ກອງທັບຊີຣີຍຶດເມືອງໃຫຍ່ທີ່ສຸດ ໃນເຂດກູຕາຕາເວັນອອກ

- 8855627e 7a66 45f8 9ac1 35b5dcfa409f large16x9 AP18053494661948 - ກອງທັບຊີຣີຍຶດເມືອງໃຫຍ່ທີ່ສຸດ ໃນເຂດກູຕາຕາເວັນອອກ
- Untitled design - ກອງທັບຊີຣີຍຶດເມືອງໃຫຍ່ທີ່ສຸດ ໃນເຂດກູຕາຕາເວັນອອກ

ກອງທັບ​ຊີຣີຄືບ​ໜ້າ​ຄັ້ງສຳຄັນ​ໃນ​ສະໜາມຮົບກູ​ຕາ​ຕາ​ເວັນ​ອອກ ດ້ວຍ​ການ​ສາມາດ​ຍຶດ​ເມືອງ​ໃຫຍ່​ທີ່​ສຸດ​ໃນ​ເຂດ​ດັ່ງກ່າວ​ໄດ້​ສຳ​ເລັດ​. ​ໃນ​ຂະນະ​ທີ່​ຈຳນວນ​ຜູ້​ເສຍ​ຊີວິດ​ຈາກ​ການ​ສູ້​ຮົບ​ທີ່​ຍຶດ​ເຍື້ອມາ​ດົນ​ກວ່າ 3 ອາທິດ ​ເພີ່ມ​ເປັນ​ຫລາຍ​ກວ່າ 1.000 ຄົນ​ແລ້ວ.

- MSF142748 Medium 300x200 - ກອງທັບຊີຣີຍຶດເມືອງໃຫຍ່ທີ່ສຸດ ໃນເຂດກູຕາຕາເວັນອອກ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ດາ​ມັດ​ກັດ ປະ​ເທດ​ຊີຣີ ​ໃນ​ວັນ​ທີ 11 ມີນາວ່າ: ອົງການ​ສັງ​ເກດ​ການ​ດ້ານ​ສິດທິ​ມະນຸດ​ຊີຣີ (SOHR) ລາຍ​ງານ​ວ່າ​ກອງທັບ​ຊີຣີປະສົບ​ຜົນສຳ​ເລັດ​ໃນ​ການ​ຍຶດ​ເມືອງ​ເມສຣາບາ ທີ່ຢູ່​ຫ່າງ​ຈາກ​ນະຄອນຫລວງ​ດາ​ມັດ​ກັດ​ໄປ​ທາງ​ຕາ​ເວັນ​ອອກ​ປະມານ 10 ກິ​ໂລ​ແມັດ ​ແລະ ​ເປັນ​ເມືອງ​ໃຫຍ່​ທີ່​ສຸດ​ໃນ​ເຂດ​ກູ​ຕາ​ຕາ​ເວັນ​ອອກ ​ເຊິ່ງ​ເປັນ​ພື້ນທີ່​ແຫ່ງ​ສຸດ​ທ້າຍ​ອ້ອມ​ເມືອງ​ຫລວງ​ຂອງ​ຊີຣີທີ່​ກອງ​ກຳລັງ​ຝ່າຍ​ກະບົດ​ຍັງ​ຄົງ​ຍຶດຄອງ​​ໄວ້​ໄດ້.

ຂະນະ​ດຽວ​ກັນ, ກອງທັບ​ຊີຣີຍັງ​ສາມາດ​ຍຶດຖະໜົນ​ເສັ້ນສຳຄັນ​ຫລາຍ​ເສັ້ນ​ໃນ​ເຂດ​ກູ​ຕາ​ຕາ​ເວັນ​ອອກ ​ແລ້ວ​ແບ່ງ​ພື້ນທີ່​ອອກ​ເປັນ 3 ​ເຂດ​ຍ່ອຍ ​ໄດ້​ແກ່​ເຂດ​ດູ​ມາ, ​ເຂດ​ຮາຣາສຕາ​ທີ່ຢູ່​ທາງ​ຕາ​ເວັນ​ຕົກ ​ແລະ ​ເຂດ​ທີ່​ເຫລືອ​ທັງ​ໝົດ​ທາງ​ຕອນ​ໃຕ້, ສ່ວນ​ສຳນັກ​ຂ່າວ​ຊາ​ນາ​ຂອງ​ທາງ​ການ​ຊີຣີລາຍ​ງານ​ວ່າ: ກອງທັບ​ເພີ່ມ​ຄວາມ​ຮຸນ​ແຮງ​ຂອງ​ປະຕິບັດ​ການ​ຮັດ​ແຄບພື້ນທີ່​ໃຈກາງ​ເຂດ​ກູຕາ​ຕາ​ເວັນ​ອອກ ສົ່ງ​ຜົນ​ໃຫ້​ຈຳນວນ​ຜູ້​ເສຍ​ຊີວິດ​ຈາກ​ການ​ສູ້​ຮົບ​ທີ່​ຍືດ​ເຍື້ອມາ​ແຕ່​ວັນ​ທີ 18 ກຸມພາ​ຜ່ານ​ມາ ​ເພີ່ມ​ຂຶ້ນຢ່າງ​ວ່ອງ​ໄວ​ເປັນ​ຫລາຍ​ກວ່າ 1.000 ຄົນ​ແລ້ວ ​ແລະ ມີ​ຜູ້​ໄດ້​ຮັບ​ບາດ​ເຈ​ັບອີກ​ຫລາຍ​ກວ່າ 4.500 ຄົນ.

- WhatsApp Image 2020 05 27 at 5 - ກອງທັບຊີຣີຍຶດເມືອງໃຫຍ່ທີ່ສຸດ ໃນເຂດກູຕາຕາເວັນອອກ
- WhatsApp Image 2020 05 27 at 5 - ກອງທັບຊີຣີຍຶດເມືອງໃຫຍ່ທີ່ສຸດ ໃນເຂດກູຕາຕາເວັນອອກ
error: Alert: ເນື້ອຫາຂ່າວມີລິຂະສິດ !!