ວິທີແກ້ໄຂເມື່ອທ່ານມີອາການເບື່ອວຽກ

- 020103 2018 - ວິທີແກ້ໄຂເມື່ອທ່ານມີອາການເບື່ອວຽກ
- Untitled design - ວິທີແກ້ໄຂເມື່ອທ່ານມີອາການເບື່ອວຽກ

ຄົນເຮັດວຽກທັງຫລາຍອາດມີແດ່ທີ່ຮູ້ສຶກເບື່ອ ແລະ ເລີ່ມທໍ້ກັບວຽກທີ່ເຮັດ ບາງເທື່ອບັນຫາກໍໃຫຍ່ຈົນຕ້ອງປ່ຽນວຽກ, ແຕ່ ບາງເທື່ອກໍອາດຈະແກ້ໄຂໄດ້ຢູ່ໂຕເຮົາ ແລະ ໃຈເຮົາເອງ ສຳລັບໃຜທີ່ເບື່ອວຽກ ລອງໃຊ້ເຕັກນິກ 6 ຂໍ້ຕໍ່ໄປນີ້ໄດ້ :

  1. ລະບາຍ ຫລື ປຶກສາຄົນທີ່ໄວ້ໃຈໄດ້ : ການໄດ້ລະບາຍ ປ່ອຍທຸກກັບຄົນທີ່ເຮົາໄວ້ໃຈ ຈະຊ່ວຍໃຫ້ເຮົາຜ່ອນຄາຍຄວາມເຄັ່ງຄຽດໄດ້ ໂດຍສະເພາະຖ້າເລືອກຄົນທີ່ເບິ່ງໂລກໃນແງ່ດີ ແລະ ຈັດການຊີວິດໄດ້ດີມາເປັນທີ່ປຶກສາ ເຂົາອາດຈະເຮັດໃຫ້ບັນຫາຂອງທ່ານນ້ອຍລົງໄດ້.
  2. ລາພັກຮ້ອນ ຫາເວລາຕື່ມພະລັງໃຫ້ໂຕເອງແດ່ : ຫາໂອກາດລາພັກເພື່ອຕື່ມພະລັງງານໃຫ້ໂຕເອງແດ່ ເພື່ອຄວາມສົດຊື່ນ ແລະ ຕື່ມພະລັງໄວ້ສຳລັບການເລີ່ມເຮັດວຽກໃນຮອບໃໝ່.
  3. ຄິດເຖິງຂໍ້ດີຂອງວຽກທີ່ເຮັດ : ລອງຄິດເຖິງຂໍ້ດີຂອງວຽກທີ່ເຮັດຢູ່ ຫລື ຄິດຍ້ອນໄປເຖິງຕອນທີ່ເຮົາໄດ້ວຽກໃໝ່ໆ, ຕອນທີ່ ເຮົາຢາກເຮັດວຽກນີ້ຍ້ອນຫຍັງ, ເມື່ອພົບແລ້ວທ່ານກໍຈະຮູ້ສຶກວ່າ ວຽກຂອງທ່ານກໍມີຄຸນຄ່າ ແລະ ບໍ່ໜ້າເບື່ອດັ່ງທີ່ຄິດ.
  4. ຕົກແຕ່ງໂຕະເຮັດວຽກຊ່ວຍສ້າງບັນຍາກາດໃໝ່ໆ : ບາງເທື່ອການເຮັດວຽກໃນບັນຍາກາດເກົ່າໆກໍເປັນພາກສ່ວນໜຶ່ງທີ່ເຮັດໃຫ້ເບື່ອໜ່າຍ ລອງຫາຫຍັງໃໝ່ໆມາວາງເທິງໂຕະເຮັດວຽກ ອາດຈະເປັນຕຸກກະຕານ້ອຍໆ, ດອກໄມ້, ຊື້ເຄື່ອງຂຽນໃໝ່ໆມາໃຊ້ ຫລື ຈັດວາງສິ່ງຂອງໃໝ່ເພື່ອປ່ຽນບັນຍາກາດແດ່.
  5. ເຮັດໂຕໃຫ້ສົດໃສສົດຊື່ນ : ບາງເທື່ອຄວາມເບື່ອກໍເກີດຈາກໃຈເຮົາເອງກໍມີ ຖ້າເຮົາພະຍາຍາມຄິດເຖິງແຕ່ເລື່ອງດີໆ, ຍິ້ມໄວ້ຕະຫລອດ, ບໍ່ເມົາແຕ່ຄິດວ່າເບື່ອ ເຮົາກໍຈະມີກຳລັງໃຈຫລາຍຂຶ້ນ.
  6. ຕັ້ງເປົ້າໝາຍນ້ອຍໆໃນທຸກໆມື້ : ເປົ້າໝາຍໃນໄລຍະຍາວອາດຈະເຮັດໃຫ້ເຮົາທໍ້ແດ່ໃນບາງເທື່ອ, ລອງຕັ້ງເປົ້າໝາຍໃນໄລຍະສັ້ນ ເຊັ່ນ : ໃນແຕ່ລະມື້ຈະເຮັດຫຍັງແດ່ ແລ້ວໄປຍັງເປົ້າໝາຍນັ້ນ ຊີວິດເຮົາກໍຈະມ່ວນຂຶ້ນຄືກັບຫລິ້ນເກມທຸກໆມື້.
- Wave100S AD to Website 2020 0 - ວິທີແກ້ໄຂເມື່ອທ່ານມີອາການເບື່ອວຽກ
- WhatsApp Image 2020 05 27 at 5 - ວິທີແກ້ໄຂເມື່ອທ່ານມີອາການເບື່ອວຽກ
- WhatsApp Image 2020 05 27 at 5 - ວິທີແກ້ໄຂເມື່ອທ່ານມີອາການເບື່ອວຽກ
error: Alert: ເນື້ອຫາຂ່າວມີລິຂະສິດ !!