ຫວນຄືນສູ່ດິນແດນຈຳປາສັກ

ຫວນຄືນສູ່ດິນແດນຈຳປາສັກ - 22429853702456963043 - ຫວນຄືນສູ່ດິນແດນຈຳປາສັກ
ຫວນຄືນສູ່ດິນແດນຈຳປາສັກ - kitchen vibe - ຫວນຄືນສູ່ດິນແດນຈຳປາສັກ

  ໂດຍ: ຊາຍພະເນຈອນ

ແຂວງຈໍາປາສັກ ຕັ້ງຢູ່ທາງ ໃຕ້ສຸດຂອງປະເທດ, ເປັນດິນ ແດນ ທີ່ອຸດົມສົມບູນໄປດ້ວຍ ຊັບພະຍາກອນທໍາມະຊາດ ແລະ ສະຖານທີ່ທ່ອງທ່ຽວທີ່ມີຊື່ ສຽງດົ່ງດັງ ແລະ ໂດດເດັ່ນຫຼາຍ ແຫ່ງ ເຊິ່ງ ລືຊາໄປທົ່ວໂລກາ, ເປັນດິນແດນທີ່ແສນງົດງາມມີ ອາກາດທີ່ສົດຊື່ນແຈ່ມໃສດີ, ເໝາະໃຫ້ແກ່ວຽກງານກະສິ ກໍາ, ປະຊາຊົນຢູ່ເຂດນີ້ຈຶ່ງໄດ້ ຢຶດຖືເອົາອາຊີບການປູກຝັງ- ລ້ຽງສັດເປັນຕົ້ນຕໍ, ອັນພົ້ນເດັ່ນ ກວ່າໝູ່ກໍຄືການເຮັດສວນກາເຟຂອງຊາວເມືອງປາກຊ່ອງໄດ້ ເປັນຂະບວນມີຊື່ສຽງທາງດ້ານ ຕົ້ນຕໍານານຂອງກາເຟໃຫ້ສັງ ຄົມຮັບຮູ້ຢ່າງກວ້າງຂວາງບໍ່ວ່າ ທາງດ້ານປະລິມານ ແລະ ຄຸນ ນະພາບຂອງມັນ ຈຶ່ງເຮັດໃຫ້ ກາເຟປາກຊ່ອງນັບມື້ ມີຄ່ານິ ຍົມສູງຂຶ້ນເລື້ອຍໆ.

ຫວນຄືນສູ່ດິນແດນຈຳປາສັກ - Visit Laos Visit SALANA BOUTIQUE HOTEL - ຫວນຄືນສູ່ດິນແດນຈຳປາສັກ

 

ຫວນຄືນສູ່ດິນແດນຈຳປາສັກ - rfff - ຫວນຄືນສູ່ດິນແດນຈຳປາສັກ

+ ຜາສາດຫີນວັດພູຈຳປາສັກແຫລ່ງທ່ອງທ່ຽວທີ່ປະທັບໃຈ

+ ທ່ຽວຊົມຄຳມ່ວນດິນແດນປະຫວັດສາດວິລະຊົນ

ແຂວງຈໍາປາສັກ ເປັນ ແຂວງທີ່ກ້ວາງໃຫຍ່ພໍສົມ ຄວນ ເຊິ່ງມີເນື້ອທີ່ທັງໝົດ 15.415 ກິໂລຕາແມັດ, ທິດໃຕ້ ຕິດກັບປະເທດກໍາປູເຈຍ, ທິດ ຕາເວັນຕົກຕິດກັບປະເທດໄທ. ແຂວງຈໍາປາສັກ ປະກອບມີ 10 ເມືອງຄື: ເມືອງປາກເຊ, ຊະນະສົມບູນ, ບາຈຽງຈະເລີນ ສຸກ, ປາກຊ່ອງ, ປະທຸມພອນ, ໂພນທອງ, ຈໍາປາສັກ, ສຸຂຸມາ, ເມືອງໂຂງ ແລະ ເມືອງມູນ ລະປະໂມກ. ປະກອບມີປະຊາ ກອນຢູ່ຮ່ວມກັນຫຼາຍຊົນເຜົ່າ ປະມານ 7 ແສນຄົນ ແລະ ເປັນ ແຂວງທີ່ເປັນຕົ້ນຕໍາລັບໃນ ການຂັບລໍາສີພັນດອນທີ່ລືຊື່ ຢູ່ເຂດພາກໃຕ້ ລາວເຮົາ. ແລະ ຍັງເປັນແຂວງທີ່ມີຊື່ສຽງດົ່ງ ດັງທາງດ້ານອາຫານການ ກິນທີ່ແຊບຊ້ອຍມີຫຼາກຫຼາຍ ເຍື່ອງຕ້ອງໄດ້ໃຊ້ເວລາຫຼາຍ ວັນທ່ຽວ ເລາະຊິມຈຶ່ງຈະໄຂ່ວ, ອັນພົ້ນເດັ່ນກວ່າໝູ່ກໍຄື ປາ ນໍ້າ ຂອງສົດໆທີ່ນໍາມາປຸງແຕ່ງ ອາຫານ ປະເພດຕ່າງໆ ແລະ ສິ່ງພິເສດກວ່າໝູ່. ແຂວງ ຈໍາປາສັກ ເປັນແຂວງທີ່ອຸດົມ ສົມບູນໄປດ້ວຍແຫຼ່ງທ່ອງທ່ຽວ ທາງດ້ານປະຫວັດສາດ, ທໍາ ມະຊາດ ແລະ ວັດທະນະທໍາ ທີ່ ໂດດເດັ່ນຫຼາຍແຫ່ງຄື: ຜາສາດ ຫີນວັດພູ, ວັດຫຼວງ, ພູສ່າ ເຫຼົ້າ, ຄອນພະເພັງ, ນໍ້າຕົກຕາດສົມ ພະມິດ(ຫຼີ່ຜີ), ນໍ້າຕົກຕາດຜາ ສ້ວມ, ຕາດອີ່ຕູ້, ຕາດເຍືອງ, ຕາດຟານ, ຕາດຈໍາປີ, ສວນ ກາເຟສີນຸກ, ຫັດຖະກໍາຕໍ່າ ແຜ່ນບ້ານສະຜ່າຍ, ດອນເດດ, ດອນຄອນ, ດອນແດງ, ດອນ ເຂາະ, ພູອາສາກຽດໂງ້ງ, ປ່າ ສະຫງວນແຫ່ງຊາດເຊປຽນ, ດົງຫົວສາວ. ບ້ານດົງຫຼວງ ຂີ່ສະລິງ. ນອກຈາກນັ້ນ, ຍັງໄດ້ ທ່ຽວຊົມສີສັນຂອງເມືອງ ປາກເຊ ອັນໄດ້ກາຍເປັນມົນສະ ເໜ່ ໃຫ້ກັບນັກທ່ອງທ່ຽວທັງ ພາຍໃນ ແລະ ຕ່າງປະເທດໄດ້ ເຂົ້າ ມາທ່ຽວຊົມເປັນຈຳນວນ ຫລວງຫລາຍ ເຊິ່ງແຕ່ລະ ປີບໍ່ຕ່ຳກວ່າ 25.000-30.000 ຄົນ/ຈົນມີຄໍາຂວັນ ປະຈໍາໄວ້ວ່າ: “ ເອກະລັກວັດພູ ກຸຫຼາບປາກເຊ ກາເຟປາກຊ່ອງ ນໍ້າຂອງໂຕນຄອນ ສີພັນດອນ ລືນາມ”

 

ຫວນຄືນສູ່ດິນແດນຈຳປາສັກ - 23521 - ຫວນຄືນສູ່ດິນແດນຈຳປາສັກ

ແຂວງຈໍາປາສັກຍັງ ເປັນ ແຂວງທີ່ອຸດົມສົມບູນທາງ ດ້ານຊັບພະຍາກອນທໍາມະ ຊາດ ແລະ ຊີວະນາໆພັນ, ມີພູ ຜາປ່າດົງອັນກ້ວາງໃຫຍ່ດົກໜາທີ່ປົກຄຸມໄວ້ໄປທົ່ວ ບໍລິເວນ ຈຶ່ງເປັນຫົ່ມເງົາດີ ແລະ ມີອາ ກາດ ທີ່ປອດໂປ່ງສົດໃສເຮັດ ໃຫ້ໜ້າ ຢູ່ໜ້າຊົມທີ່ສຸດ, ທັງເປັນ ແຂວງ ທີໄດ້ຮັບການພັດທະ ນາມາຫຼາຍດ້ານ ຈຶ່ງເຮັດໃຫ້ ມີຫຼາຍ ບໍລິສັດຫ້າງຮ້ານໄດ້ ເຂົ້າມາ ລົງທຶນ ແລະ ເຮັດທຸລະ ກິດຢູ່ທີ່ນີ້ນັບມື້ຫຼາຍຂຶ້ນ ແລະ ສໍາລັບປີ 2018 ປີນີ້ເປັນປີ ທ່ອງທ່ຽວ ລາວ ເພາະສະນັ້ນ, ພວກເຮົາຄົນລາວ ທຸກຄົນກໍ ຕ້ອງໄດ້ ເລີ່ມຕົ້ນແຕ່ຫົວທີ ໃນ ການເປັນເຈົ້າພາບທີ່ດີໃຫ້ແກ່ ສັງຄົມ ແລະ ປະເທດຊາດດ້ວຍ ຍິ້ມແຍ້ມແຈ່ມໃສດ້ວຍນໍ້າໃຈ ໄມຕີຈິດມິດຕະພາບຕ້ອນຮັບ ແຂກບ້ານແຂກເມືອງຜູ້ມາ ທ່ຽວຊົມເຮັດໜ້າທີ່, ບ່ອນພັກ ເຊົາ, ອາຫານ ແລະ ເຄື່ອງດື່ມ ໃຫ້ມີຄຸນນະພາບ./.

ຫວນຄືນສູ່ດິນແດນຈຳປາສັກ - 251 - ຫວນຄືນສູ່ດິນແດນຈຳປາສັກ

ຫວນຄືນສູ່ດິນແດນຈຳປາສັກ - 22429853702456963043 - ຫວນຄືນສູ່ດິນແດນຈຳປາສັກ

ຫວນຄືນສູ່ດິນແດນຈຳປາສັກ - 3 - ຫວນຄືນສູ່ດິນແດນຈຳປາສັກ
ຫວນຄືນສູ່ດິນແດນຈຳປາສັກ - 4 - ຫວນຄືນສູ່ດິນແດນຈຳປາສັກ
ຫວນຄືນສູ່ດິນແດນຈຳປາສັກ - 5 - ຫວນຄືນສູ່ດິນແດນຈຳປາສັກ