ກົມ​​ຈະລາຈອນຈະເອົາໃຈໃສ່ກວດກາຄວາມປອດໄພຂອງຜູ້ໃຊ້ລົດໃຊ້ຖະໜົນໃຫ້ເຂັ້ມງວດ

ກົມ​​ຈະລາຈອນຈະເອົາໃຈໃສ່ກວດກາຄວາມປອດໄພຂອງຜູ້ໃຊ້ລົດໃຊ້ຖະໜົນໃຫ້ເຂັ້ມງວດ - PRF 500x336 - ກົມ​​ຈະລາຈອນຈະເອົາໃຈໃສ່ກວດກາຄວາມປອດໄພຂອງຜູ້ໃຊ້ລົດໃຊ້ຖະໜົນໃຫ້ເຂັ້ມງວດ
ກົມ​​ຈະລາຈອນຈະເອົາໃຈໃສ່ກວດກາຄວາມປອດໄພຂອງຜູ້ໃຊ້ລົດໃຊ້ຖະໜົນໃຫ້ເຂັ້ມງວດ - Untitled design - ກົມ​​ຈະລາຈອນຈະເອົາໃຈໃສ່ກວດກາຄວາມປອດໄພຂອງຜູ້ໃຊ້ລົດໃຊ້ຖະໜົນໃຫ້ເຂັ້ມງວດ

ຮອງຫົວໜ້າກົມຈະລາຈອນ ໃຫ້ຮູ້ໃນກອງປະຊຸມສະຫລຸບວຽກງານປີ 2017 ໃນວັນທີ 28 ກຸມພານີ້ວ່າ: ໃນຕໍ່ໜ້ານີ້, ເຈົ້າໜ້າທີ່ຈະລາຈອນຈະເອົາໃຈໃສ່ຈັດຕັ້ງຜັນ​ຂະຫຍາຍ​​ຍຸດ​ທະ​ສາດ​ແກ້​ໄຂ​ການຈະລາຈອນ​ແອ​ອັດ ​ແລະ ຫລຸດຜ່ອນ​ອຸປະຕິ​ເຫດໃຫ້ມີປະສິດທິຜົນ ແລະ ເຂັ້ມງວດກວ່າເກົ່າ, ໂດຍສະເພາະຈະສຸມໃສ່ການກວດກາຄວາມປອດໄພຮອບດ້ານຂອງຜູ້ໃຊ້ລົດໃຊ້ຖະໜົນ, ລວມເຖິງການກວດກາສະພາບເຕັກນິກຂອງຍານພາຫະນະ, ​ເພື່ອ​ເຮັດ​ໃຫ້​ການ​ສັນຈອນມີ​ຄວາມ​ເປັນ​ລະບຽບ​ຮຽບຮ້ອຍ ​ແລະ ​ສະກັດ​ກັ້ນ​ອຸປະຕິ​ເຫດຕາມ​ທ້ອງ​ຖະໜົນ​ໃຫ້​ຫລຸດ​ໜ້ອຍ​ລົງ, ໂດຍສະເພາະແມ່ນຈະຈັດກໍາລັງເຈົ້າໜ້າທີ່ຈະລາຈອນນັບແຕ່ສູນກາງຮອດທ້ອງຖິ່ນຕ່າງໆລົງເຜີຍແຜ່​ແນະນຳ​ດ້ານກົດລະບຽບຈະລາຈອນໃຫ້​ຜູ້​ໃຊ້​ລົດ​ໃຊ້​ຖະໜົນ​ຕາມສໍານັກງານອົງການ, ສະຖາບັນການສຶກສາ, ໂຮງຈັກ-ໂຮງງານ ແລະ ສະຖານທີ່ຊຸມຊົນອື່ນໆ ເພື່ອໃຫ້ທຸກຊັ້ນຄົນໃນສັງຄົມຍົກ​ສູງ​ສະຕິ​ເຄົາລົບ​ລະບຽບກົດ​ຈະລາຈອນ, ໄປຄຽງຄູ່ການເອົາໃຈໃສ່​ກວດ​ຈັບ​ຄວາມ​ໄວ, ກວດ​ທາດ​ເຫລົ້າ, ການຂົນ​ສົ່ງ​ບໍ່​ຖືກລະບຽບ ​ແລະ ກວດກາສະພາບ​ເຕັກນິກ​ຂອງ​ພາຫະນະໃຫ້ຮັບກັນຄວາມປອດໄພ, ພ້ອມທັງກວດກາ​ສະພາບ​ການຕິດຕັ້ງເຄື່ອງໝາຍ​ຈະລາຈອນ​ຕາມ​ເສັ້ນທາງ​, ​ຄຸ້ມ​ຄອງ​ການ​ຂຶ້ນທະບຽນ, ກວດກາ​ການ​ນຳ​ໃຊ້​ລົດ​ປ້າຍ ປກສ, ປ້າຍ​ເຄື່ອນ​ໄຫວ​ພິ​ເສດ​ໃຫ້​ຖືກຕ້ອງ​ຕາມລະບຽບ​ຫລັກການ.

 

ຮອງ​ຫົວໜ້າ​ກົມຈະລາຈອນ ໃຫ້ຮູ້ວ່າ: ​ໃນປີຜ່ານມາ, ກໍາລັງເຈົ້າໜ້າທີ່ຂອງຕົນໄດ້ລົງ​ໂຄສະນາ​ເຜີຍ​ແຜ່​ກົດລະບຽບ​ຈະລາຈອນຕາມເສັ້ນ​ທາງ, ສະຖາບັນການສຶກສາ, ສໍານັກງານອົງການ ແລະ ຊຸມຊົນຕ່າງໆໃນທົ່ວປະເທດຫລາຍກວ່າພັນເທື່ອ, ກວດຈັບ​ຄວາມ​ໄວ, ທາດ​ເຫລົ້າ, ການບັນທຸກ​ສິນຄ້າ​ເກີນ ​ແລະ ກວດກາພາຫະນະ​ອື່ນໆໄດ້ພົບເຫັນ​ຜູ້​ລະ​ເມີດຫລາຍກວ່າ 24 ພັນ​ຄົນ, ໃນນີ້, ໄດ້ສຶກສາ​ອົບຮົມ​ຜູ້​ລ່ວງ​ລະ​ເມີດກົດຈະລາຈອນ 9.700 ກວ່າ​ຄົນ, ​ກັກ​ເອກະສານ​ ແລະ ​ພາຫະນະທີ່ບໍ່ຖືກຕ້ອງເປັນຈໍານວນຫລາຍ ແລະ ໄລຍະດຽວກັນໃນທົ່ວປະເທດມີ​ອຸປະຕິ​ເຫດເກີດຂຶ້ນຫລາຍກວ່າ 5.800 ກໍລະນີ, ມີຜູ້ເສຍຊີວິດພັນກວ່າຄົນ, ເຊິ່ງສ່ວນໃຫຍ່ມີສາ​ເຫດມາຈາກ​ດື່ມ​ສິ່ງ​ມືນ​ເມົາແລ້ວຂັບຂີ່ລົດ, ຂັບຂີ່ດ້ວຍຄວາມປະໝາດ, ບໍ່ເຄົາລົບກົດລະບຽບຈະລາຈອນ ແລະ ສ່ວນຫລາຍແມ່ນເກີດຂຶ້ນໃນ​ກຸ່ມຄົນອາຍຸລະຫວ່າງ 15-25 ປີ.

ກົມ​​ຈະລາຈອນຈະເອົາໃຈໃສ່ກວດກາຄວາມປອດໄພຂອງຜູ້ໃຊ້ລົດໃຊ້ຖະໜົນໃຫ້ເຂັ້ມງວດ - Wave100S AD to Website 2020 0 - ກົມ​​ຈະລາຈອນຈະເອົາໃຈໃສ່ກວດກາຄວາມປອດໄພຂອງຜູ້ໃຊ້ລົດໃຊ້ຖະໜົນໃຫ້ເຂັ້ມງວດ
ກົມ​​ຈະລາຈອນຈະເອົາໃຈໃສ່ກວດກາຄວາມປອດໄພຂອງຜູ້ໃຊ້ລົດໃຊ້ຖະໜົນໃຫ້ເຂັ້ມງວດ - WhatsApp Image 2020 05 27 at 5 - ກົມ​​ຈະລາຈອນຈະເອົາໃຈໃສ່ກວດກາຄວາມປອດໄພຂອງຜູ້ໃຊ້ລົດໃຊ້ຖະໜົນໃຫ້ເຂັ້ມງວດ
ກົມ​​ຈະລາຈອນຈະເອົາໃຈໃສ່ກວດກາຄວາມປອດໄພຂອງຜູ້ໃຊ້ລົດໃຊ້ຖະໜົນໃຫ້ເຂັ້ມງວດ - WhatsApp Image 2020 05 27 at 5 - ກົມ​​ຈະລາຈອນຈະເອົາໃຈໃສ່ກວດກາຄວາມປອດໄພຂອງຜູ້ໃຊ້ລົດໃຊ້ຖະໜົນໃຫ້ເຂັ້ມງວດ
error: Alert: ເນື້ອຫາຂ່າວມີລິຂະສິດ !!