ດີວິຊັນ 1 ຈະຈັດທ້າຍເດືອນເມສາ 2018 ຄາດວ່າຈະມີຫລາຍສະໂມສອນເຂົ້າຮ່ວມ

- division 1 - ດີວິຊັນ 1 ຈະຈັດທ້າຍເດືອນເມສາ 2018 ຄາດວ່າຈະມີຫລາຍສະໂມສອນເຂົ້າຮ່ວມ
- Untitled design - ດີວິຊັນ 1 ຈະຈັດທ້າຍເດືອນເມສາ 2018 ຄາດວ່າຈະມີຫລາຍສະໂມສອນເຂົ້າຮ່ວມ

ສະ​ຫະ​ພັນ​ບານ​ເຕະ​ແຫ່ງ​ຊາດລ​າ​ວ (ສ​ຕ​ລ) ປະ​ກາດ​ໃຫ້​ບັນ​ດາ​ສະ​ໂມ​ສອນ​ຕ່າງໆ​ທົ່ວ​ປະ​ເທດ​ຝຶກ​ຊ້ອມ ເພື່ອ​ກຽມ​​ຄວາມ​ພ້ອມ​ເຂົ້າ​ຮ່ວມເປີດ​ແຂ່ງ​ຂັນ​ເຕະ​ບານ​ສາຍ ກ (ດີ​ວີ​ຊັນ 1 ) ໃນ​ທ້າຍ​ເດືອ​ນ ເມ​ສາ 2018 ​ຂະ​ນະທີ່ ຄະ​ນະ​ຈັດ​ການ​ແຂ່ງ​ຂັນ​ຄາດ​ວ່າ​ຈະ​ມີ​ສະ​ໂມ​ສອນ​ເຂົ້າ​ຮ່ວມ​ຫລາຍກວ່າ​ປີ​ຜ່ານ​ມາ.

ທ່ານ ວັດ​ທະ​ນະ ແກ້ວ​ມີ​ໄຊ ຄະ​ນະ​ຈັດ​ການ​ແຂ່ງ​ຂັນ​ເຕະ​ບານ​ສາຍ ກ ຫລື ດີ​ວີ​ຊັນ 1 ໃຫ້​ສຳ​ພາດ​ວ່າ: ສະຫະພັນບານເຕະແຫ່ງຊາດລາວ ມີຄວາມຍິນດີແຈ້ງມາຍັງບັນດາສະໂມສອນບານເຕະ ລະດັບ ກໍ ( DIVISION 1 ) ໃຫ້ຊາບທົ່ວເຖິງກັນວ່າ ເພື່ອເປັນການພັດທະນາກິລາບານເຕະຂອງລາວ ໃຫ້ມີການເຄື່ອນໄຫວຢ່າງເປັນປົກກະຕິ ແລະ ຕໍ່ເນື່ອງພ້ອມທັງປະຕິບັດຕາມ ການແຂ່ງຂັນປະຈຳປີ 2018 ໃຫ້ທັນກັບເວລາ, ສະຫະພັນບານເຕະແຫ່ງຊາດລາວ ຈະໄດ້ເປີດການແຂ່ງຂັນບານເຕະ ສາຍ ກໍ ( DIVISION 1 ) ໂດຍຄາດຄະເນວ່າຈະເປີດການແຂ່ງຂັນພາຍໃນທ້າຍ ເດືອນ ເມສາ ( 04 ) 2018 ນີ້. ສ່ວນຂໍ້ມູນທີ່ເປັນເອກະສານຕ່າງໆຂອງການແຂ່ງຂັນດັ່ງກ່າວ ໃຫ້ຕົວແທນຂອງ ສະໂມສອນ ມາພົວພັນເອົານຳພະແນກຈັດການແຂ່ງຂັນ ສຕລ ໂດຍມີລາຍລະອຽດດັ່ງລຸ່ມນີ້ ໃບແຈ້ງຕອບຮັບ ເຂົ້າຮ່ວມການແຂ່ງຂັນ ໂດຍຕ້ອງເຊັນ ແລະ ປະທັບກາໃຫ້ຄົບຖ້ວນ ແລ້ວນຳສົ່ງໃຫ້ພະແນກຈັດການແຂ່ງຂັນ ສຕລ ພາຍໃນວັນທີ 21 ມີ​ນາ ຂະ​ນະ​ທີ່ໄລຍະ​ການລົງທະບຽນຄະນະນຳ ແລະ ນັກກິລາຂອງທີມ ໃຫ້ສົ່ງເຖິງພະແນກຈັດການແຂ່ງຂັນ ສຕລ ພາຍໃນວັນທີ 5 ເມ​ສາ 2018 ແລະ​ ກຳນົດປິດຮັບສະຫມັກ ວັນທີ 5 ເມ​ສາ 2018
ດັ່ງນັ້ນ, ຈຶ່ງຖືເປັນກຽດແຈ້ງມາຍັງບັນດາສະໂມສອນບານເຕະທີ່ມີຄວາມສົນໃຈເຂົ້າຮ່ວມການແຂ່ງຂັນ ລະດັບ ກໍ ( DIVISION 1 ) ຮັບຊາບ ໂດຍ​ເປີດຮັບສະຫມັກນັບຕັ້ງແຕ່ມື້ອອກແຈ້ງການເປັນຕົ້ນໄປ.

- Wave100S AD to Website 2020 0 - ດີວິຊັນ 1 ຈະຈັດທ້າຍເດືອນເມສາ 2018 ຄາດວ່າຈະມີຫລາຍສະໂມສອນເຂົ້າຮ່ວມ
- WhatsApp Image 2020 05 27 at 5 - ດີວິຊັນ 1 ຈະຈັດທ້າຍເດືອນເມສາ 2018 ຄາດວ່າຈະມີຫລາຍສະໂມສອນເຂົ້າຮ່ວມ
- WhatsApp Image 2020 05 27 at 5 - ດີວິຊັນ 1 ຈະຈັດທ້າຍເດືອນເມສາ 2018 ຄາດວ່າຈະມີຫລາຍສະໂມສອນເຂົ້າຮ່ວມ
error: Alert: ເນື້ອຫາຂ່າວມີລິຂະສິດ !!