ໂຕໂຢຕ້າເຕືອນທ່ານ ທຣຳ ຂຶ້ນພາສີ ເຫລັກ-ອາລູມີນຽມຈະເພີ່ມຕົ້ນທຶນ

ໂຕໂຢຕ້າເຕືອນທ່ານ ທຣຳ ຂຶ້ນພາສີ ເຫລັກ-ອາລູມີນຽມຈະເພີ່ມຕົ້ນທຶນ - bm29xose copy - ໂຕໂຢຕ້າເຕືອນທ່ານ ທຣຳ ຂຶ້ນພາສີ ເຫລັກ-ອາລູມີນຽມຈະເພີ່ມຕົ້ນທຶນ
ໂຕໂຢຕ້າເຕືອນທ່ານ ທຣຳ ຂຶ້ນພາສີ ເຫລັກ-ອາລູມີນຽມຈະເພີ່ມຕົ້ນທຶນ - Untitled design - ໂຕໂຢຕ້າເຕືອນທ່ານ ທຣຳ ຂຶ້ນພາສີ ເຫລັກ-ອາລູມີນຽມຈະເພີ່ມຕົ້ນທຶນ

​​ໂຕ​ໂຢຕ້າ ມໍ​ເຕີ ບໍລິສັດ​ຜະລິດ​ລົດ​ລາຍ​ໃຫຍ່​ທີ່​ສຸດ​ຂອງ​ໂລກ​ຈາກ​ຍີ່ປຸ່ນ ກ່າວ​ເຖິງ​ກໍລະນີ​ທີ່​ປະທານາທິບໍດີ ​ໂດ​ນັນ ທຣຳ ກຽມ​ຂຶ້ນພາສີ​ເຫລັກ ​ແລະ ອາ​ລູມີ​ນຽມ ຈະ​ສົ່ງ​ຜົນ​ໃຫ້​ລາຄາ​ລົດ​ທີ່​ຂາຍ​ໃນ​ອາ​ເມ​ລິ​ກາ​ແພງ​ຂຶ້ນ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ໂຕ​ກຽວ ປະ​ເທດ​ຍີ່ປຸ່ນ ​ໃນ​ວັນ​ທີ 2 ມີນາ​ວ່າ: ບໍລິສັດ ​ໂຕ​ໂຢຕ້າ ມໍ​ເຕີ ຜູ້​ຜະລິດ​ລົດ​ລາຍ​ໃຫຍ່​ທີ່​ສຸດ​ຂອງ​ໂລກ​ຈາກ​ຍີ່ປຸ່ນ ອອກ​ຖະ​ແຫລ​ງການ​ໃນ​ວັນ​ທີ 2 ມີນາ ຫລັງ​ປະທານາທິບໍດີ ​ໂດ​ນັນ ທຣຳ ປະກາດ​ມາດ​ຕະການ​ຂຶ້ນພາສີ​ນຳ​ເຂົ້າຜະລິດ​ຕະພັນ​​ເຫລັກ 25% ​ແລະ ການ​ຂຶ້ນພາສີ​ນຳ​ເຂົ້າຜະລິດ​ຕະພັນ​ອາ​ລູມີ​ນຽມ​ອີກ 10% ​ໂດຍ​ຈະ​ມີ​ການ​ປະກາດ​ລາຍ​ລະອຽດ​ທັງ​ໝົດ​ຢ່າງ​ເປັນ​ທາງ​ການ​ໃນ​ອາທິດ​ນີ້ ວ່າ​ມາດ​ຕະການ​ດັ່ງກ່າວ​ຈະ​ສົ່ງ​ຜົນ​ໃຫ້​ລາຄາ​ຂາຍ​ລົດ​ໃນ​ອາ​ເມ​ລິ​ກາ​ແພງ​ຂຶ້ນ ​ເນື່ອງ​ຈາກ​ຕົ້ນທຶນ​ການ​ຜະລິດ​ທີ່​ສູງ​ຂຶ້ນ ​ໂດຍ​ຫລາຍ​ກວ່າ 90% ຂອງ​ເຫລັກ ​ແລະ ອາ​ລູມີ​ນຽມ​ທີ່​ ​ໂຕ​ໂຢຕ້າ ​ໃຊ້​ສຳລັບ​ຜະລິດ​ສິນຄ້າ​ຈຳໜ່າຍ​ໃນ​ອາ​ເມ​ລິ​ກາ ​ເປັນ​ການ​ສັ່ງ​ຊື້ຈາກ​ຜູ້ປະກອບ​ການ​ໃນ​ອາ​ເມ​ລິ​ກາ​ທັງ​ໝົດ.

ຖະ​ແຫລ​ງການ​ຂອງ ​ໂຕ​ໂຢຕ້າ ລະບຸ​ອີກ​ວ່າ: ບໍ່​ພຽງ​ແຕ່​ສະ​ເພາະ​ລົດ​ຂອງ​ບໍລິສັດ​ເທົ່າ​ນັ້ນ, ​ແຕ່​ຜູ້​ຜະລິດ​ລົດ​ລາຍ​ອື່ນ​ລ້ວນ​ຈະ​ໄດ້​ຮັບ​ຜົນ​ກະທົບ​ຈາກ​ມາດ​ຕະການ​ນີ້​ທັງ​ໝົດ. ປັດຈຸບັນ ອາ​ເມ​ລິ​ກາ​ຖື​ເປັນ​ຕະຫລາດ​ຕ່າງປະ​ເທດ​ຂະໜາດ​ໃຫຍ່​ທີ່​ສຸດ​ຂອງ ​ໂຕ​ໂຢຕ້າ ດ້ວຍ​ຍອດ​ຈຳໜ່າຍ 2,4 ລ້ານ​ຄັນ ​ໃນ​ປີຜ່ານມາ. ນອກຈາກ​ນີ້ ​ໂຕ​ໂຢຕ້າ ຍັງ​ມີ​ແຜນ​ກໍ່ສ້າງ​ໂຮງງານ​ແຫ່ງ​ໃໝ່​ໃນ​ລັດ​ແອ​ລະບາ​ມາ ທີ່​ເປັນ​ການ​ລົງທຶນ​ມູນ​ຄ່າ 1.600 ລ້ານ​ໂດ​ລາ​ສະຫະລັດ ຮ່ວມ​ກັບ​ບໍລິສັດ​ ມາສດ້າ ມໍ​ເຕີ ອີກ​ໜຶ່ງ​ຜູ້​ຜະລິດ​ລົດ​ລາຍ​ໃຫຍ່​ຈາກ​ຍີ່ປຸ່ນ.

ໂຕໂຢຕ້າເຕືອນທ່ານ ທຣຳ ຂຶ້ນພາສີ ເຫລັກ-ອາລູມີນຽມຈະເພີ່ມຕົ້ນທຶນ - Wave100S AD to Website 2020 0 - ໂຕໂຢຕ້າເຕືອນທ່ານ ທຣຳ ຂຶ້ນພາສີ ເຫລັກ-ອາລູມີນຽມຈະເພີ່ມຕົ້ນທຶນ
ໂຕໂຢຕ້າເຕືອນທ່ານ ທຣຳ ຂຶ້ນພາສີ ເຫລັກ-ອາລູມີນຽມຈະເພີ່ມຕົ້ນທຶນ - WhatsApp Image 2020 05 27 at 5 - ໂຕໂຢຕ້າເຕືອນທ່ານ ທຣຳ ຂຶ້ນພາສີ ເຫລັກ-ອາລູມີນຽມຈະເພີ່ມຕົ້ນທຶນ
ໂຕໂຢຕ້າເຕືອນທ່ານ ທຣຳ ຂຶ້ນພາສີ ເຫລັກ-ອາລູມີນຽມຈະເພີ່ມຕົ້ນທຶນ - WhatsApp Image 2020 05 27 at 5 - ໂຕໂຢຕ້າເຕືອນທ່ານ ທຣຳ ຂຶ້ນພາສີ ເຫລັກ-ອາລູມີນຽມຈະເພີ່ມຕົ້ນທຶນ
error: Alert: ເນື້ອຫາຂ່າວມີລິຂະສິດ !!