ກະຊວງກະສິກໍາ ແລະ ປ່າໄມ້ ດໍາເນີນກອງປະຊຸມ ປະຈໍາປີ 2017

- meeting - ກະຊວງກະສິກໍາ ແລະ ປ່າໄມ້ ດໍາເນີນກອງປະຊຸມ ປະຈໍາປີ 2017
- Untitled design - ກະຊວງກະສິກໍາ ແລະ ປ່າໄມ້ ດໍາເນີນກອງປະຊຸມ ປະຈໍາປີ 2017

ວັນທີ 6-7 ມີນານີ້, ທີ່ຫໍປະຊຸມແຫ່ງຊາດ ນະຄອນຫຼວງວຽງຈັນ, ກະຊວງກະສິກໍາ ແລະ ປ່າໄມ້ (ກປ), ໄດ້ຈັດກອງປະຊຸມສະຫຼຸບວຽກງານກະສິກໍາ ແລະ ປ່າໄມ້ ແລະ ພັດທະນາຊົນນະບົດ ແລະ ວາງທິດທາງ ປີ 2018, ໂດຍການເປັນປະທານຂອງທ່ານ ລຽນ ທິແກ້ວ ລັດຖະມົນຕີກະຊວງກະສິກໍາ ແລະ ປ່າໄມ້, ມີຮອງປະທານກໍາມາທິການເສດຖະກິດ ເຕັກໂນໂລຊີ ແລະ ສິ່ງແວດລ້ອມ ສະພາແຫ່ງຊາດ, ເຈົ້າຄອງນະຄອນຫຼວງວຽງຈັນເຂົ້າຮ່ວມນໍາດ້ວຍ.

ທ່ານ ພວງປາຣິສັກ ປຣະວົງວຽງຄຳ ຮອງລັດຖະມົນຕີ ກະຊວງ ກະສິກຳ ແລະ ປ່າໄມ້ ໃຫ້ຮູ້ວ່າ: ປີ 2017 ຜ່ານມາ, ການຜະລິດເຂົ້າ ສາມາດປະຕິບັດໄດ້ປະມານ 4.1 ລ້ານໂຕນ ເທົ່າກັບ 95% ຂອງຄາດໝາຍແຜນການວາງໄວ້, ສ່ວນການຜະລິດພືດສະບຽງອາຫານເຊັ່ນ: ສາລີຫວານ, ພືດຜັກ ແລະ ໝາກໄມ້ ແລະ ເຜືອກມັນຕ່າງໆ ກໍໄດ້ຮັບໝາກຜົນຕາມແຜນວາງໄວ້, ການສະໜອງຊີ້ນ, ໄຂ່, ປາ ເປັນສະບຽງໃຫ້ແກ່ການບໍລິໂພກພາຍໃນໄດ້ທັງໝົດ 388.300 ໂຕນ. ໃນນັ້ນ, ຜົນຜະລິດຈາກການລ້ຽງ ແບບເປັນຟາມປະຕິບັດໄດ້ 102.530 ໂຕນ, ຊຶ່ງກວມເອົາປະມານ 26% ຂອງຜົນຜະລິດ ຊີ້ນ, ໄຂ່ ແລະ ປາ ທັງໝົດ.

ໃນກອງປະຊຸມຍັງໄດ້ຮັບຟັງການ ນຳສະເໜີບົດຮຽນການຍົກຜະລິດຕະພາບ ແລະ ຫຼຸດຜ່ອນຕົ້ນທຶນການຜະລິດ ເຂົ້າ, ໝູ ແລະ ການສະຫຼຸບຕີລາຄາການຄຸ້ມຄອງ ແລະ ພັດທະນາປ່າໄມ້, ປະຕິບັດຄຳສັ່ງເລກທີ 15/ນຍ ແລະ ຜ່ານຮ່າງບົດແນະນໍາການຈັດຕັ້ງປະຕິບັດ ດໍາລັດ ເລກທີ 348/ລບ ລົງວັນທີ 16/11/2017 ວ່າດ້ວຍມາດຕະຖານພົ້ນທຸກ ແລະ ມາດຕະຖານການພັດທະນາ.

- Wave100S AD to Website 2020 0 - ກະຊວງກະສິກໍາ ແລະ ປ່າໄມ້ ດໍາເນີນກອງປະຊຸມ ປະຈໍາປີ 2017
- WhatsApp Image 2020 05 27 at 5 - ກະຊວງກະສິກໍາ ແລະ ປ່າໄມ້ ດໍາເນີນກອງປະຊຸມ ປະຈໍາປີ 2017
- WhatsApp Image 2020 05 27 at 5 - ກະຊວງກະສິກໍາ ແລະ ປ່າໄມ້ ດໍາເນີນກອງປະຊຸມ ປະຈໍາປີ 2017
error: Alert: ເນື້ອຫາຂ່າວມີລິຂະສິດ !!