາວ, ບັນຍາກາດການສະ ເຫຼີມສະຫຼອງ ໃນປີນີ້ມີຄວາມ ຄຶກຄື້ນກວ່າເກົ່າ.

 

- 665 - ຜາສາດຫີນວັດພູຈຳປາສັກແຫລ່ງທ່ອງທ່ຽວທີ່ປະທັບໃຈ

+ ທ່ຽວຊົມຂາບໄຫ້ວ ພະທາດໂພ່ນທີ່ສັກສິດ

- Wave100S AD to Website 2020 0 - ຜາສາດຫີນວັດພູຈຳປາສັກແຫລ່ງທ່ອງທ່ຽວທີ່ປະທັບໃຈ

+ ເຊີນທ່ຽວຊົມ-ນະມັດສະການພະທາດສີໂຄດຕະບອງ

ຜາສາດຫີນວັດພູຈໍາປາ ສັກ ເປັນແຫຼ່ງທ່ອງທ່ຽວທີ່ ສໍາຄັນທາງດ້ານປະຫວັດສາດ ເຊິ່ງ ມັນໄດ້ສະແດງໃຫ້ເຫັນເຖິງ ຄວາມຈະເລີນກ້າວໜ້າໃນສະ ໄໝກ່ອນ, ເປັນຜາສາດຫີນ ທີ່ ສ້າງຂຶ້ນມາດ້ວຍສີມືແຮງ ງານ ຂອງຄົນໃນສະໄໝກ່ອນ ເປັນ ເວລາ1.000 ກວ່າປີມາແລ້ວ. ສະນັ້ນ, ຜາສາດຫີນວັດພູຈຶ່ງ ເປັນສະຖານທີ່ທ່ອງທ່ຽວອັນ ສໍາຄັນ ແລະ ໜ້າອັດສະຈັນໃນ ຍຸກປັດຈຸບັນເຮັດໃຫ້ນັກທ່ອງ ທ່ຽວໄດ້ລັ່ງໄຫຼເຂົ້າມາທ່ຽວ ຊົມ ແລະ ຂາບໄຫວ້ ເປັນປະຈໍາ ເພື່ອສຶກສາຮຽນຮູ້ເຖິງປະຫວັດ ຄວາມເປັນມາຂອງຜາສາດ ຫີນວັດພູແຫ່ງນີ້. ເພື່ອເປັນການ ປັບປຸງ ແລະ ພັດທະນາວຽກ ງານການທ່ອງທ່ຽວໃຫ້ມີ ຄວາມໂດດເດັ່ນດີ ຂຶ້ນກວ່າເກົ່າ ກໍເຫັນຄວນໃຫ້ປະຊາຊົນໄດ້ມີ ສວ່ນຮ່ວມບໍ່ວ່າທາງດ້ານການ ຄຸ້ມຄອງ, ການປົກປັກຮັກສາ ຕ່າງໆເຊັນ: ຄວນປຸກສ້າງສະ ຖານທີ່ພັກຜ່ອນ-ແຮມຄືນຕື່ມ ອີກຢູ່ບໍລິເວນດ້ານນອກຂອງ ຜາສາດຫີນວັດພູ, ປຸກສ້າງ ຫ້ອງວາງສະແດງຜະລິດຕະ ພັນເຄື່ອງຫັດຖະກໍາທີ່ເປັນ ເອກະລັກຂອງບັນດາເຜົ່າ ຕ່າງໆທັງ ນີ້ກໍເພື່ອເປັນການ ສົ່ງເສີມວິຊາອາຊີບຂອງປະ ຊາຊົນ, ເຮັດໃຫ້ປະຊາຊົນຢູ່ ເຂດນີ້ ໄດ້ມີວຽກເຮັດງານທໍາ ແລະ ມີລາຍຮັບເພີ່ມມາໃຫ້ ຄອບຄົວເຂົາເຈົ້າໄດ້ມີຢູ່ມີກິນ ຕ້ອນຮັບປີແຫ່ງການທ່ອງ ທ່ຽວລາວເປັນເຈົ້າພາບໃຫ້ມີສີ ສັນໂດດເດັ່ນຂຶ້ນຕື່ມ.

- frf - ຜາສາດຫີນວັດພູຈຳປາສັກແຫລ່ງທ່ອງທ່ຽວທີ່ປະທັບໃຈ

- WhatsApp Image 2020 05 27 at 5 - ຜາສາດຫີນວັດພູຈຳປາສັກແຫລ່ງທ່ອງທ່ຽວທີ່ປະທັບໃຈ
- WhatsApp Image 2020 05 27 at 5 - ຜາສາດຫີນວັດພູຈຳປາສັກແຫລ່ງທ່ອງທ່ຽວທີ່ປະທັບໃຈ
error: Alert: ເນື້ອຫາຂ່າວມີລິຂະສິດ !!