ສະພາອັງກິດລົງມະຕິສ່ວນຫລາຍໜູນຈັດເລືອກຕັ້ງ 8 ມິຖຸນາ

- Untitled design - ສະພາອັງກິດລົງມະຕິສ່ວນຫລາຍໜູນຈັດເລືອກຕັ້ງ 8 ມິຖຸນາ

- swasaAP17109406821979 711x400 300x169 - ສະພາອັງກິດລົງມະຕິສ່ວນຫລາຍໜູນຈັດເລືອກຕັ້ງ 8 ມິຖຸນາ    ອັງກິດ 20 ​ເມສາ: ນາຍົກລັດຖະມົນຕີອັງກິດ​ໄດ້​ຮັບ​ສຽງ​ສະໜັບສະໜູນ​ຈາກ​ລັດຖະສະພາ ​ເດີ​ນໜ້າ​ຈັດ​ເລືອກ​ຕັ້ງລ່ວງ​ໜ້າ​ວັນ​ທີ 8 ມິຖຸນາ.

ສະມາຊິກ​ສະພາ​ຜູ້​ແທນ​ລາຊະ​ດອນ​ຂອງ​ອັງກິດ ລົງມະຕິ​ສ່ວນ​ຫລາຍ 522 ສຽງ ສະໜັບສະໜູນ​ແຜນ​ຈັດ​ເລືອກ​ຕັ້ງລ່ວງ​ໜ້າ​ວັນ​ທີ 8 ມິຖຸນາ ຈາກ​ກຳນົດ​ເກົ່າ​ປີ 2020 ຕາມ​ຂໍ້​ສະ​ເໜີ​ຂອງ​ນາຍົກລັດຖະມົນຕີ ​ເທ​ເຣຊາ ​ເມ ​ເພື່ອ​ຕ້ອງການ​ອຳນາດ​ເດັດຂາດ, ຊຸກ​ດັນ​ຂະ​ບວນການ​ເຈລະຈາ​ເພື່ອ​ອອກ​ຈາກ​ສະຫະພາບ​ເອີຣົບ (EU) ຕາມ​ຜົນ​ປະຊາ​ມະຕິ​ປີຜ່ານມາ ​ແລະ ​ເພື່ອ​ຮັກສາ​ບັນຫາ​ແຕກ​ແຍກ​ໃນ​ປະ​ເທດ​ຈາກ​ເລື່ອງ​ນີ້ ​ໂດຍ​ສະ​ເພາະ​ໃນ​ນັກ​ການ​ເມືອງ​ທີ່​ເຫັນ​ຕ່າງ​ຢ່າງ​ຈະ​ແຈ້ງ. ທັງ​ນີ້​ມີ ສສ ລົງ​ຄະ​ແນນ​ສຽງ​ຄັດຄ້ານ​ການ​ປະກາດ​ເລືອກ​ຕັ້ງລ່ວງ​ໜ້າ​ພຽງ 13 ສຽງ.

ຈາກ​ຜົນສຳ​ຫລວດ ​ແລະ ​ໂອກາດ​ທີ່​ພັກ​ອະນຸລັກ​ນິຍົມ​ຂອງ​ທ່ານນາງ ​ເມ ຈະ​ຊະນະ​ເລືອກ​ຕັ້ງສຽງ​ສ່ວນ​ຫລາຍ ອາດ​ໄດ້​ເຖິງ 100 ບ່ອນ​ນັ່ງ ​ແລະ ຈະ​ສາມາດ​ຊຸກ​ດັນຂະ​ບວນການ​ເຈລະຈາ​ອອກ​ຈາກ EU ຢ່າງ​ສະຫງ່າ​ງາມ, ຊ່ວຍ​ບັນ​ເທົາ​ຄວາມ​ເສຍ​ຫາຍ​ຂອງ​ເສດຖະກິດ​ອັງກິດ ​ເຮັດ​ໃຫ້​ເງິນ​ປອນ​ແຂງ​ຄ່າ​ຂຶ້ນ ລາຄາ​ປິດ​ຕະຫລາດ​ເພີ່ມ​ຂຶ້ນ 6,5% ຫລັງ​ຮູ້​ຜົນ​ການ​ລົງມະຕິ​ໃນ​ລັດຖະສະພາ. ພັກ​ການ​ເມືອງ​ສຳຄັນ​ເລີ່​ມຫາ​ສຽງ​ເກືອບ​ທັນທີ ທ່ານ​ນາງ ​ເມ ຫາ​ສຽງ​ຢູ່​ເມືອງ​ໂບລຕັນ ທາງ​ຕາ​ເວັນ​ຕົກ​ສຽງ​ເໜືອ​ຂອງ​ອັງກິດ ​ໃຊ້​ສະ​ໂລ​ແກນ​ພາວະ​ຜູ້ນຳ​ທີ່​ແຂງ​ແຮງ ​ແລະ ມີ​ສະຖຽນ​ລະ​ພາບ​ຈະ​ຊ່ວຍ​ໃຫ້​ອັງກິດ​ໄດ້​ຂໍ້​ຕົກລົງ​ທີ່​ດີ​ໃນ​ການ​ອອກ​ຈາກ EU.

- Wave100S AD to Website 2020 0 - ສະພາອັງກິດລົງມະຕິສ່ວນຫລາຍໜູນຈັດເລືອກຕັ້ງ 8 ມິຖຸນາ

ສ່ວນ​ທ່ານ​ ​ເຈ​ເຣມີ ຄໍ​ບິນ ຫົວໜ້າ​ພັກ​ແຮງ​ງານ ​ແກນ​ນຳ​ພັກ​ຝ່າຍ​ຄ້ານ ຫາ​ສຽງ​ຢູ່​ເມືອງ​ຄຣອຍດອນ ປະກາດ​ຖ້າ​ຊະນະ​ເລືອກ​ຕັ້ງຈະ​ຂຶ້ນຄ່າ​ແຮງ​ງານ​ຂັ້ນຕໍ່າ​ເປັນ​ຊົ່ວ​ໂມງ​ລະ 10 ປອນ ລວມທັງ​ເພີ່ມ​ງົບ​ໃຫ້​ລະບົບ​ປະກັນ​ສຸຂະພາບ​ແຫ່ງ​ຊາດ.

ຂະນະ​ທີ່​ສາ​ສະ​ດາ​ຈານ ຈອນ ​ເຄີ​ຕິ ຜູ້​ຊ່ຽວຊານ​ດ້ານ​ການ​ເລືອກ​ຕັ້ງລະດັບ​ແຖວ​ໜ້າ​ຂອງ​ອັງກິດ ລະບຸ​ວ່າ: ​ເຖິງ​ວ່າ​ຜົນສຳ​ຫລວດ​ແບບ​ຕົວ​ຕໍ່​ຕົວ​ນາຍົກລັດຖະມົນຕີ ​ເມ ຈະ​ດີກ​ວ່າ​ທ່ານ ຄໍ​ບິນ, ​ແຕ່​ພັກ​ແຮງ​ງານ​ຈະ​ຍັງ​ຮັກສາ​ບ່ອນ​ນັ່ງ ສສ ​ໄວ້​ໄດ້​ຫລາຍ ​ເພາະ​ມີ​ເລື່ອງ​ຂອງ​ຖານ​ສຽງ​ທີ່​ໜຽວ​ແໜ້ນ​ຂອງ​ພັກ​ເຂົ້າມາ​ກ່ຽວຂ້ອງ​ນຳ.

- WhatsApp Image 2020 05 27 at 5 - ສະພາອັງກິດລົງມະຕິສ່ວນຫລາຍໜູນຈັດເລືອກຕັ້ງ 8 ມິຖຸນາ
- WhatsApp Image 2020 05 27 at 5 - ສະພາອັງກິດລົງມະຕິສ່ວນຫລາຍໜູນຈັດເລືອກຕັ້ງ 8 ມິຖຸນາ
error: Alert: ເນື້ອຫາຂ່າວມີລິຂະສິດ !!