ສໍາເລັດການແຂ່ງຂັນກະຕໍ້ຊີງຂັນເຈົ້າເມືອງວັງວຽງ

ສໍາເລັດການແຂ່ງຂັນກະຕໍ້ຊີງຂັນເຈົ້າເມືອງວັງວຽງ - 28641009 1992437837664142 965552289 o - ສໍາເລັດການແຂ່ງຂັນກະຕໍ້ຊີງຂັນເຈົ້າເມືອງວັງວຽງ
ສໍາເລັດການແຂ່ງຂັນກະຕໍ້ຊີງຂັນເຈົ້າເມືອງວັງວຽງ - Untitled design - ສໍາເລັດການແຂ່ງຂັນກະຕໍ້ຊີງຂັນເຈົ້າເມືອງວັງວຽງ

ທ້າຍ​ອາ​ທິດ​ຜ່ານ​ມາ ທີ່​ເມືອງ​ວັງ​ວຽງ ​ແຂວງ​ວຽງ​ຈັນ ​ໄດ້​ປິດ​ການ​ແຂ່ງຂັນ​ກິລາ​ກະຕໍ້ປະ​ເພດ​ທີ​ມດຽວຊີງ​ຂັນ​ເຈົ້າ​ເມືອງ​ວັງ​ວຽງ​ ​ໂດຍ​ມີ 12 ທີ​ມ​ເຂົ້າ​ຮ່ວມ​ ເພື່ອ​ສ້າງ​ຂະ​ບວນການ​ເປີດ​ປີ​ທ່ອງ​ທ່ຽວ​ແຂວງ​ວຽງ​​ໃຫ້​ມີ​ຂະ​ບວນ​ຟົດ​ຟື້ນ ພ້ອມ​ທັງ​ສົ່ງ​ເສີມນັກ​ກິລາ​ກະ​ຕໍ້​ໃຫ້ທຽບ​ເທົ່າ​ກັບ​ນັກ​ກິລາ​ໃນ​ພາກ​ພື້ນ ​ແລະ ສາກົນ.

ທ່ານ ຮ​ວງຄໍາ ນັນທະ​ລັງສີ ຄະນະ​ກໍາມະການ​ຈັດການ​ແຂ່ງຂັນ​ ໄດ້​ກ່າ​ວວ່າ: ພາຍຫລັງ​ສໍາ​ເລັດ​ການ​ແຂ່ງຂັນ​ກະຕໍ້​ຊີງ​ຂັນປະທານ​ບໍລິສັດ ​ໄຊ​ຍະ​ຄູນ​ອອກ​ແບບ ​ແລະ ກໍ່​ສ້າງ​ຈໍາກັດ​​ແລ້ວ ທາງ​ຄະນະ​ບໍລິຫານ​ທີ​ມຂອງ​ພວກ​ເຮົາ​ກໍ​ໄດ້​ສືບ​ຕໍ່​ຈັດການ​ແຂ່ງຂັນ​ຂຶ້ນ​ອີກ ​ເພື່ອ​ເຮັດ​ໃຫ້​ນັກ​ກິລາ​ພາຍ​ໃນ​ຂອງ​ພວກ​​ເຮົາ​ໄດ້​ມີ​ການ​ແລກປ່ຽນ​ປະສົບ​ການກັບ​ບັນດາ​ນັກ​ກິລາ​​​ໃນ​ພາກ​ພື້ນ​ໃຫ້​ຫລາຍ​ຂຶ້ນ ​ພ້ອມ​ທັງ​ເປັນ​ການ​ຝຶກ​ຊ້ອມ ​ແລະ ຄັດ​ເລືອກ​ເອົ​ານັກ​ກິລາ​ທີ່​ມີ​ພອນ​ສະຫວັນ​ບັນ​ຈຸ​​ເຂົ້າ​ທີ​ມ​ຊາດ​ ​ເພື່ອ​ກຽມ​ຄວາມ​ພ້ອມ​ເຂົ້າ​ຮ່ວມ​ການ​ແຂ່ງຂັນ​ລະດັບ​ສາກົນ. ນອກ​ຈາກ​ນັ້ນ​ແລ້ວ​ ຍັງ​ເປັນ​ການ​ສ້າງ​ຂະ​ບວນ​ເປີດ​ປີ​ທ່ອງ​ທ່ຽວ​ຂອງ​ລາວ​ໃຫ້​ຄຶກຄື້ນ ​ແລະ ມ່ວນ​ຊື່ນ. ດັ່ງ​ນັ້ນ, ທາງ​ຄະນະ​ຂອງ​ພວກ​​ເຮົາ​ຈຶ່ງ​ໄດ້​ຈັດການ​ແຂ່ງຂັນ​ກະຕໍ້​ປະ​ເພດ​ທີ​ມດຽວ​ຂຶ້ນ​​ ໂດຍ​ຊີງ​ຂັນ​ເຈົ້າ​ເມືອງ​ວັງ​ວຽງ ​ເຊິ່ງການ​ແຂ່ງຂັນ​ໄດ້​ດໍາ​ເນີນ​ເປັນ​ເວ​ລາ 2 ວັນ ​ໂດຍ​ມີ​ນັກ​ກິ​ລາ​ເຂົ້າ​ຮ່ວມ​ທັງໝົດ 12 ທີ​ມ ​ເຊິ່ງມາ​ຈາກປະ​ເທດ​ໄທ​ມີ 4 ທີ​ມຄື: ໜຸ່ມພະ​ເນ​ຈອນ (​ໄທ), ກາ​ລະ​ສິນ (​ໄທ), ​ໂຄ​ລາດ (​ໄທ), ປ່າ​ສໍານຽງ ​(​ໄທ), ທີ​ມວັງ​ວຽງ, ວັງ​ວຽງ​ 2, ວັງ​ວຽງ 3, ​ສະ​ໂມ​ສອນ​ກະ​ຕໍ້​ດາວ​ວຽງ​ສະປອດ 1, ​ສະ​ໂມ​ສອນ​ກະ​ຕໍ້​ດາວ​ວຽງ​ສະປອດ 2, ​ສະ​ໂມ​ສອນ​ກະ​ຕໍ້​ດາວ​ວຽງ​ສະປອດ 3. ການ​ແຂ່ງຂັນ​ໄດ້​ດໍາ​ເນີນ​ດ້ວຍ​ບັນ​ຍາ​ກາດ​ຟົດຟຶ້ນ​ຂອງ​ນັກ​ກິລາ​ທັງສອງ​ຝ່າຍ ​ເຊິ່ງຕ່າງ​ຝ່າຍ​ກໍ​ຢາກ​ໄດ້​ອັນ​ດັບ​ທີ 1, ຜ່ານ​ການ​ແຂ່ງຂັນ​ຜົນ​ປະກົດ​ວ່າ: ນັກ​ກິລາ​ກະ​ຕໍ້​ທີ່ມາ​ຈາກ​ປະ​ເທດ​ໄທ​ສາມາດ​ຄອງ​ຂັນ​ເຈົ້າ​ເມືອງ​ວັງ​ວຽງ​ໄດ້ ​ໂດຍ​ອັນ​ດັບ​ທີ 1 ທີ​ມ ໜຸ່ມ​ພະ​ເນ​ຈອນ ​ໄດ້​ຮັບ​ຂັນ​ລາງວັນ​ພ້ອມ​ດ້ວຍ​ເງິນສົດ 2,5 ລ້ານກີບ, ອັນ​ດັບ​ທີ 2 ທີ​ມກາລະ​ສິນ ​ໄດ້​ຮັບ​ຂັນ​ລາງວັນ ພ້ອມ​ດ້ວຍ​ເງິນສົດ 1,5 ລ້ານກີບ, ອັນ​ດັບ​ທີ 3 ​ໄດ້​​ແກ່​ທີ​ມ ປ່າ​ສໍານຽງ ​ໄດ້​ຮັບ​ຂັນ​ລາງວັນ​ພ້ອມ​ເງິນສົດ 8 ​ແສນກີບ ​ແລະ ອັນດັບທີ 4 ​ໄດ້​ແກ່​ທີ​ມ ວັງ​ວຽງ 2 ​ໄດ້ຮັບ​ເງິນສົດ 5 ​ແສນກີບ.

ສໍາເລັດການແຂ່ງຂັນກະຕໍ້ຊີງຂັນເຈົ້າເມືອງວັງວຽງ - Wave100S AD to Website 2020 0 - ສໍາເລັດການແຂ່ງຂັນກະຕໍ້ຊີງຂັນເຈົ້າເມືອງວັງວຽງ
ສໍາເລັດການແຂ່ງຂັນກະຕໍ້ຊີງຂັນເຈົ້າເມືອງວັງວຽງ - WhatsApp Image 2020 05 27 at 5 - ສໍາເລັດການແຂ່ງຂັນກະຕໍ້ຊີງຂັນເຈົ້າເມືອງວັງວຽງ
ສໍາເລັດການແຂ່ງຂັນກະຕໍ້ຊີງຂັນເຈົ້າເມືອງວັງວຽງ - WhatsApp Image 2020 05 27 at 5 - ສໍາເລັດການແຂ່ງຂັນກະຕໍ້ຊີງຂັນເຈົ້າເມືອງວັງວຽງ
error: Alert: ເນື້ອຫາຂ່າວມີລິຂະສິດ !!