ສປປ ເກົາຫລີ ປະຕິເສດ ຊ່ວຍຊີຣີຜະລິດອາວຸດເຄມີ

ສປປ ເກົາຫລີ ປະຕິເສດ ຊ່ວຍຊີຣີຜະລິດອາວຸດເຄມີ - 642578 - ສປປ ເກົາຫລີ ປະຕິເສດ ຊ່ວຍຊີຣີຜະລິດອາວຸດເຄມີ
ສປປ ເກົາຫລີ ປະຕິເສດ ຊ່ວຍຊີຣີຜະລິດອາວຸດເຄມີ - Untitled design - ສປປ ເກົາຫລີ ປະຕິເສດ ຊ່ວຍຊີຣີຜະລິດອາວຸດເຄມີ

ລັດຖະບານ​ພຽງ​ຢາງ​ປະຕິ​ເສດ​ການ​ຊ່ວຍ​ເຫລືອຊີຣີຜະລິດ​ອາວຸດ​ເຄມີ​ຕາມ​ຂໍ້​ກ່າວ​ຫາ​ຂອງ​ອາ​ເມ​ລິ​ກາ ປະ​ເທດ​ເຊິ່ງຖື​​ເປັນ “ມະ​ເຮັງ​ຂອງ​ສັນຕິພາບ​ໂລກ”.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ເຊ​ອຸນ ສ.​ເກົາຫລີ ​ໃນ​ວັນ​ທີ 2 ມີນາ ​ໂດຍ​ອ້າງ​ຈາກ​ລາຍ​ງານ​ຂອງ​ສຳນັກ​ຂ່າວ​ກາງ​ເກົາຫລີ (KCNA) ​ເຊິ່ງ​ເຜີຍ​ແຜ່​ຖະ​ແຫລ​ງການ​ຂອງ​ກະຊວງ​ການ​ຕ່າງປະ​ເທດ ສປປ ​ເກົາຫລີ ວ່າ: ລັດຖະບານ​ພຽງ​ຢາງ “​ເຄີຍ​ເນັ້ນ​ແລ້ວ​ຫລາຍ​ເທື່ອ” ວ່າ​ບໍ່​ເຄີຍ​ມີ​ສ່ວນ​ກ່ຽວຂ້ອງ​ກັບ​ໂຄງການ​ຄິດ​ຄົ້ນ, ພັດທະນາ ​ແລະ ຜະລິດ ຫລື ​ເກ​ັບສະ​ສົມ​ອາວຸດ​ເຄມີ. ນອກຈາກ​ນີ້ ສປປ ​ເກົາຫລີ ຍັງ​ຄັດຄ້ານ​ອາວຸດ​ນິວ​ເຄຼຍທຸກ​ຮູບ​ແບບ. ຂໍ້​ກ່າວ​ຫາ​ຂອງ​ລັດຖະບານ​ວໍ​ຊິງ​ຕັນ​ທີ່​ອ້າງ​ວ່າ: ສປປ ​ເກົາຫລີ ​ໃຫ້ການ​ຊ່ວຍ​ເຫລືອ​ຊີຣີ​ໃນ​ການຜະລິດ​ອາວຸດ​ເຄມີ​ຈຶ່ງ​ເປັນ​ເລື່ອງ “ບໍ່​ຈິງ” ທັງ​ທີ່​ອາ​ເມ​ລິ​ກາ​ຖື​ເປັນ “ມະ​ເຮັງ​ຂອງ​ສັນຕິພາບ​ໂລກ” ຈາກ​ການ​ເປັນ​ຜູ້​ສະໜັບສະໜູນ​ການ​ຜະລິດ​ອາວຸດ​ເຄມີ​ລາຍ​ໃຫຍ່​ທີ່​ສຸດ.

ຖະ​ແຫລ​ງການ​ດັ່ງກ່າວ​ຂອງ ສປປ ​ເກົາຫລີ ມີ​ຂຶ້ນພາຍຫລັງ​ທ່ານ ​ໂຣ​ເບິດ ວູດ ຜູ້​ແທນ​ຖາວອນ​ຂອງ​ອາ​ເມ​ລິ​ກາ​ດ້ານ​ການ​ປົດ​ອາວຸດ​ທີ່​ລວມທັງ​ອາວຸດ​ຊີວະ​ພາບ ​ແລະ ອາວຸ​ດ​ເຄມີ ກ່າວ​ຕໍ່​ກອງ​ປະຊຸມ​ສະຫະ​ປະຊາ​ຊາດ (UN) ທີ່​ນະຄອນ​ເຈ​ນີວາ ​ໃນ​ວັນ​ທີ 28 ກຸ​ມພາ​ວ່າ: ສປປ ​ເກົາຫລີ ​ແລະ ຊີຣີ “ມີ​ປະຫວັດ​ການ​ຮ່ວມ​ມື” ດ້ານ​ກິດຈະກຳ​ກ່ຽວ​ກັບ​ການ​ພັດທະນາ​ລູກ​ສອນ​ໄຟ ​ແລະ ອົງ​ປະກອບ​ຂອງ​ອາວຸດ​ເຄມີ. ຂະນະ​ທີ່​ລາຍ​ງານ​ຂອງ UN ອ້າງ​ກວດ​ພົບ​ເຮືອ​ບັນທຸກ​ສິນຄ້າ​ຂອງ ສປປ ​ເກົາຫລີ ລັກລອບ​ສົ່ງ​ມອບ​ວັດຖຸ​ດິບ​ດ້ານ​ການ​ຜະລິດ​ອາວຸດ​ເຄມີ​ໄປ​ຊີຣີຢ່າງ​ໜ້ອຍ 2 ຄັ້ງ ​ໃນ​ຮອບ 6 ​ເດືອນ​ຜ່ານ​ມາ ຖື​ເປັນ​ພຶດຕິ​ກຳ​ທີ່​ຝ່າຝືນ​ມາດ​ຕະການ​ຂວ້ຳບາດ.

ສປປ ເກົາຫລີ ປະຕິເສດ ຊ່ວຍຊີຣີຜະລິດອາວຸດເຄມີ - Wave100S AD to Website 2020 0 - ສປປ ເກົາຫລີ ປະຕິເສດ ຊ່ວຍຊີຣີຜະລິດອາວຸດເຄມີ
ສປປ ເກົາຫລີ ປະຕິເສດ ຊ່ວຍຊີຣີຜະລິດອາວຸດເຄມີ - WhatsApp Image 2020 05 27 at 5 - ສປປ ເກົາຫລີ ປະຕິເສດ ຊ່ວຍຊີຣີຜະລິດອາວຸດເຄມີ
ສປປ ເກົາຫລີ ປະຕິເສດ ຊ່ວຍຊີຣີຜະລິດອາວຸດເຄມີ - WhatsApp Image 2020 05 27 at 5 - ສປປ ເກົາຫລີ ປະຕິເສດ ຊ່ວຍຊີຣີຜະລິດອາວຸດເຄມີ
error: Alert: ເນື້ອຫາຂ່າວມີລິຂະສິດ !!