ລະວັງ ! ຈະມີຝົນຕົກຫລາຍຂຶ້ນ

- Untitled design - ລະວັງ ! ຈະມີຝົນຕົກຫລາຍຂຶ້ນ

- 475226 01 300x216 - ລະວັງ ! ຈະມີຝົນຕົກຫລາຍຂຶ້ນ          ກົມອຸຕຸນິຍົມ ແລະ ອຸທົກກະສາດ ໃຫ້ຮູ້ວ່າ: ນັບແຕ່ວັນທີ 20-23 ເມສານີ້, ບໍລິເວນຄວາມກົດດັນອາກາດສູງ ຈາກປະເທດຈີນ ຈະແຜ່ລົງມາປົກຄຸມ ແລະ ສົມທົບກັບກະແສລົມຕາເວັນອອກສ່ຽງໃຕ້ພັດປົກຄຸມ, ຊຶ່ງຈະເຮັດໃຫ້ມີຝົນຕົກຟ້າຄະນອງ ໃນລະດັບຄ່ອຍຫາປານກາງຢູ່ຫລາຍທ້ອງຖິ່ນໃນແຕ່ລະພາກ, ພ້ອມມີລົມພັດແຮງເປັນບາງໂອກາດ. ພາກເໜືອດ້ານຕາເວັນອອກ: ຈະມີຝົນຕົກຫລາຍຂຶ້ນ ໃນລະດັບປານກາງຫາໜັກ, ພ້ອມມີລົມພັດແຮງຢູ່ບາງທ້ອງຖິ່ນ, ອຸນຫະພູມຕ່ຳສຸດ 20-22 ອົງສາ ແລະ ສູງສຸດ 30-32 ອົງສາ, ພາກເໜືອດ້ານຕາເວັນຕົກ: ຈະມີຝົນຕົກຟ້າຄະນອງເພີ່ມຂຶ້ນ, ພ້ອມມີລົມພັດແຮງເປັນບາງໂອກາດຢູ່ບາງທ້ອງຖິ່ນ, ອຸນຫະພູມຕ່ຳສຸດ 24-26 ອົງສາ ແລະ ສູງສຸດ 37-39 ອົງສາ; ນະຄອນຫລວງວຽງຈັນ: ຈະມີຝົນຕົກຟ້າຄະນອງເພີ່ມຂຶ້ນ, ພ້ອມມີລົມພັດແຮງເປັນບາງໂອກາດ, ອຸນຫະພູມຕ່ຳສຸດ 26-28 ອົງສາ ແລະ ສູງສຸດ 37-39 ອົງສາ; ພາກກາງ: ຈະມີຝົນຕົກເພີ່ມຂຶ້ນ ພ້ອມມີລົມພັດແຮງເປັນບາງໂອກາດຢູ່ບາງທ້ອງຖິ່ນ, ອຸນຫະພູມຕ່ຳສຸດ 26-28 ອົງສາ ແລະ ສູງສຸດ 37-39 ອົງສາ; ພາກໃຕ້: ຈະມີຝົນຕົກຟ້າຄະນອງຫລາຍຂຶ້ນ ພ້ອມມີລົມພັດແຮງເປັນບາງໂອກາດຢູ່ບາງທ້ອງຖິ່ນ, ອຸນຫະພູມຕ່ຳສຸດ 26-28 ອົງສາ ແລະ ສູງສຸດ 37-39 ອົງສາ. ດັ່ງນັ້ນ ຈຶ່ງແຈ້ງເຕືອນເຖິງປະຊາຊົນທີ່ອາໃສຢູ່ເຂດດັ່ງກ່າວ ຈົ່ງມີສະຕິຮັກສາສຸຂະພາບຕໍ່ການປ່ຽນແປງຂອງສະພາບດິນຟ້າອາກາດ, ຝົນຕົກຟ້າຄະນອງ ແລະ ລົມແຮງທີ່ອາດຈະເກີດຂຶ້ນໃນໄລຍະນີ້ອີກດ້ວຍ.

- Wave100S AD to Website 2020 0 - ລະວັງ ! ຈະມີຝົນຕົກຫລາຍຂຶ້ນ
- WhatsApp Image 2020 05 27 at 5 - ລະວັງ ! ຈະມີຝົນຕົກຫລາຍຂຶ້ນ
- WhatsApp Image 2020 05 27 at 5 - ລະວັງ ! ຈະມີຝົນຕົກຫລາຍຂຶ້ນ
error: Alert: ເນື້ອຫາຂ່າວມີລິຂະສິດ !!