ລາວ-​ໄທ​ ສືບ​ຕໍ່​ຮ່ວມ​ມື​ແກ້​ໄຂ​ບັນຫາແຮງ​ງານ​ເຄື່ອນ​ຍ້າຍ

ລາວ-​ໄທ​ ສືບ​ຕໍ່​ຮ່ວມ​ມື​ແກ້​ໄຂ​ບັນຫາແຮງ​ງານ​ເຄື່ອນ​ຍ້າຍ - 9999 1 - ລາວ-​ໄທ​ ສືບ​ຕໍ່​ຮ່ວມ​ມື​ແກ້​ໄຂ​ບັນຫາແຮງ​ງານ​ເຄື່ອນ​ຍ້າຍ
ລາວ-​ໄທ​ ສືບ​ຕໍ່​ຮ່ວມ​ມື​ແກ້​ໄຂ​ບັນຫາແຮງ​ງານ​ເຄື່ອນ​ຍ້າຍ - Untitled design - ລາວ-​ໄທ​ ສືບ​ຕໍ່​ຮ່ວມ​ມື​ແກ້​ໄຂ​ບັນຫາແຮງ​ງານ​ເຄື່ອນ​ຍ້າຍ

ໃນ​ວັນ​ທີ 26 ກຸມພານີ້, ​ກະຊວງ​ແຮງ​ງານ​ ​ແລະ ສະ ຫວັດດີ​ການ​ສັງຄົມຂອງ​ລາວ ​ແລະ ກະຊວງ​ແຮງ​ງານ​ຂອງ​ໄທໄດ້​ພົບ​ປະ​ສອງ​ຝ່າຍຢູ່ນະຄອນຫລວງວຽງຈັນ​​ ​ເພື່ອ​ປຶກສາ​ຫາລື​ ​ແລະ ສືບ​ຕໍ່​ຮ່ວມ​ມື​​ແກ້​ໄຂ​ບັນຫາກ່ຽວ​ກັບແຮງ​ງານ​ເຄື່ອນ​ຍ້າຍ, ຝ່າຍ​ລາວ​ນຳ​ໂດຍ​ທ່ານ ຄຳ​ແພງ ​ໄຊ​ສົມ​ແພງ ລັດຖະມົນກະຊວງ​ແຮງ​ງານ ​ແລະ ສະຫວັດດີ​ການ​ສັງຄົມພ້ອມ​ດ້ວຍ​ຄະນະ, ຝ່າຍ​ໄທນຳ​ໂດຍ​ທ່ານພົນຕຳຫລວດເອກ ອະດຸນ ແສງສິງແກ້ວ ລັດຖະມົນຕີວ່າການກະຊວງແຮງງານແຫ່ງຣາຊະນາຈັກໄທ ພ້ອມ​ດ້ວຍ​ຄະນະ. ທັງ​ນີ້ກໍ​ເພື່ອ​ສັນ​ຕິ​ພາບ ​ແລະ ຄວາມ​ໝັ້ນຄົງ​ໃນ​ພາກ​ພື້ນ, ​ໂດຍ​ສືບ​ຕໍ່​ຜັນ​ຂະຫຍາຍ​ເນື້ອ​ໃນ​ຈິດ​ໃຈຂອງ​ບັນທຶກ​ຄວາມ​ເຂົ້າ​ໃຈວ່າ​ດ້ວຍ​ການ​ຮ່ວມ​ມືດ້ານແຮງ​ງານ​ໃຫ້​ປະກົດ​ຜົນ​ເປັນ​ຈິງ ​ແລະ ​ເພື່ອ​ຫັນ​​ເອົາ​ແຮງ​ງານ​ທີ່​ຜິດ​ກົດໝາຍໃຫ້​ເຂົ້າ​ສູ່​ລະບຽບກົດໝາຍ​ຫລາຍ​ຂຶ້ນ.

ພາຍຫລັງສຳ​ເລັດ​ການ​ປັບ​ສະຖານະ​ພາບ​ແຮງ​ງານ​ລາວທີ່​ເຮັດ​ວຽກ​ບໍ່​ຖືກຕ້ອງ​ຕາມ​ກົດໝາຍ​ຢູ່​ປະ​ເທດ​ໄທໃນ​ທ້າຍ​ເດືອນມິຖຸນາ 2018, ຖ້າ​ຫາກ​ຍັງ​ມີ​ແຮງ​ງານ​ລາວທີ່​ຍັງ​ບໍ່​ທັນ​ໄດ້​ປັບ​ສະຖານະ​ພາບ​ແມ່ນ​ໃຫ້​ເດີ​ນທາງ​ກັບປະ​ເທດ ​ເພື່ອ​ດຳ​ເນີນ​ເອກະສານ​ໃຫ້​ຖືກຕ້ອງ​ໂດຍ​ຜ່ານລະບົບ MOU. ນອກ​ນີ້​ທາງ​ການ​ລາວຍັງ​ໄດ້​ສະ​ເໜີ​ໃຫ້​ຝ່າຍ​ໄທສະໜອງ​ຂໍ້​ມູນ​ແຮງ​ງານ​ລາວທີ່​ດຳ​ເນີນ​ການ​ປັບ​ສະຖານະ​ພາບ​ຍັງ​ບໍ່ທັນ​ແລ້ວ​ເພື່ອ​ເປັນ​ບ່ອນ​ອີງ​ໃຫ້​ແກ່​ຝ່າຍ​ລາວໃນ​ການ​ວາງ​ແຜນ​ຈັດ​ຕັ້ງ​ປະຕິບັດ​ໃຫ້​ທັນ​ກຳນົດ​ເວລາ ​ແລະ ​ໃຫ້​ມີ​ການ​ເຊື່ອມ​ຕໍ່​ຂໍ້​ມູນ​ແຮງ​ງານ​ລາວ​ທີ່​ໄປ​​ເຮັດ​ວຽກ​ຢູ່​ປະ​ເທດ​ໄທ.

ການ​ຫາລື​ຄັ້ງ​ນີ້, ​​ແມ່ນ​ເພື່ອ​ກຽມ​ຮັບ​ມືມີ​ມາດ​ຕະການ​ທີ່​ດີ ​ແລະ ເພື່ອ​ຊອກ​ວິທີ​ແກ້​ໄຂ​ບັນ​ຫາ​ຮ່ວມ​ກັນ​ດ້ວຍ​ຄວາມ​ຈິງ​ໃຈ, ຊຶ່ງ​ການ​ຮ່ວມ​ມື​ຂອງ​ສອງ​ກະຊວງແຮງ​ງານລາວ ​ແລະ ​ໄທ ຈະ​ສືບ​ຕໍ່​ແກ້​ໄຂ​ບັນຫາ​ແຮງ​ງານ. ທັງ​ນີ້, ​ກໍ​ເພື່ອ​ຜົນ​ປະ​​ໂຫຍ​ດຂອງ​ປະຊາຊົນ​ທັງ​ສອງ​ຊາດ​ລາວ-​ໄທ, ​ໂດຍ​ສະ​ເພາະ​ແມ່ນ​ຊາວ​ຜູ້​ອອກ​ແຮງ​ງານໄດ້​ຮັບ​ການ​ປົກ​ປ້ອງ​ທາງ​ດ້ານ​ສິດ ​ແລະ ຜົນ​ປະ​ໂຫຍ​ດ​, ເພື່ອ​ໃຫ້​ມີ​ການ​ເຄື່ອນ​ຍ້າຍ​​ແບບ​ປອດ​ໄພ, ພ້ອມ​ທັງ​ໄດ້​ມີ​ໂອກາດ​ພັດທະນາ​ສີມື, ມີ​ວຽກ​ເຮັດ​ງານ​ທຳທີ່​ໜັ້ນຄົງ, ມີ​ສະຫວັດດີ​ການ​ດີ ​ແລະ ​ໄດ້​ຮັບ​ຄວາມ​ຍຸຕິ​ທຳ. ​

ລາວ-​ໄທ​ ສືບ​ຕໍ່​ຮ່ວມ​ມື​ແກ້​ໄຂ​ບັນຫາແຮງ​ງານ​ເຄື່ອນ​ຍ້າຍ - Wave100S AD to Website 2020 0 - ລາວ-​ໄທ​ ສືບ​ຕໍ່​ຮ່ວມ​ມື​ແກ້​ໄຂ​ບັນຫາແຮງ​ງານ​ເຄື່ອນ​ຍ້າຍ
ລາວ-​ໄທ​ ສືບ​ຕໍ່​ຮ່ວມ​ມື​ແກ້​ໄຂ​ບັນຫາແຮງ​ງານ​ເຄື່ອນ​ຍ້າຍ - WhatsApp Image 2020 05 27 at 5 - ລາວ-​ໄທ​ ສືບ​ຕໍ່​ຮ່ວມ​ມື​ແກ້​ໄຂ​ບັນຫາແຮງ​ງານ​ເຄື່ອນ​ຍ້າຍ
ລາວ-​ໄທ​ ສືບ​ຕໍ່​ຮ່ວມ​ມື​ແກ້​ໄຂ​ບັນຫາແຮງ​ງານ​ເຄື່ອນ​ຍ້າຍ - WhatsApp Image 2020 05 27 at 5 - ລາວ-​ໄທ​ ສືບ​ຕໍ່​ຮ່ວມ​ມື​ແກ້​ໄຂ​ບັນຫາແຮງ​ງານ​ເຄື່ອນ​ຍ້າຍ
error: Alert: ເນື້ອຫາຂ່າວມີລິຂະສິດ !!