ຕວກກີ-ຣັດເຊຍ-ອີຣານ ນັດເຈລະຈາ ເລື່ອງຊີຣີເດືອນເມສານີ້

- 1520326681689 960x0 - ຕວກກີ-ຣັດເຊຍ-ອີຣານ ນັດເຈລະຈາ ເລື່ອງຊີຣີເດືອນເມສານີ້
- Untitled design - ຕວກກີ-ຣັດເຊຍ-ອີຣານ ນັດເຈລະຈາ ເລື່ອງຊີຣີເດືອນເມສານີ້

​ໂຄສົກ​ກະຊວງ​ການ​ຕ່າງປະ​ເທດ​ຕວກກີ​ຖະ​ແຫລ​ງ​ໃນ​ວັນ​ທີ 6 ມີນາ​ວ່າ: ຕວກກີ, ຣັດ​ເຊຍ ​ແລະ ອີຣານ ຈະ​ຈັດການ​ເຈລະຈາ​ກັນ​ໃນ​ເດືອນ​ເມສາ​ນີ້ ​ເພື່ອ​ຫາລື​ເລື່ອງ​ຊີຣີ ​ແລະ ຄວາມ​ຄືບ​ໜ້າ​ໃນ​ພາກພື້ນ.

ທ່ານ ຮາ​ມີ ອັກ​ຊອຍ ​ໂຄສົກ​ກະຊວງ​ການ​ຕ່າງປະ​ເທດ​ຕວກກີ ຖະ​ແຫລ​ງຂ່າວ​ວ່າ: ຕວກກີ​ຈະ​ແຈ້ງ​ກັບ​ເຈົ້າໜ້າ​ທີ່​ອາ​ເມ​ລິ​ກາລະ​ຫວ່າງ​ການ​ຫາລື​ວັນ​ທີ 8-9 ມີນາ ​ເຊິ່ງຫວັງ​ວ່າ​ອາ​ເມ​ລິ​ກາ​ຈະ​ດຳ​ເນີນ​ການ​ຢ່າງ​ຈິງ​ຈັງ​ໃນ​ການ​ຍຶດຄືນ​ອາວຸດ​ທີ່​ໃຫ້​ກຸ່ມ​ຕິດ​ອາວຸດ​ພີ​ຈີ​ກຸ່ມ​ຊາວ​ເຄີ​ດ​ໃນ​ຊີຣີ. ​ໂຄສົກ​ກະຊວງ​ການ​ຕ່າງປະ​ເທດ​ກ່າວ​ອີກ​ວ່າ: ທ່ານ ​ເມ​ຟລຸກ ຄາ​ວູ​ໂຊກ​ລູ ລັດຖະມົນຕີ​ຕ່າງປະ​ເທດ​ຕວກກີ ຈະ​ເດີນທາງ​ຢ້ຽມຢາມຣັດ​ເຊຍ​ວັນ​ທີ 12-14 ມີນາ. ຈາກ​ນັ້ນຈະ​ພົບ​ກັບ​ທ່ານ ​ເຣັກ ທິລ​ເລີ​ສັນ ລັດຖະມົນຕີ​ຕ່າງປະ​ເທດ​ອາ​ເມ​ລິ​ກາ ທີ່​ນະຄອນຫລວງ​ວໍ​ຊິງ​ຕັນ ​ໃນ​ວັນ​ທີ 18 ມີນາ​ນີ້. ນອກຈາກ​ນີ້ ທ່ານ ຄາ​ວູ​ໂຊກ​ລູ ຈະ​ຢ້ຽມຢາມ​ເຢຍລະ​ມັນ ​ແລະ ພົບ​ກັບ​ທ່ານ ຊາ​ເລ ມຸສລິ​ມ ອະດີດ​ຜູ້ນຳ​ຊາວ​​ເຄີ​ດ​ໃນ​ຊີຣີ ທີ່​ລີ້​ໄພ​ໃນ​ຕ່າງ​ແດນ ພາຍຫລັງ​ສານ​ເຊັກ​ປ່ອຍ​ຕົວ​ທ່ານ​ໃນ​ອາທິດ​ຜ່ານ​ມາ ​ເຖິງ​ວ່າ​ຕວກກີ​ຈະ​ຮ້ອງ​ຂໍ​ໃຫ້​ສົ່ງ​ຕົວ​ທ່ານ​ມາ​ດຳ​ເນີນ​ຄະດີ​ກໍ​ຕາມ.

- Wave100S AD to Website 2020 0 - ຕວກກີ-ຣັດເຊຍ-ອີຣານ ນັດເຈລະຈາ ເລື່ອງຊີຣີເດືອນເມສານີ້
- WhatsApp Image 2020 05 27 at 5 - ຕວກກີ-ຣັດເຊຍ-ອີຣານ ນັດເຈລະຈາ ເລື່ອງຊີຣີເດືອນເມສານີ້
- WhatsApp Image 2020 05 27 at 5 - ຕວກກີ-ຣັດເຊຍ-ອີຣານ ນັດເຈລະຈາ ເລື່ອງຊີຣີເດືອນເມສານີ້
error: Alert: ເນື້ອຫາຂ່າວມີລິຂະສິດ !!