ໄຟຟ້ານ້ຳຫີນບູນຕອນລຸ່ມຄືບໜ້າແລ້ວ 50%

- nam hin boun DAM - ໄຟຟ້ານ້ຳຫີນບູນຕອນລຸ່ມຄືບໜ້າແລ້ວ 50%
- Untitled design - ໄຟຟ້ານ້ຳຫີນບູນຕອນລຸ່ມຄືບໜ້າແລ້ວ 50%

ການ​ກໍ່ສ້າງໂຄງການພະລັງງານໄຟຟ້ານ້ຳຫີນບູນຕອນລຸ່ມມາ​ຮອດ​ປັດຈຸບັນ​ຄືບ​ໜ້າ​ແລ້ວ 50% ພາຍຫລັງເລີ່ມລົງມືມາ​ແຕ່​ເດືອນພະຈິກ 2016 ດ້ວຍມູນຄ່າການກໍ່ສ້າງທັງໝົດ 36,7 ລ້ານໂດລາສະຫະລັດ ​ໂດຍ​ແມ່ນ​ບໍລິສັດ​ພະລັງງານຣາຊີ​ຕາ ຈຳກັດ ​ເປັນ​ຜູ້​ລົງທຶນ, ມີເນື້ອທີ່ສຳປະທານທັງ​ໝົດ 16 ເຮັກຕາ ​ເຊິ່ງມີ​ອາຍຸສຳປະທານ 50 ປີ ຄາດວ່າຈະໃຫ້ສຳເລັດ ​ແລະ ເປີດການນຳໃຊ້ໃນຕົ້ນປີ 2019 ດ້ວຍ​ກຳລັງ​ການ​ຕິດຕັ້ງໄຟຟ້າ 15 ເມກະວັດ ​ແນ​ໃສ່ຮັບໃຊ້ຢູ່ພາຍໃນປະເທດ ໂດຍສະເພາະແມ່ນ​ເຂດ​ເມືອງຫີນບູນໃຫ້ມີໄຟຟ້າໃຊ້ຢ່າງພຽງພໍ.

ທ່ານ ສົມພອນ ອຸດອນ ຜູ້ອຳນວຍການບໍລິສັດຜູ້​ລົງທຶນ ໃຫ້ຮູ້ວ່າ: ໂຄງການດັ່ງກ່າວຕັ້ງຢູ່ບ້ານຄຳແກ້ວ ເມືອງຫີນບູນ ແຂວງຄຳມ່ວນ ເຊິ່ງໄດ້ຮັບການສົມທົບທຶນລະຫວ່າງຄອບຄົວ ແລະ ໝູ່ຄູ່ ໂດຍແມ່ນທ່ານນາງ ບັນເຮືອງ ອຸດອນ ເປັນປະທານ ​ເຊິ່ງບໍລິສັດເຫັນໄດ້ຄວາມສຳຄັນໃນການພັດທະນາພະລັງງານໃນ ສປປ ລາວ ທີ່ເປັນພະລັງງານສະອາດເປັນພື້ນຖານເສດຖະກິດຂອງຊາດທີ່ມີຄວາມຍືນຍົງ ແລະ ບໍລິສັດຍັງໄດ້ຕັ້ງເປົ້າໝາຍເຮັດໃຫ້ເຂື່ອນດັ່ງກ່າວເປັນເຂື່ອນແບບຢ່າງທີ່ເປັນມິດກັບສິ່ງແວດລ້ອມໃນການສ້າງໃຫ້ເປັນແຫລ່ງທ່ອງທ່ຽວທີ່ມີຄວາມຫລາກຫລາຍສີສັນ.

- Wave100S AD to Website 2020 0 - ໄຟຟ້ານ້ຳຫີນບູນຕອນລຸ່ມຄືບໜ້າແລ້ວ 50%
- WhatsApp Image 2020 05 27 at 5 - ໄຟຟ້ານ້ຳຫີນບູນຕອນລຸ່ມຄືບໜ້າແລ້ວ 50%
- WhatsApp Image 2020 05 27 at 5 - ໄຟຟ້ານ້ຳຫີນບູນຕອນລຸ່ມຄືບໜ້າແລ້ວ 50%
error: Alert: ເນື້ອຫາຂ່າວມີລິຂະສິດ !!