ທະນາຄານຫວຽດຕິນເປີດໜ່ວຍບໍລິການນະຄອນຫລວງວຽງຈັນ

- Untitled design - ທະນາຄານຫວຽດຕິນເປີດໜ່ວຍບໍລິການນະຄອນຫລວງວຽງຈັນ

ພິທີເປີດໜ່ວຍບໍລິການນະຄອນຫລວງວຽງຈັນຂອງທະນາຄານຫວຽດຕິນລາວ(VietinBank) ຢູ່ບ້ານຊ້າງຄູ້ເມືອງໄຊທານີ, ໄດ້ຈັດຂຶ້ນໃນວັນທີ 19 ເມສານີ້, ໂດຍມີຜູ້ຕາງໜ້າຈາກທະນາຄານແຫ່ງ ສປປ ລາວ, ສະຖານທູດຫຽດນາມປະຈໍາລາວ, ຄະນະບໍລິຫານທະນາຄານ, ນັກທຸລະກິດ ແລະ ລູກຄ້າເຂົ້າຮ່ວມເປັນຈໍານວນຫລາຍ.

ທ່ານອໍານວຍການທະນາຄານ ກ່າວວ່າ: ການເປີດໜ່ວຍບໍລິການແຫ່ງນີ້ມີຂຶ້ນໃນທ່າມກາງບັນຍາກາດເບີກບານມ່ວນຊື່ນແຫ່ງຜົນສໍາເລັດຂອງການສະເຫລີມສະຫລອງວັນສ້າງຕັ້ງທະນາຄານຫວຽດຕີນລາວຄົບຮອບ 5 ປີເມື່ອທ້າຍເດືອນມີນາ 2017 ຜ່ານມາ ແລະ ເປັນການຕອບສະໜອງການບໍລິການດ້ານການເງິນແກ່ລູກຄ້າໃນນະຄອນຫລວງວຽງຈັນໃຫ້ກວ້າງຂວາງກວ່າເກົ່າ.

- Wave100S AD to Website 2020 0 - ທະນາຄານຫວຽດຕິນເປີດໜ່ວຍບໍລິການນະຄອນຫລວງວຽງຈັນ

ທະນາຄານຫວຽດຕີນລາວສ້າງຕັ້ງຂື້ນໃນຕົ້ນປີ 2012 ປັດຈຸບັນມີທຶນຈົດທະບຽນ 50 ລ້ານໂດລາສະຫະລັດ, ນອກຈາກນີ້ຍັງມີສາຂາບໍລິການຢູ່ເມືອງປາກເຊແຂວງຈໍາປາສັກ ແລະ ມີແຜນຂະຫຍາຍໜ່ວຍບໍລິການໄປສູ່ບັນດາແຂວງຕ່າງໆຂອງລາວຕື່ມອີກ ແລະ ກໍາລັງກໍ່ສ້າງອາຄານຫລັງໃໝ່ທີ່ມີຂະໜາດໃຫຍ່ ແລະ ທັນສະໄໝສວຍງາມຢູ່ໃຈກາງນະຄອນຫລວງວຽງຈັນ, ຊຶ່ງຄາດວ່າຈະກໍ່ສ້າງສໍາເລັດ ແລະ ເປີດນໍາໃຊ້ຢ່າງເປັນທາງການໃນທ້າຍປີນີ້. ປັດຈຸບັນທະນາຄານມີຍອດຊັບສີນເປັນອັນດັບສອງໃນບັນດາທະນາຄານຫວຽດນາມຢູ່ລາວ, ອັນໄດ້ປະກອບສ່ວນຮັດແໜ້ນສາຍພົວພັນພິເສດລະຫວ່າງສອງປະເທດລາວ-ຫວຽດນາມ ແລະ ຂະຫຍາຍບົດບາດເປັນຂົວຕໍ່ດ້ານການລົງທຶນລະຫວ່າງສອງປະເທດດີຂຶ້ນ, ສາມາດປະກອບສ່ວນສໍາຄັນເຂົ້າໃນການພັດທະນາເສດຖະກິດ, ການຄ້າ ແລະ ການລົງທຶນຂອງ ສປປ ລາວ ໃຫ້ເຕີບໃຫຍ່ເຂັ້ມແຂງຍິ່ງຂຶ້ນ.

- WhatsApp Image 2020 05 27 at 5 - ທະນາຄານຫວຽດຕິນເປີດໜ່ວຍບໍລິການນະຄອນຫລວງວຽງຈັນ
- WhatsApp Image 2020 05 27 at 5 - ທະນາຄານຫວຽດຕິນເປີດໜ່ວຍບໍລິການນະຄອນຫລວງວຽງຈັນ
error: Alert: ເນື້ອຫາຂ່າວມີລິຂະສິດ !!