ລາວຕີລາຄາສູງຕໍ່ການຊ່ວຍເຫລືອຂອງບໍລິສັດຮົວເຫວີຍ

- telecom meeting - ລາວຕີລາຄາສູງຕໍ່ການຊ່ວຍເຫລືອຂອງບໍລິສັດຮົວເຫວີຍ
- Untitled design - ລາວຕີລາຄາສູງຕໍ່ການຊ່ວຍເຫລືອຂອງບໍລິສັດຮົວເຫວີຍ

ໃນໂອກາດທີ່ທ່ານລັດຖະມົນຕີກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ທັນສະໄໝ ກົມມະສິດ ໄດ້ເຂົ້າຮ່ວມກອງປະຊຸມໃຫຍ່ໂທລະຄົມໂລກ (Mobile World Congress, MWC 2018) ທີ່ຈັດຂຶ້ນຢູ່ເມືອງບາເຊໂລນາປະເທດແອັດສະປາຍ ເມື່ອບໍ່ດົນມານີ້ ແລະ ໄດ້ພົບປະກັບທ່ານ ມາກ ວາງ (Mark Wang) ຜູ້ອຳນວຍການໃຫຍ່ບໍລິສັດຫົວເຫວີຍເຕັກໂນໂລຊີ, ຊຶ່ງທ່ານລັດຖະມົນຕີ ປທສ ໄດ້ຕີລາຄາສູງຕໍ່ການສະໜັບສະໜູນ ແລະ ຊ່ວຍພັດທະນາລະບົບເຕັກໂນໂລຊີການສື່ສານ ແລະ ຂໍ້ມູນຂ່າວສານ (ICT) ແກ່ ສປປ ລາວ ຈາກບໍລິສັດຮົວເຫວີຍດ້ວຍດີສະເໝີມາ, ໂດຍສະເພາະການປະກອບສ່ວນ, ການສະໜອງອຸປະກອນໄອຊີທີຕ່າງໆ ລວມເຖິງການພັດທະນາລະບົບໂທລະຄົມມະນາຄົມ ແລະ ອິນເຕີເນັດຂອງ ສປປ ລາວ ໃຫ້ມີລະບົບ 4G ແລະ ໄດ້ຊ່ວຍວາງແຜນເພື່ອກ້າວໄປສູ່ລະບົບ 5G ໃນອະນາຄົດອັນໃກ້ນີ້, ຂະນະດຽວກັນທ່ານ ມາກ ວາງ ກໍໄດ້ຢືນຢັນວ່າ: ບໍລິສັດຕົນຈະສືບຕໍ່ຮ່ວມມື ແລະ ປະກອບສ່ວນຢ່າງຕັ້ງໜ້າໃນການສຶກສາຄົ້ນຄວ້າຜະລິດຕະພັນໃໝ່, ເພື່ອຊ່ວຍພັດທະນາພື້ນຖານໂຄງລ່າງດ້ານໄອຊີທີຂອງ ສປປ ລາວ ກໍຄືການສ້າງນະວັດຕະກຳທີ່ທັນສະໄໝເພື່ອຮອງຮັບຄວາມຕ້ອງການຂອງສັງຄົມໃຫ້ນັບມື້ດີຂຶ້ນ.

ສໍາລັບກອງປະຊຸມໂທລະຄົມໂລກຄັ້ງນີ້, ມີຫົວຂໍ້ວ່າ: “ເພື່ອໃຫ້ໂລກມີອະນາຄົດທີ່ດີກວ່າ” ໂດຍມີບໍລິສັດດ້ານໂທລະຄົມເຂົ້າຮ່ວມກວ່າ 100 ພາກສ່ວນ ແລະ ໃນໂອກາດນີ້, ບໍລິສັດຮົວເຫວີຍນໍາສະເໜີຜະລິດຕະພັນດ້ານໄອຊີທີໃໝ່ຫລາຍກວ່າ 20 ລາຍການ, ພ້ອມທັງ ປຶກສາຫາການຮ່ວມມືກັບບັນດາບໍລິສັດທີ່ດໍາເນີນທຸລະກິດດ້ານອຸດສາຫະກຳໄອຊີທີຕ່າງໆ ເພື່ອເຮັດໃຫ້ການຄຸ້ມຄອງດ້ານໂທລະຄົມມະນາຄົມມີບາດກ້າວຂະຫຍາຍຂຶ້ນໄປເລື້ອຍໆ.

- Wave100S AD to Website 2020 0 - ລາວຕີລາຄາສູງຕໍ່ການຊ່ວຍເຫລືອຂອງບໍລິສັດຮົວເຫວີຍ
- WhatsApp Image 2020 05 27 at 5 - ລາວຕີລາຄາສູງຕໍ່ການຊ່ວຍເຫລືອຂອງບໍລິສັດຮົວເຫວີຍ
- WhatsApp Image 2020 05 27 at 5 - ລາວຕີລາຄາສູງຕໍ່ການຊ່ວຍເຫລືອຂອງບໍລິສັດຮົວເຫວີຍ
error: Alert: ເນື້ອຫາຂ່າວມີລິຂະສິດ !!