ເປັນ​ພະນັກງານ​ບຳນານ​ຢ່າ​ພາກັນ​ຄິດ​ອຸກ​ອັ່ງ

[object object] - retire - ເປັນ​ພະນັກງານ​ບຳນານ​ຢ່າ​ພາກັນ​ຄິດ​ອຸກ​ອັ່ງ
[object object] - Untitled design - ເປັນ​ພະນັກງານ​ບຳນານ​ຢ່າ​ພາກັນ​ຄິດ​ອຸກ​ອັ່ງ

​ໂດຍ: ກ້ອງສ່ອງ ອິດສະຫລະ

ເມື່ອບໍ່ດົນມານີ້, ຜູ້ຂຽນໄດ້ ມີໂອກາດໄປພົບກັບໝູ່ເພື່ອນ ຫລາຍທ່ານ, ຫລາຍສະຫາຍ ເຊິ່ງໄດ້ຮັບບຳນານໄປແລ້ວ ຕ່າງຄົນກໍມີວຽກເຮັດງານທຳ ຫລື ມີກິດຈະກຳສະເພາະຕົວ ຂອງໃຜລາວ. ໜຶ່ງໃນບຸກຄົນ ເຫລົ່ານັ້ນກໍມີ ສະຫາຍ ວິເສດ ສະແຫວງສຶກສາ ຢູ່ທີ່ນະຄອນ ຫລວງວຽງຈັນ ເຮົານີ້ເອງ, ໃນ ເມື່ອກ່ອນ, ພວກເຮົາເຄີຍໄດ້ ຮ່ວມວຽກງານນຳກັນມາແຕ່ ປີ 1985 ຫາ ປີ 1990 ຈາກນັ້ນ, ພວກເຮົາກໍແຍກວົງກັນໄປຄົນລະທິດຄົນລະທາງຍ້ອນສະພາບວຽກງານທີ່ການຈັດຕັ້ງມອບໝາຍໃຫ້, ສະຫາຍ ວິເສດ ໄດ້ຍ້າຍໄປຢູ່ສະພາແຫ່ງຊາດ, ທັງເປັນຜູ້ແທນປະຊາຊົນຫລາຍສະໄໝ, ສຸດທ້າຍພໍຮອດອາຍຸກະ ສຽນກໍອອກບຳນານຫາກໍໄດ້ປີກວ່າມານີ້, ເມື່ອໄປຫາກັນຍາມໃດຕ່າງຄົນກໍເລົ່າເລື່ອງອະດີດເກົ່າຄາວຫລັງທີ່ເຄີຍໄດ້ຮ່ວມວຽກຮ່ວມງານນຳກັນມາຫລາຍປີ, ສິ່ງທີ່ພວກເຮົາມີຈຸດພິເສດ ແລະ ອຸດົມການຄືກັນນັ້ນ ກໍແມ່ນເປັນຄົນມັກຂີດມັກຂຽນ, ມີທັງບົດຂຽນ, ຂ່າວຄາວຕ່າງໆເພື່ອອອກໃນວາລະສານ ຫລື ໜັງສືພິມຕັ້ງແຕ່ໃດມາໃນໂຕທີ່ວ່ານີ້, ເຖິງວ່າພວກເຮົາໄດ້ເຮັດວຽກວິຊາສະເພາະອື່ນ,   ແຕ່ພວກເຮົາກໍບໍ່ໄດ້ປະຖິ້ມໃນພອນສະຫວັນ ແລະ ພອນສະແຫວງຈົນມາຮອດປັດຈຸບັນ ໄດ້ ຮັບບຳນານໄປແລ້ວກໍຍັງພາ ກັນຂຽນຢູ່ໄຈ້ໆ ຈົນວ່າຄອງບິກ ກັບປາກກາມັນຫ້ຽນແລ້ວກໍຫັນມາໃຊ້ຄອມບີເຕີໄປຕາມຍຸກສະໄໝການພັດທະນາຂອງຊາດບ້ານເມືອງ.

ສະເພາະເຮົາຄິດ, ການເປັນນັກຂີດ, ນັກຂຽນແມ່ນເຮັດ ໃຫ້ຊີວິດຈິດໃຈຂອງຕົນບໍ່ງຽບເຫງົາ, ທັງມີຊີວິດຊີວາກັບໜ້າງານທີ່ເຮົາມັກ.

ສະຫລຸບເຮົາມີພອນສະຫວັນດ້ານໃດເຮົາກໍພໍຢູ່ໄດ້ນຳດ້ານນັ້ນຊີວິດຂອງຄົນເຮົາ ຈຶ່ງມີຄວາມໝາຍ, ທັງເປັນການປະກອບສ່ວນໃນພາລະກິດຂອງຊາດ, ທັງສືບຕໍ່ເຮັດໃຫ້ຊີວິດຍືນຍົງ ແລະ ຍືນຍາວຕໍ່ໄປ.

ເທົ່າທີ່ເຮົາເຫັນມາ, ຍັງມີ ໝູ່ເພື່ອນຫລາຍສະຫາຍ, ຫລາຍ ຄົນໄດ້ເຂົ້າບຳນານ ໄປແລ້ວຍັງ ມີເຫື່ອແຮງໄປເຮັດວຽກອື່ນພໍ ໄດ້ແກ້ກຸ້ມ ຫລື ພໍໄດ້ເງິນໄປກິນ ກາເຟຍາມເຊົ້າ, ກິນເຝີຍາມ ທ່ຽງ, ບາງຄົນກໍໄປເປັນພະນັກ ງານ ວິຊາການ, ເປັນທີ່ປຶກສາ ໃຫ້ບໍລິສັດໃດໜຶ່ງ ຂອງພາຍໃນ ແລະ ຕ່າງປະເທດ, ສ່ວນຜູ້ຢູ່ ທ້ອງຖິ່ນຊົນນະບົດກໍເປັນແນວ ໂຮມ, ເປັນເຖົ້າຂຸນລຸງຕານຳພາລູກຫລານສ້າງບ້ານແປງ ເມືອງ, ຜູ້ມີດິນນາຮົ້ວສວນກໍບຸກ ສ້າງເສດຖະກິດຄອບຄົວຍາມ ຊ້ຳເຖົ້າ. ຜູ້ຢູ່ເຮືອນຊານກໍເບິ່ງ ແຍງລູກຫລານຊາມຊາພໍ່ແມ່ ເຂົາໄປຫາ ຢູ່ຫາກິນແຕ່ລະມື້ ແລະ ບາງຄົນຜູ້ມີທຶນຮອນກໍ ເປັນຮອດນັກທຸລະກິດໄວທອງ ນີ້ລະຄືວຽກສິ້ນ ໃຫຍ່ໆ ຂອງຄົນບຳນານ, ຢ່າພາກັນໄປຄິດ ອຸກຄິດອັ່ງ.

[object object] - Wave100S AD to Website 2020 0 - ເປັນ​ພະນັກງານ​ບຳນານ​ຢ່າ​ພາກັນ​ຄິດ​ອຸກ​ອັ່ງ

ໃນຜ່ານມາ, ເຮົາເຄີຍເຫັນ ຫລາຍຄົນຈົ່ມວ່າ, ຄິດງໍ້ຄິດ ງ່ຽງ, ທັງຄິດອຸກຄິດອັ່ງໄດ້ຮັບ ບຳນານໄປແລ້ວບໍ່ຊ່າງຊິຢູ່, ຊິ ກິນ ແລະ ບໍ່ຊ່າງຊິໄປທາງໃດ ວ່າ ຊັ້ນ! ສຸດທ້າຍນັ່ງຄິດຫລາຍ    ເກີດພະຍາດເຍົາກໍຕາຍປະເມຍ, ປະລູກປະຫລານ, ຍິ່ງໄປກວ່າ ນັ້ນ, ມີບາງສະຫາຍ ແລະ ບາງຄົນເມື່ອເຖິງອາຍຸກະສຽນໄປ ແລ້ວໝູ່ໃຫ້ບຳນານກໍບໍ່ຮັບ,ຍັງ     ຂໍຢູ່ຕໍ່ອ້າງວ່າ ເຮົາບໍ່ທັນຢາກຮັບບຳນານເທື່ອ, ຂໍເຮັດວຽກຕໍ່ເພາະຕອນເຮົາເຂົ້າເຮັດວຽກ ໃໝ່ໆ ໄດ້ຂຽນໃບປະຕິຍານ ຕົນເອງຈະຂໍຢູ່ນຳການປະຕິວັດຈົນຕະຫລອດຊີວິດ. ບາງຄົນເປັນເຈົ້າເປັນນາຍ, ເປັນເຖິງພະນັກງານການນຳ ໝູ່ໃຫ້ບຳນານ ທັງຈຳໃຫ້ອອກວຽກກໍບໍ່ຢາກໄປຍ້ອນເອົາຜົນປະໂຫຍດບໍ່ທັນພໍບາງສະຫາຍກໍອ່າວພະຍົດເປັນພະນັກງານບຳນານໄປ ແລ້ວບໍ່ສັດຊື່ໄປຫາເປັນນາຍໜ້າ ເລາະໝ້ອງນັ້ນ, ໝ້ອງນີ້ ຂໍຍົກເວັ້ນພາສີສິນຄ້າ ສ້າງຄວາມກະທົບກະເທືອນໃຫ້ເຂົາຜູ້ເຮັດວຽກເພື່ອບ້ານເພື່ອເມືອງ, ຕາມເຮົາວ່າອັນນັ້ນເຂົາເອີ້ນວ່າພະນັກງານບຳໜອກບໍ່ແມ່ນພະນັກງານບຳນານ.

ແນວໃດກໍຕາມ, ເມື່ອຄິດເບິ່ງແລ້ວ, ສັງວຽນຊີວິດຂອງຄົນເຮົາບໍ່ມີຫຍັງທີ່ຈະແນ່ນອນ, ສິ່ງທີ່ແນ່ນອນຄືຄວາມບໍ່ແນ່ນອນນັ້ນເອງເວົ້າມາຮອດຈຸດນີ້ກໍຄິດເຫັນທັງຊີວິດ ແລະ ວຽກງານຂອງບັນດາສະຫາຍພະນັກງານບຳນານອີ່ຫລີແຕ່ ໃຜຈະເຮັດຫຍັງລົງໄປກໍໃຫ້ຄິດເຫັນບ້ານເມືອງພວມຢູ່ໃນສະພາບຫຍຸງ້ຍາກເພາະຕອນຢູ່ປ່ານຳກັນໃຜກໍວ່າສັດຊື່ຕໍ່ພັກ, ຕໍ່ປະເທດຊາດ ແລະ ຕໍ່ປະຊາຊົນ.

[object object] - WhatsApp Image 2020 05 27 at 5 - ເປັນ​ພະນັກງານ​ບຳນານ​ຢ່າ​ພາກັນ​ຄິດ​ອຸກ​ອັ່ງ
[object object] - WhatsApp Image 2020 05 27 at 5 - ເປັນ​ພະນັກງານ​ບຳນານ​ຢ່າ​ພາກັນ​ຄິດ​ອຸກ​ອັ່ງ
error: Alert: ເນື້ອຫາຂ່າວມີລິຂະສິດ !!