ນັກ​ສຶກສາລາ​ວ 18 ຄົນ​ໄດ້​ຮັບ​ທຶນ​ການ​ສຶກສາ​ຍີ່ປຸ່ນ

- Japan Schorlaship - ນັກ​ສຶກສາລາ​ວ 18 ຄົນ​ໄດ້​ຮັບ​ທຶນ​ການ​ສຶກສາ​ຍີ່ປຸ່ນ
- Untitled design - ນັກ​ສຶກສາລາ​ວ 18 ຄົນ​ໄດ້​ຮັບ​ທຶນ​ການ​ສຶກສາ​ຍີ່ປຸ່ນ

​ໃນ​ວັນ​ທີ 7 ມີນາ​ນີ້, ​ເອກ​ອັກຄະຣາຊະ​ທູດ​ຍີ່​ປຸ່ນປະຈຳ ສປປ ລາວ ​ໄດ້​ຈັດ​ງານ​ລ້ຽງ​ສົ່ງ​ນັກ​ສຶກສາລາ​ວຈຳນວນ 18 ຄົນ ​ເພື່ອ​ໄປ​ສຶກສາ​ຕໍ່​ທີ່​ຍີ່ປຸ່ນຂຶ້ນ ພາຍ​ໃຕ້​ທຶນ​ລັດຖະບານ​ຍີ່​ປຸ່ນ (MEXT: Ministry of Education, Culture, Sports, Science and Technology of Japan) ​ແລະ 2 ຄົນ ​ໃນ​ນາມ​ທຶນ JDS ​ໃນ​ລະດັບ​ປະລິນຍາ​ເອກ.

​ໃນ​ໄລຍະ​ເວລາ​ເກືອບ 30 ປີຜ່ານມາ, ລັດຖະບານ​ຍີ່ປຸ່ນ​ໃຫ້​ທຶນ​ການ​ສຶກສາ​ແກ່ ສປປ ລາວ ລາວ​ມີ​ຈຳນວນ​ຫລາຍ​ກວ່າ 1.000 ຄົນ ​ໂດຍ​ຜ່ານ​ຫລາຍໆ​ໂຄງການ​ເຊັ່ນ: ​ໂຄງການ​ທຶນ MEXT, JDS (Japanese Grant Aid for Human Resource Development Scholarship), YLP (Young Leader’s Program) ​ແລະ ອື່ນໆ. ສຳລັບ​ປີ​ນີ້, ລັດຖະບານ​ຍີ່ປຸ່ນ​ໄດ້​ໃຫ້​ທຶນ​ແກ່​ນັກ​ສຶກສາລາ​ວຈຳນວນ 16 ຄົນ (8 ຄົນ​ຈະ​ເຂົ້າຮຽນ​ໃນ​ລະດັບ​ປະລິນຍາ​ໂທ, 6 ຄົນ​ໃນ​ລະດັບ​ວິຊາ​ຊີບ​ຊັ້ນສູງ​ທາງ​ດ້ານ​ເຕັກ​ໂນ​ໂລ​ຊີ ​ແລະ 2 ຄົນ​ໃນ​ລະດັບ​ວິຊາ​ຊີບ​ຊັ້ນສູງ​ທົ່ວ​ໄປ) ​ແລະ ອີກ 2 ຄົນ​ທີ່​ໄດ້​ຖືກ​ຄັດ​ເລືອກ​ໂດຍ​ໂຄງການ JDS ທີ່​ຈະ​ໄປ​ຮຽນ​ໃນ​ລະດັບ​ປະລິນຍາ​ເອກ​ທີ່​ຍີ່ປຸ່ນ​ເຊັ່ນ​ດຽວ​ກັນ.

​ໃນ​ໂອກາດ​ນີ້, ທ່ານ ທາ​ເກ​ຊິ ຮິ​ກິ​ຮາ​ລະ ​ເອກ​ອັກຄະຣາຊະ​ທູດ​ຍີ່ປຸ່ນ​ປະຈຳ​ລາວ ​ໄດ້​ໃຫ້​ຄຳ​ເຫັນ​ວ່າ: ສິ່ງ​ທີ່​ນັກ​ສຶກສາ 18 ຄົນ​ຈະ​ໄປ​ຮຽນ​ຢູ່​ຍີ່ປຸ່ນ​ນີ້​ຄວນ​ເປີດ​ມຸມ​ມອງ​ເພື່ອ​ອະນາຄົດ​ທີ່​ຮຸ່ງ​ເຮືອງ​ຂອງ​ພວກ​ເຂົາ ​ແລະ ທ່ານ​ໃຫ້​ກຳລັງ​ໃຈ​ແກ່​ບັນດາ​ນັກ​ສຶກສາ​ທີ່​ຈ​ະ​ໄປ​ສຶກສາ​ວ່າ ຈົ່ງ​ເປັນ​ຂົວ​ຕໍ່​ທີ່​ດີ​​ແຫ່​ງການ​ພົວພັນ​ຮ່ວມ​ມື​ລະຫວ່າງ ຍີ່ປຸ່ນ ​ແລະ ລາວ ​ໃຫ້​ນັບ​ມື້​ເລິກ​ເຊິ່ງ.

- Wave100S AD to Website 2020 0 - ນັກ​ສຶກສາລາ​ວ 18 ຄົນ​ໄດ້​ຮັບ​ທຶນ​ການ​ສຶກສາ​ຍີ່ປຸ່ນ
- WhatsApp Image 2020 05 27 at 5 - ນັກ​ສຶກສາລາ​ວ 18 ຄົນ​ໄດ້​ຮັບ​ທຶນ​ການ​ສຶກສາ​ຍີ່ປຸ່ນ
- WhatsApp Image 2020 05 27 at 5 - ນັກ​ສຶກສາລາ​ວ 18 ຄົນ​ໄດ້​ຮັບ​ທຶນ​ການ​ສຶກສາ​ຍີ່ປຸ່ນ
error: Alert: ເນື້ອຫາຂ່າວມີລິຂະສິດ !!