ສະມາຊິກພັກບາງສະຫາຍບວດບໍ່ໄດ້ແຖຫົວ

- Untitled design - ສະມາຊິກພັກບາງສະຫາຍບວດບໍ່ໄດ້ແຖຫົວ

ໂດຍ: ທິດກ່ຳ

ກ່ອນອື່ນ, ທິດກ່ຳຕ້ອງຂໍ ໂທດ ນຳບັນດາສະຫາຍສະມາ ຊິກພັກທັງຮຸ້ນເກົ່າ ແລະ ຮຸ້ນໃໝ່ ທີ່ໄດ້ຍົກເອົາປະໂຫຍກນີ້ຂຶ້ນມາ ເວົ້າ, ອັນສາເຫດຂອງມັນກໍ ຍ້ອນວ່າໃນຍຸກພັດທະນາຄືປັດ ຈຸບັນນີ້, ມີສະຫາຍສະມາ ຊິກພັກເຮົາຈຳນວນບໍ່ໜ້ອຍມີ ຄວາມແຕກຕ່າງກັບຍຸກກ່ອນ ນັ້ນຫລາຍເຕີບ.

 

+ ຄະນະພັກເຂັ້ມແຂງຍ້ອນສະມາຊິກພັກມີຄຸນນະພາບ

+ ສະມາຊິກພັກຕ້ອງເປັນກົກ

ຄວາມແຕກຕ່າງກັນລະ ຫວ່າງສະມາຊິກພັກຮຸ້ນເກົ່າກັບຮຸ້ນໃໝ່ມັນມີຢູ່ວ່າ: ສະມາຊິກ ພັກຮຸ້ນເກົ່າມີຄວາມສັດຊື່ບໍລິ ສຸດຕໍ່ພັກ, ຕໍ່ປະເທດຊາດ ແລະ ຕໍ່ປະຊາຊົນອີ່ຫລີ, ສິ່ງທີ່ສະແດງ ອອກ ຢ່າງໃສແຈ້ງຂອງພວກ ເພິ່ນກໍຄືບໍ່ເປັນຄົນໂລບມາກ ໂລພາ, ການດຳລົງຊີວິດປອດ ໃສ ຂາວສະອາດ, ກິນຕາມໄດ້ ໃຊ້ຕາມມີ, ບໍ່ສໍ້ລາດບັງຫລວງ, ບໍ່ເອົາຖານະຕຳແໜ່ງຂອງພັກ ຫລື ຕຳແໜ່ງໜ້າທີ່ຂອງຕົນໄປ ແອບອ້າງເພື່ອຫາ ປະໂຫຍດໃຫ້ ຕົນເອງ, ຍາດຕີພີ່ນ້ອງ, ເຊື້ອ ສາຍວົງວານ ຫລື ວ່າພວກພີ່ ນ້ອງຂອງຕົນ, ການເຝິກຝົນ ຫລໍ່ຫລອມຕົນເອງເຂົ້າ ເປັນ ສະມາຊິກພັກກໍຕ້ອງໄດ້ຜ່ານ ຂະບວນວິວັດທີ່ລະ ອິດລະອ້ຽວ ແຫລກແຫລວ ຈຶ່ງໄດ້ຮັບເຂົ້າ ພັກໄດ້.

- Wave100S AD to Website 2020 0 - ສະມາຊິກພັກບາງສະຫາຍບວດບໍ່ໄດ້ແຖຫົວ

ເມື່ອເປັນສະມາຊິກພັກ ໄປແລ້ວກໍຕ້ອງໄດ້ປະຕິບັດກົດ ລະບຽບຂອງພັກຢ່າງ ເຄັ່ງຄັດ ເໝືອນບວດເປັນພະສົງ, ເປັນ ເຈົ້າອະທິການວັດປະຕິບັດ ສິນ 227.
ສ່ວນວ່າ ສະມາຊິກພັກໃນ ຍຸກນີ້, ເອີ້ນກັນວ່າ ໃນຍຸກພັດ ທະນາກໍມີອັນແຕກຕ່າງກັບ ຍຸກກ່ອນຫລາຍ ສົມຄວນເປັນ ຕົ້ນວ່າ: ມາເບິ່ງດ້ານແນວຄິດ ການເມືອງຈຳນວນໜຶ່ງມີແຕ່ ເວົ້າລ້າໆ, ແຕ່ຫລັກໝັ້ນບໍ່ມີ, ໃນຈິດໃຈຄອນແຄນ, ອ່ຽງພຸ້ນ, ອ່ຽງພີ້, ຊ່ວງເສັງກັນຢາກໄດ້ ຢາກມີ, ເຮືອນກໍຢາກໄດ້ ຫລາຍ ຫລັງ, ລົດກໍຢາກມີຫລາຍຄັນ, ດິນກໍຢາກມີຫລາຍຕອນ, ນອນ ກໍຢາກໃຫ້ມີຫລາຍໝ້ອງ ແລະ ອື່ນໆ ສາລະພັດຢ່າງ ການຮັບ ເອົາຜູ້ທີ່ກ້າວໜ້າເຂົ້າພັກມີຈຳ ນວນບໍ່ໜ້ອຍເປັນຄົນທີ່ມີຜົນ ປະໂຫຍດຕໍ່ກັນ, ຄົນເຈົ້າຄົນ ຂ້ອຍ, ເຮັດຫຍັງລົງໄປອາໄສ ແຕ່ຂອງຕ້ອນຂອງຝາກ, ລູບ ແຄ່ງເລຍຂາ, ໃກ້ສິດຕິດແທດ, ອັນສຳຄັນກ່ອນອື່ນໝົດຕ້ອງ ມີເງິນຫລາຍໆ ປ່ອນຍື່ນໃຫ້ ຜູ້ເປັນຫົວໜ້າ ຫລື ວ່າ ຜູ້ເປັນ ນາຍຈຶ່ງຈະໄດ້ຕາມຄວາມມຸ້ງໝາຍຂອງເຮົາ, ສະນັ້ນ, ມັນ ກໍເລີຍຕົກຢູ່ໃນສະພາວະທີ່ວ່າ ເຮັດຫຍັງກໍມີແຕ່ຈ້າງກັບຈ້າງ ທິດກ່ຳ ຂໍຍົກຕົວຢ່າງ ໃນວົງ ການສຶກສາເສັງຕົກກໍຈ້າງຂຶ້ນ, ຢາກຂຶ້ນຫ້ອງກໍ່ຈ້າງ, ຢາກໄດ້ ຄະແນນດີກໍຈ້າງ, ຕ້ອງການ ເຂົ້າຮຽນແພດກໍຈ້າງ, ຮຽນຄູກໍ ຈ້າງ, ຢາກໄດ້ປະລິຍາກໍຈ້າງ, ສາລະພັດຈ້າງ ສະເພາະຂົງເຂດ ວຽກງານໃນຂະແໜງການໃດອ່າວດີ, ມີບົດບາດສຳຄັນ, ມີ ລາຍໄດ້ກໍມີແຕ່ຈ້າງກັບຈ້າງ ເຊັ່ນວ່າ: ຢາກເປັນ ທະຫານ ກໍຈ້າງ, ຢາກເປັນຕຳຫລວດກໍ ຈ້າງ, ຢາກເປັນແພດ ເປັນໝໍກໍ ຈ້າງ, ຢາກເປັນຄູກໍຈ້າງ, ຢາກ ເປັນພະນັກງານພາສີກັບອາ ກອນແມ່ນບໍ່ໃຫ້ເວົ້າ! ຈາກຕົ້ນ ເຫດທີ່ກ່າວມານີ້ ມັນກໍເລີຍຕົກ ຢູ່ໃນສັງຄົມມີແຕ່ຈ້າງ. ເມື່ອ ໄດ້ ເຂົ້າເປັນພະນັກງານມັນກໍບໍ່ມີ ຄຸນນະພາບເວລາເປັນສະມາຊິກ ພັກມັນກໍເລີຍພານາຍກິນບ້ານ ກິນເມືອງປານປີ່ກັບຄຸ່ຍນີ້ລະເຂົາ ເອີ້ນວ່າເປັນສະມາຊິກພັກຍຸກ ໃໝ່ບວດບໍ່ໄດ້ແຖຫົວ.

ຈາກສະພາບທີ່ມັນກໍ່ຕົວ ຂຶ້ນໃນສັງຄົມອັນທີ່ເອີ້ນວ່າ: “ພັດທະນາ” ມັນກໍເລີຍກາຍ ເປັນປະກົດການຫຍໍ້ທໍ້ໃນສັງຄົມທີ່ພວມແກ້ໄຂຍາກ ແລະ ທັງ ເປັນພະຍາດຊຳເຮື້ອເກືອບວ່າ ເຂົ້າກະດູກດຳ ຖ້າພວກເຮົາຈະ ຕັ້ງໂຈດກັນວ່າສາເຫດຍ້ອນ ຫຍັງ ແລະ ໃຜເປັນຜູ້ພາເຮັດ? ຖ້າຈະໃຫ້ ທິດກ່ຳ ຕອບຕາງ ແບບກວມລວມຕາມກົດເກນ ພາວະວິໄສ ກໍແມ່ນເກີດມາ ຈາກຍຸກໂລກາພິວັດ, ຈາກ ສະພາບແວດລ້ອມທາງດ້ານ ເສດຖະກິດ-ສັງຄົມຂອງປະເທດ ຫລື ຖ້າຈະຕອບໃນ ກົດເກດ ອັດຕະວິໄສ ກໍແມ່ນມາຈາກ ການປ່ຽນແປງທາງດ້ານວັດຖຸ ແລະ ຈິດໃຈຂອງຄົນ ເຮົາເປັນ ຕົ້ນເຫດ, ສ່ວນວ່າແມ່ນໃຜເປັນ ຜູ້ພາເຮັດພາໄປນັ້ນ, ທິດກ່ຳ ຂໍບອກແຈ້ງວ່າ ແມ່ນກະໂຕ ບັນ ດາສະຫາຍສະມາຊິກພັກ, ຄະນະພັກຢູ່ບ່ອນນັ້ນ, ກົມກອງ ນັ້ນ, ຮາກຖານນັ້ນເປັນຜູ້ພາ ເຮັດພາໄປ ຍ້ອນຍັງບໍ່ເດັດ ບໍ່ຂາດ, ຊ້ຳບໍ່ໜຳກະໂຕສະມາ ຊິກພັກ, ຄະນະພັກມີການຍາດ ແຍ່ງຊ່ວງຊີງກັນໃນທຸກຮູບ ແບບເພື່ອຫາຜົນປະໂຫຍດມາ ໃຫ້ຕົນເອງ ແລະ ພວກພ້ອງ, ຈາກສະພາບທີ່ວ່ານີ້ ຈຶ່ງກໍໃຫ້ມີ ການສໍ້ລາດບັງຫລວງ, ມີຂະ ບວນການຄ້າ ຂາຍຢາ ເສບຕິດ, ການຄ້າຂາຍເຖື່ອນ ແລະ ບັນ ຫາປະກົດການຫຍໍ້ທໍ້ອື່ນໆ ຕາມມາ.

ເຖິງຢ່າງໃດກໍດີ, ຕາມທິດ ກ່ຳ ວ່າພາຍ ໃຕ້ການຊີ້ນຳ- ນຳ ພາ ຂອງພັກ ແລະ ລັດຖະບານ ໃນຊຸດປັດຈຸບັນ ແລະ ຕໍ່ໄປໃນ ອະນາຄົດປະເທດຊາດຂອງ ພວກເຮົາຈະຄ່ອຍໆ ເກີດມີສິ່ງ ໃໝ່ ຕາມມາທົດແທນ ຖ້າຫາກ ຕັດສິນໃຈພ້ອມກັນເຮັດ ແຕ່ອັນ ສຳຄັນສະພາບດຽວນີ້ ມີທັງ ຜູ້ສະໜັບສະໜູນ, ມີທັງຜູ້ມ້າງ ແລະ ມີທັງຜູ້ຈົ່ມວ່າທ້າທາຍ; ພວກທີ່ມັກຈົ່ມ ໃຫ້ໝູ່ ດຸໆ, ດັນໆ ເຮັ່ງກວ່າໝູ່ກໍແມ່ນພວກບວດ ບໍ່ໄດ້ແຖຫົວ, ຍ້ອນຜົນປະໂຫຍດ ເຂົາບໍ່ໄດ້ຄືເກົ່າຄືຫລັງ, ສາຍເສັ້ນ, ສາຍເອັນກໍຖືກຕັດຂາດ ຂໍໃຫ້ພັກ ປະຊາຊົນປະຕິວັດລາວ ຈົ່ງເດີນ ໜ້າຜ່ານຜ່າຕໍ່ ພະຢັນຕະລາຍທັງ ປວງດ້ວຍເຖີດ!./.

- WhatsApp Image 2020 05 27 at 5 - ສະມາຊິກພັກບາງສະຫາຍບວດບໍ່ໄດ້ແຖຫົວ
- WhatsApp Image 2020 05 27 at 5 - ສະມາຊິກພັກບາງສະຫາຍບວດບໍ່ໄດ້ແຖຫົວ
error: Alert: ເນື້ອຫາຂ່າວມີລິຂະສິດ !!