ຍິງ​ກັບ​ຊາຍ​ມີ​ສິດ​​ເທົ່າ​ທຽມ​ກັນ

- 28741322 1775256655860392 1397113199 n 1 - ຍິງ​ກັບ​ຊາຍ​ມີ​ສິດ​​ເທົ່າ​ທຽມ​ກັນ
- Untitled design - ຍິງ​ກັບ​ຊາຍ​ມີ​ສິດ​​ເທົ່າ​ທຽມ​ກັນ

ໂດຍ: ທິດກ່ຳ

 

ນັບ​ແຕ່​ມີ​ພັກ​ປະຊາຊົນ​ປະຕິວັດ​ລາວ ​ໄດ້​ນຳພາ​ຕໍ່ສູ້, ທັງ​ປົກ​ປັກ​ຮັກສາ ​ແລະ ສ້າງສາ​ປະ​ເທດ ຊາດ​ເປັນຕົ້ນມາ, ພັກ​ເຮົາ​ຍາມ​ໃດ​ກໍ​ໄດ້​ເອົາ​ໃຈ​ໃສ່​ທັງ​ສຶກສາ​ອົບຮົມ ​ໃຫ້​ຄວາມ​ສຳຄັນ ​ແລະ ຍົກ​ສູງ​ບົດບາດ​ແກ່​ແມ່ຍິງ​ລາວບັນດາ​ເຜົ່າ​ຢ່າງ​ສະ​ເໝີ​ຕົ້ນສະ​ເໝີ​ປາຍ ພັກ ​ແລະ ລັດຖະບານ ​ເຮົາ​ຖື​ວ່າ​ແມ່ຍິງ​ລາວ​ເປັນ​ກຳລັງ​ແຮງ​ອັນ​ມະຫາສານ​ເຂົ້າ​ໃນ​ພາລະກິດ​ການ​ສ້າງສາ ​ແລະ ພັດທະນາ​ປະ​ເທດ​ຊາດ ສິ່ງ​ທີ່​ເຮົາ​ເຫັນ​ຢ່າງ​ຊັດ​​​ແຈ້ງ​ໃນ​ຄວາມ​ເອົາ​ໃຈ​ໃສ່​ຂອງ​ພັກ​ເຮົາ​ກໍ​ຄື​ໄດ້ ຈັດຕັ້ງອົງ​ກອນ​ໜຶ່ງ​ຂຶ້ນມາ​ເພື່ອ​ຮັບຜິດຊອບ ສະ​ເພາະ​ແມ່ຍິງ​ເອີ້ນວ່າ: “ສະຫະພັນ​ແມ່ຍິງ​ລາວ” ອົງ​ກອນ​ນີ້​ມີໜ້າ​ທີ່​ເຄື່ອນ​ໄຫວ​ຈັດຕັ້ງ-ນຳພາ ​ແລະ ສຶກສາ​ອົບຮົມ​ຖັນ​ແຖວ​ແມ່ຍິງ​ລາວ​ບັນດາ​ເຜົ່າ​ໃນ​ທົ່ວ​ປະ​ເທດ​ໃຫ້​ກາຍ​ເປັນ​ກຳລັງ​ໜຶ່ງ​ທີ່​ມີໜ້າ​ທີ່ ​ແລະ ມີ​ບົດບາດ​ອັນ​ສຳຄັນ​ແກ່​ປະ ​ເທດ​ຊາດ​ນັບ​ແຕ່​ມື້ນັ້ນມາ, ສະຫະພັນ​ແມ່ຍິງ​ລາວ​ໄດ້​ມີ​ການ​ພັດທະນາ​ຕົນ​ເອງ ​ໄປ​ຕາມ​ຂະ​ບວນວິວັດ​ມາ​ຮອດ​ປັດຈຸບັນ​ກໍ​ໄດ້​ມີ​ການ​ພັດທະນາ​ຂະຫຍາຍຕົວ ​ແລະ ສາມາດ​ເຊື່ອມ​ໂຍງ​ເຂົ້າກັບ​ພາກພື້ນ ​ແລະ ສາກົນ​ໄດ້​ຢ່າງ​ລົດ​ຕົວ.

 

+ ແມ່ຍິງໃນເຂດຊົນນະບົດມີບົດບາດຫລາຍຂຶ້ນ ໃນການວາງແຜນພັດທະນາຄອບຄົວ ແລະ ຊຸມຊົນ

+ ເຮືອນສາມ-ນ້ຳສີ່ ຍັງມີຄວາມສຳຄັນຕໍ່ແມ່ຍິງລາວ

 

- Wave100S AD to Website 2020 0 - ຍິງ​ກັບ​ຊາຍ​ມີ​ສິດ​​ເທົ່າ​ທຽມ​ກັນ

ອີກ​ສິ່ງ​ໜຶ່ງ​ທີ່​ເຫັນ​ວ່າ​ພັກ ​ແລະ ລັດຖະບານ ຂອງ​ພວກ​ເຮົາ​ໄດ້​ຍົກ​ສູງ ​ແລະ ​ເອົາ​ໃຈ​ໃສ່​ແກ່​ການ​ສ້າງ ​ແລະ ພັດທະນາ​ແມ່ຍິງ​ນັ້ນຄື: ພະຍາຍາມ​ສ້າງ​ເງື່ອນ​ໄຂ​ໃຫ້​ແມ່ຍິງ​ໄດ້​ເຂົ້າ ຮ່ວມ​ໃນ​ທຸກ​ຂົງ​ເຂດ​ວຽກ​ງານ​ໃນ​ການ​ບໍລິຫານ ​ແລະ ການ​ປົກຄອງ​ປະ​ເທດ​ຊາດ​ນັບ​ແຕ່​ນ້ອຍ​ຫາໃຫຍ່, ນັບ​ແຕ່​ຕ່ຳ​ຫາ​ສູງ; ນັບ​ແຕ່​ຕົວ​ເມືອງ​ຮອດ​ຊົນນະບົດ, ​ເຊິ່ງມາ​ຮອດ​ປັດຈຸບັນ​ນີ້ ​ແມ່ຍິງລາວ​ໄດ້​ປະກອບສ່ວ​ນ​ເຂົ້າ​ໃນ​ທຸກ​ອົງການ​ຈັດຕັ້ງສັງຄົມ​ເປັນຕົ້ນຄື: ຜູ້ຍິງ​ລາວ​ໄດ້​ເປ​ັນຮອດ​ຂັ້ນກົມ​ການ​ເມືອງ​ສູນ​ກາງ​ພັກ, ​ເປັນ​ກຳມະການ​ສູນ​ກາງ​ພັກ, ​ເປັນ​ລັດຖະມົນຕີ, ​ເປັນ​ເຈົ້າ ​ແຂວງ​ເຈົ້າ​ເມືອງ, ​ເປັນ​ນາຍບ້ານ, ​ເປັນ​ພະນັກງານ, ທະຫານ​ຕຳຫລວດ, ​ເປັນ​ກຳມະ ກອນ,  ນັກວິຊາການ​ທີ່​ສັງກັດ​ເຂົ້າ​ໃນ​ທຸກຂະ​ແໜງ​ການ​ຂອງ​ລັດ ​ແລະ ​ເອກະ​ຊົນ ຕາມ​ເຮົາ​ຄິດ, ຈຳນວນ​ແມ່ຍິງ​ທັງ​ໝົດ​ທີ່​ໄດ້​ປະກອບສ່ວນ​ເຂົ້າ​ໃນ​ພາລະກິດ​ສ້າງສາ ​ແລະ ພັດທະນາ​ປະ​ເທດ​ຊາດ​ໃນ​ປັດຈຸບັນ​ແມ່ນ​ເກີນ​ກວ່າ 50% ຂອງ​ຈຳນວນ​ຜູ້ຍິງ​ໃນ​ທົ່ວ​ປະ​ເທດ​ແລ້ວ.

ຈາກ​ສິ່ງ​ທີ່ ທິດ​ກ່ຳ ​ໄດ້​ຍົກ​ຂຶ້ນນີ້, ກໍ​ສະ​ແດງ​ໃຫ້​ເຫັນ​ວ່າ ພັກ ​ແລະ ລັດຖະບານ​ເຮົາ ​ໄດ້​ນັບຖື, ​ໃຫ້​ຄວາມ​ສຳຄັນ, ທັງ​ຍົກ​ສູງ​ສິດ​ ​ແລະ ໜ້າ​ທີ່​ຂອງ​ແມ່ຍິງ​ໃຫ້​ເທົ່າ​ທຽມ​ກັບ​ເພດ​ຊາຍ​ຢ່າງ​ເຕັມ ສ່ວນ ນີ້​ຄື​ກຽດ ​ແລະ ສັກ​ສີ​ຂອງ​ແມ່ຍິງ​ລາວ​ທີ່​ໄດ້​ຮັບ​ໃນ​ສັງຄົມ​ປັດຈຸບັນ ​ເມື່ອ​ຫວນ​ຄືນ​ແຕ່​ອາ​ດີດ​ເຖິງ​ປັດຈຸບັນ, ​ແມ່ຍິງ​ລາວ​ເຮັດ​ໄດ້​ທຸກ​ຢ່າ​ງ ​ແລະ ບາງ​ຢ່າງ​ເຂົາ​ກໍ​ເຮັດ​ໄດ້​ເໜືອກ​ວ່າ​ເພດ​ຊາຍ​ເຊັ່ນວ່າ: ​ໃນ​ສະ​ໄໝ​ສົງຄາມ​ເປັນ​ກອງ​ກຳລັງ​ໄຟ​ເອກະລາດ​ທີ່​ຕີ​ຕ້ານ​ກັບ​ສັດຕູ​ຜູ້​ຮຸກ ຮານ, ​ເປັນ​ແມ່​ເຮືອນ​ແມ່​ຊານ​ທີ່​ລ້ຽງ​ດູ​ລູກ​ເຕົ້າ, ຍາມ​ຫຍຸ້ງຍາກ​ສັບສົນ​ຜູ້ຍິງ​ເຂົາ​ອົດທົນ​ຜ່ານ ຜ່າ, ຍາມ​ບຸນ​ສິນ​ກິນ​ທານ​ຜູ້ຍິງ​ຫລາຍ​ຜູ້​ຊາຍ​ໜ້ອຍ ການ​ພັດທະນາ​ສ້າງສາ​ບ້ານ​ເມືອງ​ຢູ່​ໃສ​ກໍ ຕາມ​ບໍ່​ວ່າ​ຢູ່​ຕົວ​ເມືອງ ຫລື ຊົນນະບົດ​ແມ່ນ​ຂາດ​ຜູ້ຍິງ​ບໍ່​ໄດ້​ຍ້ອນ​ຍິງ​ກັບ​ຊາຍ​ເປັນ​ຂອງ​ຄູ່​ກຳ ​ແລະ ມີ​ສິດ​ເທົ່າ​ທຽມ​ກັນ.

​        ເຖິງ​ຢ່າງ​ໃດ​ກໍ​ດີ, ​ໃນ​ສັງຄົມ​ຍຸກ​ປັດຈຸ​ບັນ ຍັງ​ມີ​ແມ່ຍິງ​ຫລາຍ​ຄົນ​ທີ່​ພວມ​ເດີນ​ຕາມ​ເສັ້ນທາງ ອັນ​ມືດ​ມົນ​ຫລົງ​ຜິດ​ຕໍ່​ຊີວິດ​ອັນ​ສົດ​ໃສ​ຂອງ​ຕົນ​ຈົນ​ບໍ່​ຮູ້​ວ່າ ສິ່ງ​ທີ່​ຕົນ​ກະທຳ​ນັ້ນຈະກາຍ​ເປັນ​ມັດຈຸລາດ​ທີ່​ຄອຍ​ຕາມ​ລາ​ເຜົາ​ຜານ​ໃຫ້​ຕົກ​ຢູ່​ໃນຂຸມ ​ແລະ  ​ເຫວ​ເລິກ​ກະ​ຫລິ່ງ​ຊັນ​ເຊັ່ນ: ຕິດ​ຢາບ້າ, ຄ້າ​ຢາ​ເມົາ, ກາງຄືນ​ເປັນຕາ​ເຫງັນ​ກາງ​ເວັນ​ເປັນຕາ​ນົກ​ເຄົ້າ, ຕິດ​ເຫລົ້າ​ເມົາ​ສຸລາ, ​ເປັນ​ນົກ​ກະ​ຍາງ​ຂາວ, ສາວ​ກະ​ເທີນ, ຮຽນ​ໜັງສື​ບໍ່​ເປັນຕາ​ສາ​ເທດ, ກໍ່​ເກດ​ຕີ​ກັນ, ການ​ພະນັນ ​ເຖື່ອນ, ຕື່ນ​ເຊົ້າມາ​ເຮັດ​ຜົມ​ຫຍຶງ​ແຜດ​ສຽງ​ແຕ່​ເຊົ້າ, ບໍ່​ໜຶ່ງ​ເຂົ້າ​ເປົ່າ​ໄຟ, ສຽງ​ດັງ​ໄກ​ຄັບ​ບ້ານ, ຂີ້ຄ້ານ​ນອນ​ຕື່ນ​ສວາຍ​ແມ່ນ​ຍັງ​ຕິດ​ພັນ​ກັບ​ຜູ້ຍິງ​ຍຸກ​ໃໝ່​ຢ່າງ​ຫລວງຫລາ​ຍ.

ສິ່ງ​ທີ່ ທິດ​ກ່ຳ​ຍົກ​ມາ​ນີ້, ​ເປັນ​ພາລະກິດ​ອັນ​ຍິ່ງ​ໃຫຍ່​ຂອງ​ຜູ້ຍິງ​ລາວ​ເຮົາ​ຕ້ອງ​ໄດ້​ຄິດ ​ແລະ ພ້ອມ​ກັນ​ແກ້​ໄຂ​ໃຫ້​ສອດຄ່ອງ ​ແລະ ​ເຂົ້າ​ແກັບ​ເຂົ້າ​ເກ​ຍ ຖ້າ​ບໍ່​ດັ່ງນັ້ນກຽດ​ສັກສີ​ຂອງ​ຜູ້ຍິງ​ລາວ​ອາດ ຈະ​​ເຊື່ອມ​ຖອຍ​ໄປ​ທີລະ​ເລັກ​ລະ​ໜ້ອຍ​ໃນ​ສັງຄົມ​ຍຸກ​ໂລກາ​ພິວັດ, ສຸດ​ທ້າຍ​ກໍ​ພາກັນ​ກິນ​ເຂົ້າໜຽວ​ຈ້ຳປາ​ແດກ​ໝົກ​ເກົ່າ​ຕາມ​ເສົາ​ວ່າ./.

- 28741322 1775256655860392 1397113199 n 1 - ຍິງ​ກັບ​ຊາຍ​ມີ​ສິດ​​ເທົ່າ​ທຽມ​ກັນ

- WhatsApp Image 2020 05 27 at 5 - ຍິງ​ກັບ​ຊາຍ​ມີ​ສິດ​​ເທົ່າ​ທຽມ​ກັນ
- WhatsApp Image 2020 05 27 at 5 - ຍິງ​ກັບ​ຊາຍ​ມີ​ສິດ​​ເທົ່າ​ທຽມ​ກັນ
error: Alert: ເນື້ອຫາຂ່າວມີລິຂະສິດ !!