ອັດຕະປື ສືບຕໍ່ກໍ່ສ້າງເສົາຫລັກເມືອງໃຫ້ສຳເລັດທ້າຍປີນີ້

- Attapue - ອັດຕະປື ສືບຕໍ່ກໍ່ສ້າງເສົາຫລັກເມືອງໃຫ້ສຳເລັດທ້າຍປີນີ້
- Untitled design - ອັດຕະປື ສືບຕໍ່ກໍ່ສ້າງເສົາຫລັກເມືອງໃຫ້ສຳເລັດທ້າຍປີນີ້

ທ້າຍອາທິດຜ່ານມາ, ໄດ້ມີພິທີລົງນາມ​ໃນບົດບັນທຶກ​ໃຫ້ສືບຕໍ່ກໍ່ສ້າງເສົາຫລັກເມືອງທີ່​ແຂວງ​ອັດ​ຕະປື, ພາຍຫລັງ​ໄດ້ຈັດຕັ້ງປະຕິບັດມາແຕ່ປີ 2014 ແລະ ມາໄລຍະໜຶ່ງໄດ້ຢຸດຕິໂຄງການກໍ່ສ້າງ ເນຶ່ອງຈາກ​ເປັນໂຄງການບໍ່ທັນ​ໄດ້ລະບຸເຂົ້າໃນແຜນ ແລະ ສະພາບໍ່ທັນຮັບຮອງເອົາ, ຈົນມາຮອດປີ 2018 ນີ້ ໂຄງການດັ່ງກ່າວ​ຈຶ່ງໄດ້ຮັບຮອງເຂົ້າໃນແຜນການ ແລະ ສະພາຮັບຮອງເປັນທີ່ຮຽບຮ້ອຍ.

ຮອງຫົວໜ້າພະແນກຖະແຫລງຂ່າວ, ວັດທະນະທຳ ແລະ ທ່ອງທ່ຽວແຂວງອັດຕະປື ໄດ້ໃຫ້ຮູ້ວ່າ: ໂຄງການດັ່ງກ່າວຕັ້ງຢູ່ເທສະບານເມືອງສາມັກຄີໄຊ ມີເນື້ອທີ່ 9.593 ຕາແມັດ, ຈະ​ສ້າງ​ເປັນ​ອາຄານ​ຊົງ​ລາວ ກວ້າງ 33×33 ແມັດ, ສູງ 26,9 ແມັດ ໂດຍແມ່ນບໍລິສັດສະຫະກໍ່ສ້າງຄົບວົງຈອນ ຈຳກັດຜູ້ດຽວ ເປັນຜູ້ຮັບເໝົາກໍ່ສ້າງ, ໂດຍສັງລວມປະຕິບັດວຽກງານການກໍ່ສ້າງໃນໄລຍະຜ່ານມາທັງໝົດ​ໄດ້ 31% ລວມ​ເປັນມູນຄ່າ 3,6 ຕື້ກວ່າກີບ, ຄາດວ່າຈະໃຫ້ສຳເລັດໃນທ້າຍປີ 2018 ນີ້. ​ໂຄງການດັ່ງກ່າວສ້າງຂຶ້ນເພື່ອເປັນມິ່ງຂວັນຂອງເມືອງທີ່ຕິດພັນກັບວັດທະນະທຳ, ຮີດຄອງປະເພນີຂອງຊາວລາວ ໂດຍສະເພາະແມ່ນຊາວແຂວງອັດຕະປືມາແຕ່ດັ່ງເດີມ. ພ້ອມນີ້ ຍັງເປັນການສົ່ງເສີມການທ່ອງ​ທ່ຽວ​ອີກ​ດ້ວຍ.

ຮ່ວມລົງນາມຄັ້ງນີ້ ມີທ່ານ ນາງ ບຸນນານ ບຸນນະແສງ ກຳມະການພັກແຂວງ ຫົວໜ້າພະແນກ ຖວທ ແຂວງອັດຕະປື ກັບ ທ່ານ ພູຂົງ ສີສະຫວັດ ຕາງໜ້າບໍລິສັດ ສະຫະກໍ່ສ້າງຄົບວົງຈອນ ຈຳກັດຜູ້ດຽວ ໂດຍມີພາກສ່ວນກ່ຽວຂ້ອງສອງຝ່າຍເຂົ້າຮ່ວມເປັນສັກຂີພິຍານ.

- Wave100S AD to Website 2020 0 - ອັດຕະປື ສືບຕໍ່ກໍ່ສ້າງເສົາຫລັກເມືອງໃຫ້ສຳເລັດທ້າຍປີນີ້

 

- WhatsApp Image 2020 05 27 at 5 - ອັດຕະປື ສືບຕໍ່ກໍ່ສ້າງເສົາຫລັກເມືອງໃຫ້ສຳເລັດທ້າຍປີນີ້
- WhatsApp Image 2020 05 27 at 5 - ອັດຕະປື ສືບຕໍ່ກໍ່ສ້າງເສົາຫລັກເມືອງໃຫ້ສຳເລັດທ້າຍປີນີ້
error: Alert: ເນື້ອຫາຂ່າວມີລິຂະສິດ !!