ສູນ​ໄອ​ຊີ​ທີ ສໍາ​ເລັດ ໂຄງການ​ທົດ​ລອງ​​ສ້າງ​ຂີ​ດຄວາມ​ສາ​ມາດ​ກ່ຽວ​ກັບ​ການສຶກສາ​ທາງ​ໄກ

ສູນ​ໄອ​ຊີ​ທີ ສໍາ​ເລັດ ໂຄງການ​ທົດ​ລອງ​​ສ້າງ​ຂີ​ດຄວາມ​ສາ​ມາດ​ກ່ຽວ​ກັບ​ການສຶກສາ​ທາງ​ໄກ - 28459443 2016007371981622 1406165405 n - ສູນ​ໄອ​ຊີ​ທີ ສໍາ​ເລັດ ໂຄງການ​ທົດ​ລອງ​​ສ້າງ​ຂີ​ດຄວາມ​ສາ​ມາດ​ກ່ຽວ​ກັບ​ການສຶກສາ​ທາງ​ໄກ
ສູນ​ໄອ​ຊີ​ທີ ສໍາ​ເລັດ ໂຄງການ​ທົດ​ລອງ​​ສ້າງ​ຂີ​ດຄວາມ​ສາ​ມາດ​ກ່ຽວ​ກັບ​ການສຶກສາ​ທາງ​ໄກ - Untitled design - ສູນ​ໄອ​ຊີ​ທີ ສໍາ​ເລັດ ໂຄງການ​ທົດ​ລອງ​​ສ້າງ​ຂີ​ດຄວາມ​ສາ​ມາດ​ກ່ຽວ​ກັບ​ການສຶກສາ​ທາງ​ໄກ

ສູນເຕັກ​ໂນ​ໂລ​ຊີ​ຂ່າວສານ ​ແລະ ການ​ສື່ສານ ການ​ສຶກສາ ​ແລະ ກິລາ (​ໄອ​ຊີ​ທີ) ກະຊວງ​ສຶກສາ​ທິການ ​ແລະ ກິລາ, ​ ສໍາ​ເລັດ​ໂຄງການ​ທົດ​ລອງ​ການສ້າງຂີດ​ຄວາມ​ສາມາ​ດກ່ຽວ​ກັບ​ການ​ສຶກສາ​ທາງ​ໄກສໍາລັບລາວ, ​ໃນ 4 ​ໂຮງຮຽນ​ເປົ້າ​ໝາຍ​ຄື: ​ໂຮງຮຽນ​ ມສ ໜອງ​ບອນ, ມສ ສາລາ​ຄໍາ, ມສ ​ໂພນ​ໝີ ​ແລະ ​ໂຮງຮຽນ ມສ ​ໂພນ​ໂຮງ ແລະ ໃນກອງ​ປະຊຸມ​ວິຊາ​ການ​ກ່ຽວ​ກັບ​ການ​ສຶກສາ​ທາງ​ໄກ​ສໍາລັບ​ມັດທະຍົມສຶກສາ ທີ່ໄດ້ຈັດຂຶ້ນໃນ​ວັນ​ທີ 28 ກຸມ​ພານີ້, ທີ່ນະຄອນຫຼວງວຽງຈັນ, ​ໂດຍ​ການ​ເປັນ​ປະທານ​ຮ່ວມ​ຂອງ​ທ່ານ ບົວ​ລານ ສິລິ​ປັນຍາ ຮອງ​ລັດຖະມົນຕີ ​ກະຊວງ​ສຶກສາ​ທິການ ​ແລະ ກິລາ ​ແລະ ມີທ່ານຮອງ​ຫົວໜ້າ​ອົງການ​ກອຍ​ກາ ປະ​ຈໍາລາວ, ເຂົ້າຮ່ວມນໍາດ້ວຍ. ຊຶ່ງໄດ້ຕີລາຄາວ່າ: ໂຄງການດັ່ງກ່າວເປັນ​ໂຄງການ​ຮ່ວມ​ມື​ລະຫວ່າງ ​ກະຊວງ​ສຶກສາ​ທິການ ​ແລະ ກິລາ ​ແລະ ອົງ​ການ​ກອຍ​ກາ ສ ​ເກົາຫລີ ກ່ຽວ​ກັບ​ການສ້າງຂີດ​ຄວາມ​ສາມາດ​ການ​ສຶກສາ​ທາງ​​ໄກ​ສໍາລັບ ສປປ ລາວ, ຄືໃນ​ປີ 2014 ມີຜູ້​ບໍ​ລິຫານ, ຄູ-​ອາຈານ ​ແລະ ພະນັກງານ​ເຕັກນິກ​ວິຊາ​ການ ຈໍານວນ 22 ທ່ານ, ​ໄດ້​ໄປ​ຮ່ວມ​ກອງ​ປະຊຸມ ​ແລະ ​ຝຶກອົບຮົມ​ສະ​ເພາະ​ດ້ານ​ຢູ່​ທີ່​ມະຫາວິທະຍາ​ໄລ​​ໂຊ​ໄຊ​ເບີ ສ ​ເກົາຫຼີ; ປີ 2015 ມີຈໍານວນ 40 ທ່ານ, ​ໄດ້​ຮັບ​ການ​ຝຶກອົບຮົມ​ການ​ອອກ​ແບບ, ການ​ພັດທະນາ ​ແລະ ຜະລິດ​ສື່​​ການຮຽນ-​ການ​ສອນ​ທີ່​ມີ​ຄວາມ​ຫຼາກ​ຫຼາຍ; ປີ 2016 ມີ 81 ທ່ານ ​ໄດ້​ຮັບ​ການ​ຝຶກອົບຮົມ​ທົດ​ລອງ​ການ​ປະຕິບັດ​ການ​ຕົວ​ຈິງ​ໃນ​ການ​ອ​ອກ​ແບບ, ການ​ພັດທະນາ ​ແລະ ຜະລິດ​ສື່​ການ​ຮຽນ-​ການ​ສອນ​ ແລະ ມາຮອດປີ 2017 ຄະນະຮັບຜິດຊອບໂຄງການກະຊວງສຶກສາທິການ ແລະ ກິລາ, ມະຫາວິທະຍາໄລໂຊໄຊເບີ ສ ເກົາຫລີ ແລະ ທີມງານຜູ້ພັດທະນາໄດ້ຮ່ວມກັນກໍານົດເອົາບົດຮຽນຊັ້ນ ມ7 ໃນ 6 ວິຊາຄື: ວິຊາຄະນິດສາດ, ຊີວະສາດ, ເຄມີສາດ, ຟີຊິກສາດ ຢ່າງລະ 6 ບົດ, ພາສາອັງກິດ 10 ບົດ ແລະ ໄອຊີທີ 6 ບົດ, ລວມທັງໝົດມີ 40 ບົດ, ເພື່ອພັດທະນາບົດສອນ ແບບເອເລັກໂຕຣນິກ ເພື່ອໄປທົດລອງນໍາໃຊ້ຢູ່ຊັ້ນ ມ7 ຂອງສູນໄອຊີທີ ໃນທົ່ວປະເທດ ແລະ 4 ໂຮງຮຽນເປົ້າໝາຍດັ່ງກ່າວ ແລະ ມາ​ຮອດ​ປັດຈຸບັນ, ບົດຮຽນທັງ 40 ບົດ  ໃນ 6 ວິຊາ ​ແມ່ນ​ໄດ້​ສໍາ​ເລັດ​ໂດ​ຍພື້ນຖານ ແລະ ​ໃນ​ວັນ​ທີ 26 ກຸມພາຜ່ານມາ, ກໍ​ໄດ້ມີ​ກອງ​ປະຊຸມ​ປະ​ເມີນ​ຄຸນະພາບ​ຂອງ​ເນື້ອ​ໃນ​ບົດຮຽນ​ດັ່ງ​ກ່າວ ​ແລະ ​ມີ​ກອງ​ປະຊຸມ​ແນະ​ນໍາ​ຂະ​ບວນການ, ວິ​ທີ​ການ​ຜະ​ລິດ​ບົດຮຽນ​ແບບ​ເອ​ເລັກ​ໂຕຣນິກ ​ແລະ ​ເຜີຍ​ແຜ່​ແນະ​ນໍາ​ວິທີ​ໃຊ້ ຊຶ່ງເຫັນວ່າອາດມີຜົນສໍາເລັດໃນຕໍ່ໜ້າ.

ສູນ​ໄອ​ຊີ​ທີ ສໍາ​ເລັດ ໂຄງການ​ທົດ​ລອງ​​ສ້າງ​ຂີ​ດຄວາມ​ສາ​ມາດ​ກ່ຽວ​ກັບ​ການສຶກສາ​ທາງ​ໄກ - Wave100S AD to Website 2020 0 - ສູນ​ໄອ​ຊີ​ທີ ສໍາ​ເລັດ ໂຄງການ​ທົດ​ລອງ​​ສ້າງ​ຂີ​ດຄວາມ​ສາ​ມາດ​ກ່ຽວ​ກັບ​ການສຶກສາ​ທາງ​ໄກ
ສູນ​ໄອ​ຊີ​ທີ ສໍາ​ເລັດ ໂຄງການ​ທົດ​ລອງ​​ສ້າງ​ຂີ​ດຄວາມ​ສາ​ມາດ​ກ່ຽວ​ກັບ​ການສຶກສາ​ທາງ​ໄກ - WhatsApp Image 2020 05 27 at 5 - ສູນ​ໄອ​ຊີ​ທີ ສໍາ​ເລັດ ໂຄງການ​ທົດ​ລອງ​​ສ້າງ​ຂີ​ດຄວາມ​ສາ​ມາດ​ກ່ຽວ​ກັບ​ການສຶກສາ​ທາງ​ໄກ
ສູນ​ໄອ​ຊີ​ທີ ສໍາ​ເລັດ ໂຄງການ​ທົດ​ລອງ​​ສ້າງ​ຂີ​ດຄວາມ​ສາ​ມາດ​ກ່ຽວ​ກັບ​ການສຶກສາ​ທາງ​ໄກ - WhatsApp Image 2020 05 27 at 5 - ສູນ​ໄອ​ຊີ​ທີ ສໍາ​ເລັດ ໂຄງການ​ທົດ​ລອງ​​ສ້າງ​ຂີ​ດຄວາມ​ສາ​ມາດ​ກ່ຽວ​ກັບ​ການສຶກສາ​ທາງ​ໄກ
error: Alert: ເນື້ອຫາຂ່າວມີລິຂະສິດ !!