ສະພາ ສ.ເກົາຫລີ ຜ່ານກົດໝາຍ ຫລຸດຊົ່ວໂມງການເຮັດວຽກ

ສະພາ ສ.ເກົາຫລີ ຜ່ານກົດໝາຍ ຫລຸດຊົ່ວໂມງການເຮັດວຽກ - 73jl91ua copy - ສະພາ ສ.ເກົາຫລີ ຜ່ານກົດໝາຍ ຫລຸດຊົ່ວໂມງການເຮັດວຽກ
ສະພາ ສ.ເກົາຫລີ ຜ່ານກົດໝາຍ ຫລຸດຊົ່ວໂມງການເຮັດວຽກ - 174233 - ສະພາ ສ.ເກົາຫລີ ຜ່ານກົດໝາຍ ຫລຸດຊົ່ວໂມງການເຮັດວຽກ

ຜູ້​ປະກອບ​ການຂະໜາດ​ໃຫຍ່​ໃນ ສ.​ເກົາຫລີ ທີ່​ມີ​ພະນັກງານ 300 ຄົນຂຶ້ນ​ໄປ ​ເປັນ​ບໍລິສັດ​ກຸ່ມ​ທຳ​ອິດ​ທີ່​ຕ້ອງ​ຫລຸດ​ຊົ່ວ​ໂມງ​ການ​ເຮັດ​ວຽກ​ຂອງ​ລູກຈ້າງ​ເຫລືອ 52 ຊົ່ວ​ໂມງ​ຕໍ່​ອາທິດ ຕາມ​ກົດໝາຍ​​ໃໝ່​ທີ່​ຈະ​ມີ​ຜົນ​ບັງຄັບ​ໃຊ້​ນັບ​ແຕ່​ວັນ​ທີ 1 ກໍລະກົດ​ນີ້​ເປັນຕົ້ນ​ໄປ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ເຊ​ອຸນ ສ.​ເກົາຫລີ ​ໃນ​ວັນ​ທີ 1 ມີນາ​ວ່າ: ສະພາ​ນິຕິບັນຍັດ​ແຫ່ງ​ຊາດ​ຂອງ ສ.​ເກົາຫລີ ມີ​ມະຕິ​ສຽງ​ສ່ວນ​ຫລາຍ 151 ຕໍ່ 11 ສຽງ ​ແລະ ງົດ​ອອກສຽງ 32 ສຽງ ​ໃນ​ກອງ​ປະຊຸມ​ວັນ​ທີ 28 ກຸມພາ ຮັບຮອງ​ກົດໝາຍ​ມາດຕະຖານ​ແຮງ​ງານ​ສະບັບ​ແກ້​ໄຂ​ເພີ່ມ​ຕື່ມ ​ໃຫ້​ຊົ່ວ​ໂມງ​ການ​ເຮັດ​ວຽກ​ຂອງ​ລູກຈ້າງ​ສູງ​ສຸດ​ບໍ່​ເກີນ 52 ຊົ່ວ​ໂມງ​ຕໍ່​ອາທິດ ຈາກ 68 ຊົ່ວ​ໂມງ​ຕໍ່​ອາທິດ​ໃນ​ປັດຈຸບັນ.

ສະພາ ສ.ເກົາຫລີ ຜ່ານກົດໝາຍ ຫລຸດຊົ່ວໂມງການເຮັດວຽກ - Wave100S AD to Website 2020 0 - ສະພາ ສ.ເກົາຫລີ ຜ່ານກົດໝາຍ ຫລຸດຊົ່ວໂມງການເຮັດວຽກ

ທັງ​ນີ້, ຊົ່ວ​ໂມງ​ການ​ເຮັດ​ວຽກ​ຕໍ່​ອາທິດ​ຕາມ​ຮ່າງ​ກົດໝາຍ​ສະບັບ​ໃໝ່ ໝາຍ​ເຖິງ​ການ​ມີ​ຊົ່ວ​ໂມ​ງ​ເຮັດ​ວຽກ 40 ຊົ່ວ​ໂມງ​ລະຫວ່າງ 5 ວັນ​ປົກກະຕິ ຄື​ວັນ​ຈັນ​ຫາ​ວັນ​ສຸກ ​ແລະ 12 ຊົ່ວ​ໂມງ​ລະຫວ່າງ​ວັນ​ເສົາ​ເຖິງ​ວັນ​ອາທິດ. ຂະນະ​ທີ່​ແນວທາງ​ການ​ບັງຄັບ​ໃຊ້​ກົດໝາຍ​ດັ່ງກ່າວ​ຈະ​ແບ່ງ​ເປັນ 3 ກຸ່ມ ​ໂດຍ​ກຸ່ມ​ທຳ​ອິດ​ຄື​ບໍລິສັດ ຫລື ໜ່ວຍ​ງານ​ຂະໜາດ​ໃຫຍ່​ທີ່​ມີ​ພະນັກງານ​ນັບ​ແຕ່ 300 ຄົນຂຶ້ນ​ໄປ ​ໃຫ້​ປະຕິບັດ​ຕາມ​ກົດໝາຍ​ໃໝ່​ນັບ​ແຕ່​ວັນ​ທີ 1 ກໍລະກົດ​ນີ້​ເປັນຕົ້ນ​ໄປ. ຂະນະ​ທີ່​ກຸ່ມ​ຕໍ່​ມາ​ຄື​ອົງການ​ຂະໜາດ​ກາງ​ທີ່​ມີ​ພະນັກງານ​ລະຫວ່າງ 50-299 ຄົນ ​ໃຫ້​ເລີ່​ມວັນ​ທີ 1 ມັງກອນ 2020 ​ແລະ ບໍລິສັດ​ຂະໜາດ​ນ້ອຍ​ທີ່​ມີ​ພະນັກງານ​ລະຫວ່າງ 5-49 ຄົນ ​ໃຫ້​ເລີ່​ມ​ໃນ​ວັນ​ທີ 1 ກໍລະກົດ 2021.

​ເຖິງ​ຢ່າງ​ໃດ​ກໍ​ຕາມ, ກົດໝາຍ​ກຳນົດ​ຊົ່ວ​ໂມງ​ການ​ເຮັດ​ວຽກ​ສະບັບ​ໃໝ່​ນີ້ມ​ອບຂໍ້​ຍົກ​ເວັ້ນ​ໃຫ້​ກັບ​ບາງ​ກິດຈະການ ຫລື ບາງ​ສາຍ​ງານ​ອາຊີບ ທີ່​ລວມທັງ​ໜ່ວຍ​ງານ​ເຊິ່ງມີ​ພາລະກິດ​ໃຫ້​ບໍລິການ​ປະຊາຊົນ​ຈຳນວນ​ຫລາຍ​ເຊັ່ນ: ບຸກຄະລາ​ກອນ​ໃນ​ໂຮງໝໍ ​ແລະ ​ເຈົ້າໜ້າ​ທີ່​ປະຈຳ​ສະຖານີ​ບໍລິການ​ລະບົບ​ຂົນ​ສົ່ງ​ມວນ​ຊົນ.

ສະພາ ສ.ເກົາຫລີ ຜ່ານກົດໝາຍ ຫລຸດຊົ່ວໂມງການເຮັດວຽກ - WhatsApp Image 2020 05 27 at 5 - ສະພາ ສ.ເກົາຫລີ ຜ່ານກົດໝາຍ ຫລຸດຊົ່ວໂມງການເຮັດວຽກ
error: Alert: Content is protected !!