IMF ແນະນຳອິນໂດເນເຊຍ ຫາທາງກະຕຸ້ນການໃຊ້ຈ່າຍ

imf ແນະນຳອິນໂດເນເຊຍ ຫາທາງກະຕຸ້ນການໃຊ້ຈ່າຍ - seyesuo5 copy - IMF ແນະນຳອິນໂດເນເຊຍ ຫາທາງກະຕຸ້ນການໃຊ້ຈ່າຍ
imf ແນະນຳອິນໂດເນເຊຍ ຫາທາງກະຕຸ້ນການໃຊ້ຈ່າຍ - Untitled design - IMF ແນະນຳອິນໂດເນເຊຍ ຫາທາງກະຕຸ້ນການໃຊ້ຈ່າຍ

ຜູ້ອຳນວຍການ IMF ​ແນະນຳ​ລັດຖະບານ​ອິນ​ໂດ​ເນ​ເຊຍ​ປະຕິ​ຮູບ​ນະ​ໂຍບາຍ​ເສດຖະກິດ ​ເພື່ອ​ກະ​ຕຸ້ນ​ໃຫ້ການ​ໃຊ້​ຈ່າຍ​ຫລາຍ​ກວ່າ​ນີ້ ​ເຊິ່ງຈະ​ຊ່ວຍ​ເພີ່ມ​ການ​ເຕີບ​ໃຫຍ່​ຂອງ GDP ​ໄດ້.

imf ແນະນຳອິນໂດເນເຊຍ ຫາທາງກະຕຸ້ນການໃຊ້ຈ່າຍ - DW8y6aMX0AIeRCU 300x200 - IMF ແນະນຳອິນໂດເນເຊຍ ຫາທາງກະຕຸ້ນການໃຊ້ຈ່າຍ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ຈາ​ກາ​ຕາ ປະ​ເທດ​ອິນ​ໂດ​ເນ​ເຊຍ ​ໃນ​ວັນ​ທີ 27 ກຸມພາ​ນີ້​ວ່າ: ທ່ານ​ນາງ ຄຣິສຕິນ ລາ​ກາດ ຜູ້ອຳນວຍການ​ກອງ​ທຶນ​ການ​ເງິນ​ສາກົນ (IMF) ກ່າວ​ພາຍຫລັງ​ການ​ພົບ​ປະ​ຫາລື​ກັບ​ປະທານາທິບໍດີ ​ໂຈ​ໂກ ວິ​ໂດ​ໂດ ​ໃນ​ວັນ​ທີ 26 ກຸມພາວ່າ: ​ເສດຖະກິດ​ຂອງ​ອິນ​ໂດ​ເນ​ເຊຍ ​ເຊິ່ງມີ​ຂະໜາດ​ໃຫຍ່​ທີ່​ສຸດ​ໃນ​ອາຊີ​ຕາ​ເວັນ​ອອກສຽງ​ໃຕ້​ຍັງ​ມີ​ຄວາມ​ຍືດຍຸ່ນ. ​ເຖິງ​ຢ່າງ​ໃດ​ກໍ​ຕາມ, ລັດຖະບານ​ຄວນ​ເພີ່ມ​ການຈັດ​ສັນ​ງົບປະມານ​ດ້ານ​ການ​ໃຊ້​ຈ່າຍ ​ເພື່ອ​ການ​ພັດທະນາ​ສາທາລະ​ນຸປະ​ໂພ​ກ ​ແລະ ການ​ປະຕິ​ຮູບ​ຕະຫລາດ​ແຮງ​ງານ, ຂະ​ແໜງ​ການ​ຜະລິດ ​ແລະ ຂະ​ແໜງ​ການ​ເງິນ ​ເພື່ອ​ໃຫ້​ລວມຍອດ​ຜະລິດ​ຕະພັນ​ພາຍ​ໃນ (GDP) ​ເຕີບ​ໃຫຍ່​ເຖິງ​ເປົ້າໝາຍ.

ທັງ​ນີ້, ການ​ພັດທະນາ​ເສດຖະກິດ​ຂອງ​ປະ​ເທດ​ໃຫ້ GDP ຂະຫຍາຍ​ຕົວ​ເຖິງ​ເປົ້າໝາຍ 7% ຖື​ເປັນ​ໜຶ່ງ​ໃນ​ວາລະ​ແຫ່ງ​ຊາດ​ທີ່​ທ່ານ ວິ​ໂດ​ໂດ ​ໃຫ້​ຄວາມ​ສຳຄັນ​ເປັນ​ລຳດັບ​ທຳ​ອິດ ນັບ​ແຕ່​ທ່ານ​ເຂົ້າມາ​ບໍລິຫານ​ປະ​ເທດ ​ໃນ​ປີ 2014. ​ເຖິງ​ຢ່າງ​ໃດ​ກໍ​ຕາມ, ການ​ໃຊ້​ຈ່າຍ​ຂອງ​ພາກ​ລັດ ​ແລະ ພາກ​ເອກະ​ຊົນ​ຍັງ​ບໍ່​ເຖິງ​ເປົ້າໝາຍ, ​ເຖິງ​ວ່າ​ທະນາຄານ​ກາງ​ຫລຸດ​ອັດຕາ​ດອກ​ເບ້ຍ​ນະ​ໂຍບາຍ​ລົງ​ຈາກ 4,75% ​ເຫລືອ 4,50% ​ໃນ​ເດືອນ​ສິງຫາ​ປີຜ່ານມາ ​ເພື່ອ​ຫວັງ​ກະ​ຕຸ້ນ​ເສດຖະກິດ ​ແລະ ສົ່ງ​ເສີມ​ສະຖຽນ​ລະ​ພາບ​ໃຫ້​ລະບົບ​ການ​ເງິນ ສົ່ງ​ຜົນ​ໃຫ້ການ​ພັດທະນາ​ໃນ​ຫລາຍ​ດ້ານ​ພັດ​ຂະຫຍາຍຕົວ​ຊ້າ ​ແລະ GDP ຂອງ​ອິນ​ໂດ​ເນ​ເຊຍ​ຂະຫຍາຍຕົວ​ພຽງ 5,1% ​ໃນ​ປີ 2017 ຕໍ່າ​ກວ່າ​ເປົ້າໝາຍ 5,2%. ຂະນະ​ທີ່ IMF ຄາດ​ຄະ​ເນ​ການ​ເຕີບ​ໃຫຍ່​ຂອງ​ເສດຖະກິດ​ອິນ​ໂດ​ເນ​ເຊຍ​ໃນ​ປີ​ນີ້​ໄວ້​ທີ່ 5,3%.

imf ແນະນຳອິນໂດເນເຊຍ ຫາທາງກະຕຸ້ນການໃຊ້ຈ່າຍ - WhatsApp Image 2020 05 27 at 5 - IMF ແນະນຳອິນໂດເນເຊຍ ຫາທາງກະຕຸ້ນການໃຊ້ຈ່າຍ
imf ແນະນຳອິນໂດເນເຊຍ ຫາທາງກະຕຸ້ນການໃຊ້ຈ່າຍ - WhatsApp Image 2020 05 27 at 5 - IMF ແນະນຳອິນໂດເນເຊຍ ຫາທາງກະຕຸ້ນການໃຊ້ຈ່າຍ
error: Alert: ເນື້ອຫາຂ່າວມີລິຂະສິດ !!