ຊ໊ອກແຟນບານ ! ມາເຣຊ ປະກາດຢຸດອາຊີບນັກເຕະ

- news201803070915247 - ຊ໊ອກແຟນບານ ! ມາເຣຊ ປະກາດຢຸດອາຊີບນັກເຕະ
- Untitled design - ຊ໊ອກແຟນບານ ! ມາເຣຊ ປະກາດຢຸດອາຊີບນັກເຕະ

ຣິຍາດ ມາ​ເຣຊ ປີກ​ຈອມ​ພິ້ວຂອງ ​ເລ​ສ​ເຕີ ຊິ​ຕີ້ ​ສະ​ແດງ​ຂໍ້ຄວາມ​ຜ່ານ​ໂຊ​ຊຽວສ່ວນ​ຕົວ ​ໂດຍ​ກ່າວ​ເປັນ​ໄນໆ​ວ່າ: ຢາກ​ອອກ​ຈາກ​ໂລກ​ຂອງ​ບານ​ເຕະ ທ່າມກາງ​ຄວາມ​ງົງ​ຂອງ​ແຟນບານ ​ເພາະ ມາ​ເຣຊ ຫາ​ກໍ​ອາຍຸ 27 ປີ​ເທົ່າ​ນັ້ນ.

​ເກີດ​ເລື່ອງ​ຊ໊ອກ​ແຟນບານ​ເຕະ​ທົ່ວ​ໂລກ​ເມື່ອ ຣິຍາດ ມາ​ເຣຊ ດາວ​ເຕະ​ທີ​ມຊາດ​ແອ​ລຈິ​ເຣຍຂອງ ​ເລ​ສ​ເຕີ ຊິ​ຕີ້ ທີ​ມດັງ​ໃນ​ພຣີ​ເມຍ​ລີກ ອັງກິດ ປະກາດ​ຜ່ານ​ສື່​ໂຊ​ຊຽວສ່ວນ​ຕົວ ທັງ​ເຟສບຸກ ​ແລະ ທະວິ​ດ​ເຕີ ​ໂດຍ​ມີ​ຂໍ້ຄວາມ​ວ່າ: “ຫລັງ​ຈາກ​ໄດ້​ປຶກສາ​ກັບ​ແພດ​ຫລາຍ​ຄົນ, ຂ້າພະ​ເຈົ້າຈຶ່ງ​ຕັດສິນ​ໃຈ​ວ່າ​ຈະ​ຂໍ​ອອກ​ຫ່າງ​ຈາກ​ບານ​ເຕະ, ​ເວລາ​ຂອງ​ຂ້າພະ​ເຈົ້າກັບ​ການ​ເປັນ​ນັກ​ເຕະບານ​ອາຊີບ​ໄດ້​ມາ​ເຖິງ​ຈຸດ​ສິ້ນສຸດ​ແລ້ວ, ຂ້າພະ​ເຈົ້າມີ​ຄຳ​ເວົ້າບໍ່​ເທົ່າ​ໃດ​ຄຳ​ຢາກ​ຈະ​ບອກ​ກັບ​ທຸກ​ຄົນ​ວ່າ ຂໍ​ຂອບ​ໃຈ​ທຸກໆ​ຄົນ​ທີ່​ໃຫ້ຄວາມ​ເມດ​ຕາ ​ແລະ ສະໜັບສະໜູນ​ຂ້າພະ​ເຈົ້າມາ​ຕະຫລອດ, ພວກ​ເຂົາ​ເຮັດ​ໃຫ້​ຂ້າພະ​ເຈົ້າຮູ້​ວ່າ​ບ່ອນ​ນີ້​ຄື​ເມືອງ​ທີ່​ແສນ​ວິ​ເສດ, ພວກ​ທ່ານ​ຈະ​ຢູ່​ໃນ​ໃຈ​ຂ້າພະ​ເຈົ້າຕະຫລອດ​ໄປ”.

ຂໍ້ຄວາມ​ດັ່ງກ່າວ​ຖື​ເປັນ​ເລື່ອງ​ແປກ ​ເພາະ​ປະມານ 5 ຊົ່ວ​ໂມງ​ກ່ອນ​ໜ້ານັ້ນ ​ແອດ​ເຄົາ​ຢູ່​ທະວິ​ດ​ເຕີ​ຂອງ ມາ​ເຣຊ ຍັງລົງຄລິບ​ຕາ​ຫລົກ​ທີ່​ລາວ​ຍິງ​ປະຕູ​ໄດ້​ໃນ​ເກ​ມທີ່​ຕົ້ນສັງກັດ​ເປີດ​ສະໜາມ ຄິງພາວ​ເວີ ສະ​ເຕດ້ຽມ ສະ​ເໝີ​ກັບ ບອນ​ມັທ 1-1 ​ໃນ​ວັນ​ທີ 3 ມີນາ ​ແລະ ​ໃນ​ວັນ​ທີ 4 ມີນາ ນັກ​ເຕະ​ອາຍຸ 27 ປີ ​ໄດ້​ພິມ​ຂໍ້ຄວາມ​ລົງ ທະວິ​ດ​ເຕີ ອີກ​ວ່າ “ບໍ່​ມີ​ມື້ຍອມ​ແພ້”.

- Wave100S AD to Website 2020 0 - ຊ໊ອກແຟນບານ ! ມາເຣຊ ປະກາດຢຸດອາຊີບນັກເຕະ

ທັງ​ນີ້, ຫລາຍ​ຝ່າຍ​ເຊື່ອ​ວ່າ​ເລື່ອງ​ໃນ​ຄັ້ງນີ້​ເກີດ​ຈາກ​ເຟສບຸກຂອງ ມາ​ເຣຊ ຖືກ​ແຮັກ ຫລື ບໍ່,​ ​ແຕ່​ມາ​ຮອດ​ປັດຈຸບັນ ນັກ​ເຕະ​ຊາວ​ແອ​ລຈີ​ເຣຍຍັງ​ບໍ່​ໄດ້​ຊີ້​ແຈງ​ກ່ຽວ​ກັບ​ເລື່ອງ​ທີ່​ເກີດ​ຂຶ້ນ ​ແລະ ຂໍ້ຄວາມ​ດັ່ງກ່າວ​ຍັງ​ບໍ່​ຖືກ​ລຶບ​ອອກ​ຈາກ​ແອກ​​ເຄົາ.

- WhatsApp Image 2020 05 27 at 5 - ຊ໊ອກແຟນບານ ! ມາເຣຊ ປະກາດຢຸດອາຊີບນັກເຕະ
- WhatsApp Image 2020 05 27 at 5 - ຊ໊ອກແຟນບານ ! ມາເຣຊ ປະກາດຢຸດອາຊີບນັກເຕະ
error: Alert: ເນື້ອຫາຂ່າວມີລິຂະສິດ !!