ກອງປະຊຸມສໍາມະນາລະດັບຊາດ ກ່ຽວກັບການສົ່ງເສີມການປູກໄມ້ ແລະ ຟື້ນຟູປ່າ 

- DSC 3820 - ກອງປະຊຸມສໍາມະນາລະດັບຊາດ ກ່ຽວກັບການສົ່ງເສີມການປູກໄມ້ ແລະ ຟື້ນຟູປ່າ 
- Untitled design - ກອງປະຊຸມສໍາມະນາລະດັບຊາດ ກ່ຽວກັບການສົ່ງເສີມການປູກໄມ້ ແລະ ຟື້ນຟູປ່າ 

ໃນວັນທີ 5 ມີນານີ້, ກະຊວງກະສິກໍາ ແລະ ປ່າໄມ້, ໄດ້ຈັດກອງປະຊຸມສໍາມະນາລະດັບຊາດ ກ່ຽວກັບການສົ່ງເສີມການປູກໄມ້ ແລະ ຟື້ນຟູປ່າ ເພື່ອປະກອບສ່ວນຄວາມປຸກຫຸ້ມຂອງປ່າໄມ້ໃຫ້ໄດ້ 70% ໃນປີ 2020, ຂຶ້ນທີ່ຫໍປະຊຸມແຫ່ງຊາດ ນະຄອນຫຼວງວຽງຈັນ, ໂດຍການເປັນປະທານຂອງທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ແຫ່ງ ສປປ ລາວ, ມີລັດຖະມົນຕີ ກະຊວງກະສິກໍາ ແລະ ປ່າໄມ້, ຮອງເຈົ້າແຂວງ ແລະ ນະຄອນຫຼວງວຽງຈັນ ເຂົ້າຮ່ວມນໍາດ້ວຍ. ເພື່ອປຶກສາຫາລື ກໍານົດມາດຕະການ ແລະ ນະໂຍບາຍ, ເພື່ອກະຕຸກຊຸກຍູ້ການປູກໄມ້ ແລະ ຟື້ນຟູປ່າ ໃຫ້ມີຄວາມສອດຄ່ອງ ແລະ ແທດເໝາະກັບສະພາບຈຸດພິເສດຂອງປະເທດ, ພ້ອມນັ້ນກໍແນໃສ່ແກ້ໄຂບັນຫາປະກົດການຫຍໍ້ທໍ້ ແລະ ຂໍ້ຄົງຄ້າງຕ່າງໆ ໃນວຽກງານປູກໄມ້ ແລະ ຟື້ນຟູປ່າໃນທົ່ວປະເທດ.

ໃນກອງປະຊຸມດັ່ງກ່າວ, ຍັງແນໃສ່ກໍາໄດ້ກ່ຽວກັບນະໂຍບາຍ, ຍຸດທະສາດ ແລະ ທັດສະນະພັັກເຮົາ ກ່ຽວກັບວຽກງານຄຸ້ມຄອງປ່າໄມ້ ໂດຍສະເພາະການສົ່ງເສີມການປູກໄມ້ ແລະ ຟື້ນຟູປ່າ, ນອກນີ້, ຍັງໄດ້ຮັບຮູ້ບາງບົດຮຽນ ແລະ ປະສົບການຂອງຕ່າງປະເທດ ກ່ຽວກັບການສົ່ງເສີມການປູກໄມ້, ຕິດພັນກັບການປຸງແຕ່ງໄມ້ ແລະ ຜົນການຈັດຕັ້ງປະຕິບັດວຽກງານປູກໄມ້ ແລະ ຟື້ນຟູປ່າຕົວຈິງ ຂອງຜູ້ປະກອບການ, ລວມທັງຮູບແບບ ແລະ ວິທີການກ່ຽວກັບ ທິດທາງແຜນການປູກໄມ້ ແລະ ການຕະຫຼາດຊະນິດພັນໄມ້ພື້ນເມືອງ, ໄມ້ໃຫຍ່ໄວ, ການປຸງແຕ່ງ ແລະ ການຕະຫຼາດປູກໄມ້ ແລະ ໃນກອງປະຊຸມຍັງໄດ້ມີຄວາມເປັນເອກະພາບຮ່ວມກັນ

ໃນໂອກາດດັ່ງກ່າວ, ທ່ານຮອງນາຍົກລັດຖະມົນຕີ ໄດ້ເນັ້ກໜັກບາງປະເດັນ ໃຫ້ຄະນະພັກທຸກຂັ້ນ ຕ້ອງນໍາພາຢ່າງເດັດຂາດໂດຍກົງ ແລະ ຮອບດ້ານຕໍ່ວຽກງານການຄຸ້ມຄອງ, ປົກປັກຮັກສາພັດທະນາ ແລະ ນໍາໃຊ້ຊັບພະຍາກອນປ່າໄມ້, ຮັບປະກັນການຄຸ້ມຄອງວຽກງານປ່າໄມ້ ໂດຍສະເພາະການປູກໄມ້ ແລະ ຟື້ນຟູປ່າ ຕ້ອງສອດຄ່ອງກັບແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ແຜນພັດທະນາເສດຖະກິດ-ສັງຄົມແຫ່ງຊາດ, ທ້ອງຖິ່ນ ແລະ ເງື່ອນໄຂທ່າແຮງບົ່ມຊ້ອນຂອງແຕ່ລະທ້ອງຖິ່ນ, ສົມທົບແໜ້ນການຄຸ້ມຄອງ, ປົກປັກຮັກສາ, ການພັດທະນາ ແລະ ນໍາໃຊ້ຊັບພະຍາກອນປ່າໄມ້ກັບວຽກງານສາມສ້າງ, ຕິດພັນກັບການພັດທະນາຊົນນະບົດ, ການກໍ່ສ້າງຮາກຖານການເມືອງການແກ້ໄຂຄວາມທຸກຍາກຂອງປະຊາຊົນບັນດາເຜົ່າ ແລະ ຕິດພັນກັບການສ້າງທ່າສະໜາມປ້ອງກັນຊາດ-ປ້ອງກັນຄວາມສຫງົບ, ເອົາການຄຸ້ມຄອງ, ການປົກປັກຮັກສາ ແລະ ພັດທະນາປ່າໄມ້, ໂດຍສະເພາະວຽກງານການປູກໄມ້ ແລະ ຟື້ນຟູປ່າ ເປັນໜ້າທີ່ຂອງປວງຊົນ, ສົ່ງເສີມໃຫ້ປະຊາຊົນບັນດາເຜົ່າ, ຫົວໜ່ວຍທຸລະກິດ ແລະ ຜູ້ປະກອບການເຂົ້າຮ່ວມຢ່າງແຂງແຮງ ໃນນັ້ນ, ພະນັກງານ ແລະ ເຈົ້າໜ້າທີ່ປ່າໄມ້ນັບແຕ່ຂັ້ນສູນກາງລົງຮອດທ້ອງຖິ່ນ ຕ້ອງເປັນກໍາລັງແຮງຫຼັກແຫຼ່ງແກ່ນສານໃນການເປັນເສນາທິການທີ່ໄວ້ວາງໃຈໄດ້ຂອງພັກ, ລັດຖະບານ ແລະ ປະຊາຊົນບັນດາເຜົ່າ, ໃຫ້ກະຊວງກະສິກໍາ ແລະ ປ່າໄມ້ເປັນໃຈກາງໃນການຈັດຕັ້ງຜັນຂະຫຍາຍ ໂດຍການປະສານສົມທົບກັບບັນດາກະຊວງ ແລະ ອົງການຈັດຕັ້ງທີ່ກ່ຽວຂ້ອງ ທັງຂັ້ນສູນກາງ ແລະ ທ້ອງຖິ່ນ ກໍານົດນະໂຍບາຍຈໍານວນໜຶ່ງ ເພື່ອຍູ້ແຮງການປູກໄມ້ ແລະ ຟື້ນຟູປ່າ, ຄົ້ນຄວ້າ ແລະ ຜັນຂະຫຍາຍບົດຮຽນໃນການປູກໄມ້ຂອງບັນດາຫົວໜ່ວຍທຸລະກິດ ແລະ ຜູ້ປະກອບການທີ່ມີຜົນສໍາເລັດໃນໄລຍະຜ່ານມາ ລວມທັງບົດຮຽນຂອງຕ່າງປະເທດ ເພື່ອເສີມຂະຫຍາຍການປູກໄມ້ໃຫ້ສອດຄ່ອງກັບສະພາບຈຸດພິເສດ ແລະ ເງື່ອນໄຂຂອງແຕ່ລະທ້ອງຖິ່ນ, ຕິດພັນກັບການພັດທະນາ ປັບປຸງຊີວິດການເປັນຢູ່ຂອງປະຊາຊົນ ແລະ ຍູ້ໃຫ້ປະຊາຊົນມີສ່ວນຮ່ວມ ເພື່ອເຮັດໃຫ້ວຽກງານດັ່ງກ່າວສາມາດຕອບສະໜອງໄດ້ແນວທາງນະໂຍ ບາຍຂອງພັກ, ທີ່ສໍາຄັນຕ້ອງໃຫ້ມີຄວາມດຸນດ່ຽງກັນລະຫວ່າງການດໍາເນີນວຽກງານປູກປ່າ ແລະ ຟື້ນຟູໄມ້ ແລະ ການພັດທະນາຊີວິດການເປັນຢູ່ຂອງປະຊາຊົນ ແນໃສ່ແກ້ໄຂຄວາມທຸກຍາກຂອງປະຊາຊົນ ຊຶ່ງເປັນສາເຫດທີ່ສ້າງຜົນກະທົບໃນທາງລົບຕໍ່ກັບວຽກງານປູກໄມ້, ກວດກາຄືນການປູກໄມ້ໃນໄລຍະຜ່ານມາຂອງແຕ່ລະພາກສ່ວນຢ່າງລະອຽດ ແລະ ພາຍຫຼັງປູກໄມ້ແລ້ວ ກໍຕ້ອງມີການຂຶ້ນທະບຽນ ແລະ ຢັ້ງຢືນຢ່າງຖືກຕ້ອງຕາມລະບຽບການສາມາດມອບ-ໂອນ, ສືບທອດ ແລະ ເປັນຫຼັກຊັບຄໍ້າປະກັນໄດ້ ເພື່ອດຶງດູດການລົງທຶນເຂົ້າໃນວຽກງານປູກໄມ້ ແລະ ສົ່ງເສີມການລົງທຶນປູກໄມ້ ແລະ ຟື້ນຟູປ່າຂອງຜູ້ປະກອບການທັງພາຍໃນ ແລະ ຕ່ງປະເທດ ຕິດພັນກັບການນໍາໃຊ້ຜົນສໍາເລັດດ້ານການຄົ້ນຄວ້າ, ເຕັກນິກວິທະຍາສາດ ແລະ ເຕັກໂນໂລຊີເຂົ້າໃນການປູກໄມ້ ແລະ ຟື້ນຟູປ່າ ໃຫ້ໄປຕາມທິດຫັນເປັນອຸດສາຫະກໍາ ແລະ ທັນສະໄໝ.

- Wave100S AD to Website 2020 0 - ກອງປະຊຸມສໍາມະນາລະດັບຊາດ ກ່ຽວກັບການສົ່ງເສີມການປູກໄມ້ ແລະ ຟື້ນຟູປ່າ 
- WhatsApp Image 2020 05 27 at 5 - ກອງປະຊຸມສໍາມະນາລະດັບຊາດ ກ່ຽວກັບການສົ່ງເສີມການປູກໄມ້ ແລະ ຟື້ນຟູປ່າ 
- WhatsApp Image 2020 05 27 at 5 - ກອງປະຊຸມສໍາມະນາລະດັບຊາດ ກ່ຽວກັບການສົ່ງເສີມການປູກໄມ້ ແລະ ຟື້ນຟູປ່າ 
error: Alert: ເນື້ອຫາຂ່າວມີລິຂະສິດ !!