​​ເກີດ​ເຫດ​ເສົ້າ​ສະຫລົດ​ໃຈ​ພໍ່​ເມົາ​ຢາ​ບ້າໃຊ້​ພ້າ​ຟັນ​ຄໍ​ລູກ​ສາວ​ 3 ຄົນເສຍ​ຊີວິດ​ຄາ​ເຮືອນ​

- WhatsApp Image 2018 03 05 at 09 - ​​ເກີດ​ເຫດ​ເສົ້າ​ສະຫລົດ​ໃຈ​ພໍ່​ເມົາ​ຢາ​ບ້າໃຊ້​ພ້າ​ຟັນ​ຄໍ​ລູກ​ສາວ​ 3 ຄົນເສຍ​ຊີວິດ​ຄາ​ເຮືອນ​
- Untitled design - ​​ເກີດ​ເຫດ​ເສົ້າ​ສະຫລົດ​ໃຈ​ພໍ່​ເມົາ​ຢາ​ບ້າໃຊ້​ພ້າ​ຟັນ​ຄໍ​ລູກ​ສາວ​ 3 ຄົນເສຍ​ຊີວິດ​ຄາ​ເຮືອນ​

ເຈົ້າໜ້າທີ່ ປກສ ​​ເມືອງຄຳ​ເກີດ​ແຂວງບໍລິ​ຄຳ​ໄຊ ​ໃຫ້​ຮູ້​ວ່າ: ​​ເມື່ອ​ບໍ່ດົນ​ມານີ້, ຢູ່​ບ້ານນາ​ໄຮ່, ​ເມືອງ ​ແລະ ​ແຂວງດັ່ງ​ກ່າວ ​ໄດ້​ເກີດ​ເຫດ​​ເສົ້າ​ສະຫລົດ​ໃຈພໍ່​ເມົາ​ຢາບ້າ​ແລ້ວ​ໃຊ້​ພ້າ​ຟັນ​ຄໍ​ລູກ​ສາວ​ຕົນ​ເອງ 3 ຄົນ​ເສຍ​ຊີວິດ​ຄາ​ທີ່​ ​ແລະ ລົງມື​ປາດ​ຄໍ​​ຫວັງ​ດັບ​ຊີວິດ​ຂອງຕົນ​ເອງ, ​ໂຊກ​ດີ​ທີ່​ມີ​ຊາວບ້ານ​ມາ​ພົບ​ເຫັນ​ແລ້ວ​ໄດ້​ນຳ​ສົ່ງ​ໂຮງໝໍ.

​ເຈົ້າໜ້າທີ່​ ໃຫ້​ຮູ້​ວ່າ: ຜູ້​ເປັນ​ພໍ່ຊື່​ທ້າວ ​ໄມ ອາຍຸ 37 ປີອາຊີບ​ກຳມະກອນ, ຊຶ່ງ​ຈາກ​ການ​ອ້າງ​ອີງ​ຂອງອຳນາດ​ການ​ປົກຄອງ​ບ້ານ ​ໃຫ້​ຮູ້​ວ່າ: ​ກ່ອນ​ເກີດ​ເຫດ​ຜູ້​ເປັນ​ເມຍ​ຊື່​ນາງ ຄຳ ​ໄດ້​ໄປ​ຊັກ​ເຄື່ອງ​ຢູ່​ແຄມ​ທ່ານ້ຳ ຫ່າງ​ຈາກ​ບ້ານ​ປະມານ 50 ​ແມັດ, ​ໂດຍ​ມີ​ລູກ​ສາວ 3 ຄົນ, ຜູ້​ກົກ​ອາ​ຍຸ 6 ປີ ຫລິ້ນກັບ​ນ້ອງ​ສາວ​ຢູ່​​ເຮືອນ, ຈາກ​ນັ້ນຜູ້​ເປັນ​ພໍ່​ໄດ້​ກັບ​ມາ​ແຕ່​ເຮັດ​ວຽກ, ຍ້ອນ​ຢາກກິນ​ເຂົ້າບວກ​ກັບ​ຜູ້ກ່ຽວ​ໄດ້​ເສບ​ຢາ​ມາ​ກ່ອນ, ຈຶ່ງ​ເກີດ​ໂມ​ໂຫ​ໃຊ້​ພ້າ​ຟັນ​ຄໍ​ລູກ​ສາວ​ຂອງ​ຕົນ​ເອງຈົນ​ເສຍ​ຊີວິດ.

- Wave100S AD to Website 2020 0 - ​​ເກີດ​ເຫດ​ເສົ້າ​ສະຫລົດ​ໃຈ​ພໍ່​ເມົາ​ຢາ​ບ້າໃຊ້​ພ້າ​ຟັນ​ຄໍ​ລູກ​ສາວ​ 3 ຄົນເສຍ​ຊີວິດ​ຄາ​ເຮືອນ​

ທ່ານພັນ​ໂທ ກົງ​ຈັນ ຫົວໜ້າກອງ​ບັນຊາ​ການ ປກສ ​ເມືອງຄຳ​ເກີດ​ ​ໃຫ້​ຮູ້​ວ່າ: ບັນຫາຢາ​ເສບ​ຕິດ​​ໄດ້ເປັນສາ​ເຫດຕົ້ນຕໍ​ທີ່​ພາ​ໃຫ້​ເກີດ​ປະກົດ​ການ​ຫຍໍ້​ທໍ້​ທາງ​ສັງຄົມ, ​ໂດຍ​ສະ​ເພາະ​ແມ່ນ​ບັນຫາ​ລັກ​ຊັບພົນລະ​ເມືອງ​ເກີດ​ຂຶ້ນຫລາຍ​ໃນ​ກຸ່ມ​ຊາວ​ໜຸ່ມ ​ແລະ ຜູ້​ຫວ່າງ​ງານ, ​ຊຶ່ງ​ໃນ​ໄລຍະ​ຜ່ານ​ມາ​ເຖິງ​ວ່າ​ອຳນາດ​ການ​ປົກຄອງ​ ​ແລະ ການ​ຂຶ້ນບັນຊີກວດກາ​​ເປົ້າໝາຍຄ້າຂາຍ​ ​ແລະ ​ເສບຢາ​ເສບ​ຕິດ ​​ເພື່ອນຳ​ຕົວ​ມາ​ດຳ​ເນີນ​ຄະດີ​ຕາມ​ລະບຽບກົດໝາຍ ​ແລະ ສຶກສາ​ອົບຮົມ​ໃຫ້​ເຫັນ​ໄດ້​ເຖິງ​ໄພ​ອັນຕະລາຍ​ດັ່ງກ່າວ.

- WhatsApp Image 2020 05 27 at 5 - ​​ເກີດ​ເຫດ​ເສົ້າ​ສະຫລົດ​ໃຈ​ພໍ່​ເມົາ​ຢາ​ບ້າໃຊ້​ພ້າ​ຟັນ​ຄໍ​ລູກ​ສາວ​ 3 ຄົນເສຍ​ຊີວິດ​ຄາ​ເຮືອນ​
- WhatsApp Image 2020 05 27 at 5 - ​​ເກີດ​ເຫດ​ເສົ້າ​ສະຫລົດ​ໃຈ​ພໍ່​ເມົາ​ຢາ​ບ້າໃຊ້​ພ້າ​ຟັນ​ຄໍ​ລູກ​ສາວ​ 3 ຄົນເສຍ​ຊີວິດ​ຄາ​ເຮືອນ​
error: Alert: ເນື້ອຫາຂ່າວມີລິຂະສິດ !!