ລາວ ແລະ ສາກົນຫາລື​ການ​ຕ້ານອາ​ຊະ​ຍາ​ກຳ​ຂ້າມ​ຊາດ

ລາວ ແລະ ສາກົນຫາລື​ການ​ຕ້ານອາ​ຊະ​ຍາ​ກຳ​ຂ້າມ​ຊາດ - laos and international - ລາວ ແລະ ສາກົນຫາລື​ການ​ຕ້ານອາ​ຊະ​ຍາ​ກຳ​ຂ້າມ​ຊາດ
ລາວ ແລະ ສາກົນຫາລື​ການ​ຕ້ານອາ​ຊະ​ຍາ​ກຳ​ຂ້າມ​ຊາດ - Untitled design - ລາວ ແລະ ສາກົນຫາລື​ການ​ຕ້ານອາ​ຊະ​ຍາ​ກຳ​ຂ້າມ​ຊາດ

ໃນວັນທີ 27 ກຸມພານີ້, ອົງການ​ໄອ​ຍະ​ການ​ປະຊາຊົນ​ສູງ​ສຸດ​ແຫ່ງ ສປປ ລາວຮ່ວມ​ກັບ​ສະ​ຖາ​ບັນ​ຊ່ວຍ​ເຫລືອ​ດ້ານ​ກົດໝາຍ ​(ILSTA) ໄດ້ຈັດ​ກອງ​ປະຊຸມ​ປຶກສາຫາລືການສ້າງ​ຄວາມ​ເຂັ້ມ​ແຂງໃນ​ການ​ຕ້ານ​ອາ​ຊະ​ຍາກໍາ​ຂ້າມ​ຊາດ​ທີ່​ມີ​ການຈັດຕັ້ງໃຫ້ແຂງແຮງກວ່າເກົ່າ, ພາຍຫລັງເຫັນວ່າບັນຫາດັ່ງກ່າວ​ພວມເປັນ​ໄພ​ຂົ່ມຂູ່​ທ້າ​ທາຍ​ຕໍ່​ການ​ປົກ​ຄອງ​ລັດ​ດ້ວຍ​ກົດໝາຍຢູ່​ບັນດາ​ປະ​ເທດ​ໃນ​ໂລກ.

ທ່ານຮອງ​ຫົວໜ້າ​ອົງການ​ໄອ​ຍະ​ການ​ປະຊາຊົນ​ສູງ​ສຸດ ບຸນຍັງ ຈັນດາລາ ສານ ​ໃຫ້ຮູ້ວ່າ: ອາ​ຊະ​ຍາ​ກຳ​ຂ້າມ​ຊາດ​ທີ່​ມີ​ການຈັດຕັ້ງພວມ​ເປັນ​ບັນຫາ​ພົ້ນ​ເດັ່ນ​ກ່ຽວຂ້ອງ​ກັບ​ການ​ປົກ​ປ້ອງ​ກົດໝາຍ ​ແລະ ສັ່ງ​ຟ້ອງ​ຜູ້​ກະທຳ​ຜິດຂຶ້ນຕັດສິນ, ອາ​ຊະ​ຍາ​ກຳ​ດັ່ງກ່າວມີລັກສະນະ​ແຜ່​ລາມເປັນວົງກວ້າງ ​ແລະ ​ເປັນໄພ​ອັນຕະລາຍ​ຮ້າຍ​ແຮງ​ຂຶ້ນ​ເລື້ອຍໆ, ໂດຍສະເພາະບັນຫາຢາເສບຕິດ ແລະ ການຟອກເງິນ, ເຊິ່ງມັນ​ໄດ້​ປ່ຽນໄປ​ຈາກ​ການ​ກະທຳ​ຜິດ​ທີ່​ມີ​ຜົນ​ລະດັບ​ທ້ອງ​ຖິ່ນ​ກາຍ​ເປັນ​​ລະດັບ​ຊາດ ​ແລະ ​ສາກົນ​ໃນ​ປັດຈຸບັນ. ດັ່ງນັ້ນ, ຖ້າ​ຫາກການ​ຮ່ວມ​ມື​ໃນວຽກງານ​ປົກ​ປ້ອງ​ກົດໝາຍ​ຍັງຈຳກັດ ຫລື ບໍ່​ໃຫ້ການ​ຮ່ວມ​ມື​ໃດໆ​ ແນ່ນອນສະຖານະ​ການ​ຈະ​ປ່ຽນ​ຈາກ​ບໍ່​ດີ​ໄປສູ່ຄວາມ​ຫາ​ຍະ​ນະໄດ້.

ຢູ່ ສປປ ລາວ ​ໃນ​ປີ 2016 ສາມາດ​ມ້າງ​ຄະດີ​ຢາ​ເສບ​ຕິດ​ໄດ້​ທັງ​ໝົດ​ 3.814 ​ເລື່ອງ, ມີ​ຜູ້​ຕ້ອງຫາ 5.810 ກວ່າຄົນ (ຍິງ 784 ຄົນ), ມີຄົນ​ຕ່າງປະ​ເທດ 127 ຄົນ ​ແລະ ​ໃນປີ 2017 ສາມາດ​ມ້າງ​ຄະດີ​ຢາ​ເສບ​ຕິດໃນທົ່ວປະເທດ​ໄດ້​ທັງ​ໝົດ​ 2.770 ກວ່າ​ເລື່ອງ, ມີ​ຜູ້ຕ້ອງ​ຫາ 4.240 ກວ່າຄົນ (ຍິງ 526 ຄົນ), ມີ​ຄົນ​ຕ່າງປະ​ເທດ 100 ກວ່າຄົນ. ສະນັ້ນ, ການຮ່ວມມື​ຊ່ວຍ​ເຫລືອ​ເຊິ່ງກັນ ​ແລະ ກັນ​ຂອງ​ພາກສ່ວນ​ກ່ຽວຂ້ອງຕ່າງໆ​ໃນ​ການ​ປະຕິບັດ​ກົດໝາຍ ຈະສາມາດ​ຕອບ​ໂຕ້​ຄື​ນຢ່າງມີປະສິດທິຜົນຕໍ່ການ​ກະທຳ​ຜິດທຸກກໍລະນີ ​ແລະ ​ສາມາດນຳຕົວ​ຜູ້​ກະທຳ​ຜິດມາດໍາເນີນຄະດີຕາມລະບຽບກົດໝາຍໄດ້ຢ່າງທັນການ.

ລາວ ແລະ ສາກົນຫາລື​ການ​ຕ້ານອາ​ຊະ​ຍາ​ກຳ​ຂ້າມ​ຊາດ - Wave100S AD to Website 2020 0 - ລາວ ແລະ ສາກົນຫາລື​ການ​ຕ້ານອາ​ຊະ​ຍາ​ກຳ​ຂ້າມ​ຊາດ
ລາວ ແລະ ສາກົນຫາລື​ການ​ຕ້ານອາ​ຊະ​ຍາ​ກຳ​ຂ້າມ​ຊາດ - WhatsApp Image 2020 05 27 at 5 - ລາວ ແລະ ສາກົນຫາລື​ການ​ຕ້ານອາ​ຊະ​ຍາ​ກຳ​ຂ້າມ​ຊາດ
ລາວ ແລະ ສາກົນຫາລື​ການ​ຕ້ານອາ​ຊະ​ຍາ​ກຳ​ຂ້າມ​ຊາດ - WhatsApp Image 2020 05 27 at 5 - ລາວ ແລະ ສາກົນຫາລື​ການ​ຕ້ານອາ​ຊະ​ຍາ​ກຳ​ຂ້າມ​ຊາດ
error: Alert: ເນື້ອຫາຂ່າວມີລິຂະສິດ !!