ລາວ-ຫວຽດນາມ ຫາລືໂຄງການສ້າງສາງພັກນ້ຳມັນ ແລະ ສິນຄ້າຜ່ານແດນ

- advert banner 728 90 728x90 - ລາວ-ຫວຽດນາມ ຫາລືໂຄງການສ້າງສາງພັກນ້ຳມັນ ແລະ ສິນຄ້າຜ່ານແດນ

- Lao vietnam 300x225 - ລາວ-ຫວຽດນາມ ຫາລືໂຄງການສ້າງສາງພັກນ້ຳມັນ ແລະ ສິນຄ້າຜ່ານແດນ          ໂດຍປະຕິບັດຕາມການຕົກລົງຂອງສອງລັດຖະບານລາວ ແລະ ຫວຽດນາມ. ແຕ່ວັນທີ 4-6 ມີນາຜ່ານມາ, ທ່ານ ສຸພັນ ແກ້ວມີໄຊ ລັດຖະມົນຕີກະຊວງແຜນການ ແລະ ການລົງທຶນ, ປະທານຄະນະກໍາມະການຮ່ວມມື ລາວ-ຫວຽດນາມ, ພ້ອມດ້ວຍທ່ານ ບຸນຈັນ ສິນທະວົງ ລັດຖະມົນຕີກະຊວງໂຍທາທິການ ແລະ ຂົນສົ່ງ ໄດ້ພາຄະນະເດີນທາງໄປຢ້ຽມຢາມ ແລະ ເຮັດວຽກຢູ່ 3 ແຂວງຂອງຫວຽດນາມ, ໂດຍໄດ້ພົບປະກັບການນຳແຂວງກວາງບິ່ງ ເພື່ອສືບຕໍ່ປຶກສາຫາລືກ່ຽວກັບໂຄງການກໍ່ສ້າງສາງພັກນໍ້າມັນ ແລະ ທໍ່ສົ່ງນໍ້າມັນຈາກທ່າເຮືອຮອນລາຫາແຂວງຄໍາມ່ວນ ສປປ ລາວ.

- new3 - ລາວ-ຫວຽດນາມ ຫາລືໂຄງການສ້າງສາງພັກນ້ຳມັນ ແລະ ສິນຄ້າຜ່ານແດນ

ຈາກນັ້ນ, ຄະນະຜູ້ແທນໄດ້ສືບຕໍ່ເດີນທາງໄປຢ້ຽມຢາມ ແລະ ເຮັດວຽກຢູ່ ແຂວງຮ່າຕິ່ງ, ເພື່ອປຶກສາຫາລືກັບຝ່າຍຫວຽດນາມກ່ຽວກັບການຂໍນໍາໃຊ້ທ່າທຽບເຮືອຫວຸງອາງ 1, 2 ແລະ 3 ເພື່ອເປັນທ່າທຽບເຮືອຂອງລາວນຳໃຊ້ເຂົ້າໃນການຂົນສົ່ງ-ນໍາເຂົ້າສິນຄ້າຜ່ານແດນຂອງລາວໄປສູ່ປະເທດທີ 3. ຈາກນັ້ນ, ຄະນະໄດ້ເດີນທາງໄປແຂວງກວາງຈິ ເພື່ອກວດກາການຈັດຕັ້ງປະຕິບັດຮູບການກວດ ກາ “ປ່ອງດຽວ, ຈຸດດຽວ” ຢູ່ດ່ານຊາຍແດນສະຫວັນ-ລາວບາວ, ພາຍຫລັງດຳເນີນການຈັດຕັ້ງປະຕິບັດມາເປັນເວລາ 2 ປີ.

ໃນການຢ້ຽມຢາມ ແລະ ເຮັດວຽກໃນຄັ້ງນີ້, ຄະນະຜູ້ແທນລາວໄດ້ຮັບການຮັບຕ້ອນຢ່າງອົບອຸ່ນຈາກທ່ານ ຫງວຽນ ເຖ ເຟືອງ ຮອງລັດຖະມົນຕີ ກະຊວງແຜນການ ແລະ ການລົງທຶນ, ຮອງປະທານຜູ້ປະຈຳການຄະນະກຳມະການຮ່ວມມືຫວຽດນາມ-ລາວ ແລະ ທ່ານ ເລ ດິງ ເຖາະ ຮອງລັດຖະມົນຕີກະຊວງຄົມມະນາຄົມ ແລະ ຂົນສົ່ງ ຫວຽດນາມ ພ້ອມດ້ວຍບັນດາການນໍາຂອງແຂວງກວາງບິ່ງ, ຮ່າຕິ່ງ ແລະ ກວາງຈິ, ເຊິ່ງຝ່າຍຫວຽດນາມ ໄດ້ສະໜັບສະໜູນຂໍ້ສະເໜີຕ່າງໆຂອງລາວ, ໂດຍສະເພາະໂຄງການກໍ່ສ້າງສາງພັກນໍ້າມັນ ແລະ ທໍ່ສົ່ງນໍ້າມັນຈາກທ່າເຮືອຮອນລາຫາແຂວງຄໍາມ່ວນ ສປປ ລາວ ແລະ ສະເໜີໃຫ້ສອງຝ່າຍມີການເຊັນສັນຍາຮ່ວມກັນໂດຍໄວ.

- lattana 1 - ລາວ-ຫວຽດນາມ ຫາລືໂຄງການສ້າງສາງພັກນ້ຳມັນ ແລະ ສິນຄ້າຜ່ານແດນ

ສຳລັບການຂໍນໍາໃຊ້ທ່າທຽບເຮືອຫວຸງອາງ 1, 2 ແລະ 3 ຢູ່ແຂວງຮ່າຕິ່ງ, ສອງຝ່າຍເຫັນດີໃຫ້ແຕ່ງຕັ້ງໜ່ວຍງານວິຊາການ ເພື່ອປຶກສາຫາລືລະອຽດ ກ່ຽວກັບຮູບການຮ່ວມມື ແລະ ນໍາໃຊ້ທ່າເຮືອດັ່ງກ່າວໃນທ້າຍເດືອນມີນານີ້, ພາຍຫລັງເປັນເອກະພາບກັນແລ້ວ ຈຶ່ງນໍາສະເໜີສອງລັດຖະບານພິຈາລະນາຕົກລົງ.

ສ່ວນການກວດກາ “ປ່ອງດຽວ, ຈຸດດຽວ” ຢູ່ດ່ານຊາຍແດນສະຫວັນ-ລາວບາວ, ສອງຝ່າຍຈະໄດ້ຮ່ວມກັນສະຫລຸບຕີລາຄາຄືນການຈັດຕັ້ງປະຕິບັດວຽກງານດັ່ງກ່າວໃນທ້າຍເດືອນມີນານີ້ເຊັ່ນກັນເພື່ອລາຍງານຂັ້ນເທິງ, ແນໃສ່ເປີດກ້ວາງໄປສູ່ດ່ານສາກົນອື່ນໆທີ່ເຫັນວ່າມີຄວາມຈໍາເປັນ.

error: Content is protected !!