ອາເມລິກາຢຸດເງິນຊ່ວຍເຫລືອ ຫລາຍດ້ານແກ່ກຳປູເຈຍ
ລັດຖະບານວໍຊິງຕັນຢຸດການຊ່ວຍເຫລືອມູນຄ່າ 8,3 ລ້ານໂດລາສະຫະລັດ ແກ່ກຳປູເຈຍ ຄວບຄຸມຫລາຍດ້ານ ລວມທັງກິດຈະກຳຂອງກອງທັບ ໂດຍໃຫ້ເຫດຜົນກ່ຽວກັບ “ຄວາມເສື່ອມຖອຍທາງປະຊາທິປະໄຕ”.
.@WhiteHouse statement on reduction in assistance to Gov't of #Cambodia. Recent setbacks to democracy in Cambodia caused us deep concern, compelled us to review our assistance to ensure U.S. taxpayer funds are not used to support anti-democratic behavior. https://t.co/bPJk1lKZ8a pic.twitter.com/nAG2UhQBUA
— Bureau of East Asian and Pacific Affairs (@USAsiaPacific) February 27, 2018
ສຳນັກຂ່າວຕ່າງປະເທດລາຍງານຈາກນະຄອນຫລວງວໍຊິງຕັນ ປະເທດສະຫະລັດອາເມລິກາ ໃນວັນທີ 27 ກຸມພາວ່າ: ທຳນຽບຂາວອອກຖະແຫລງການໃນວັນທີ 27 ກຸມພາ ເລື່ອງການຢຸດໂຄງການສະໜັບສະໜູນແກ່ສຳນັກງານສັບພາກອນ, ລັດຖະບານທ້ອງຖິ່ນ ແລະ ກອງທັບກຳປູເຈຍ ມູນຄ່າລວມ 8,3 ລ້ານໂດລາສະຫະລັດ ເນື່ອງຈາກ “ຄວາມເສື່ອມຖອຍທາງປະຊາທິປະໄຕ” ໃນກຳປູເຈຍ ເຊິ່ງສ້າງຄວາມກັງວົນຢ່າງໜັກແກ່ລັດຖະບານວໍຊິງຕັນ ບໍ່ວ່າຈະເປັນການຍຸບພັກກູ້ຊາດກຳປູເຈຍ (CNRP) ເຊິ່ງເປັນພັກແກນນຳຝ່າຍຄ້ານ ແລະ ຜົນການເລືອກຕັ້ງສະມາຊິກວຸດທິສະພາໃນວັນທີ 25 ກຸມພາ ເຊິ່ງບໍ່ໄດ້ສະທ້ອນ “ຄວາມຕ້ອງການທີ່ແທ້ຈິງ” ຂອງຊາວກຳປູເຈຍ.
https://twitter.com/phearun07/status/968373035878223874
ທັງນີ້, ຜູ້ສະໝັກຈາກພັກປະຊາຊົນກຳປູເຈຍ (CPP) ພາຍໃຕ້ການນຳຂອງນາຍົກລັດຖະມົນຕີ ຮຸນເຊນ ໄດ້ຮັບເລືອກຕັ້ງຕຳແໜ່ງສະມາຊິກວຸດທິສະພາທັງໝົດ 58 ທີ່ນ່ັງທີ່ມາການຊີງໄຊ ໂດຍເປັນພັກການເມືອງຂະໜາດໃຫຍ່ພຽງພັກດຽວທີ່ສົ່ງຜູ້ສະໝັກຮັບເລືອກຕັ້ງ ເນື່ອງຈາກພັກ CNRP ຖືກຍຸບໄປແຕ່ເດືອນພະຈິກປີຜ່ານມາ ສົ່ງຜົນໃຫ້ສະມາຊິກສະພາທ້ອງຖິ່ນໃນສັງກັດພັກ CNRP ບໍ່ອາດປະຕິບັດໜ້າທີ່ລົງຄະແນນເລືອກຕັ້ງສະມາຊິກວຸດທິສະພາໄດ້.
