ລາວເລີ່ມມີສະພາບຂາດເຂີນແຮງງານແບບເຫລືອບໍ່ພໍ

- 9BFFAFD1 BF49 4D39 8B17 EB1CE84A536E w1023 r1 s 1 - ລາວເລີ່ມມີສະພາບຂາດເຂີນແຮງງານແບບເຫລືອບໍ່ພໍ
- Untitled design - ລາວເລີ່ມມີສະພາບຂາດເຂີນແຮງງານແບບເຫລືອບໍ່ພໍ

   ໂດຍ: ທ່ຽງທຳ

ສະບາຍດີ, ເພື່ອນຜູ້ອ່ານ ທີ່ ຮັກແພງ, ຜູ້ບໍ່ຢູ່ໃນວົງການນີ້, ກໍອາດຈະຮູ້ໜ້ອຍວ່າ ປັດຈຸບັນນີ້, ລາວເລີ່ມມີສະພາບຂາດເຂີນ ແຮງງານເປັນຈຳນວນບໍ່ໜ້ອຍ ໃນລັກສະນະ ເຫລືອບໍ່ພໍເປັນຫຍັງ ຈິ່ງວ່າແນວນັ້ນ, ມັນກໍອາດຈະ ຄື ການຂາດເຂີນ ພະນັກງານ ໃນ ຂະແໜງການຕ່າງໆ, ຜູ້ມີຄວາມ ຮູ້ຄວາມສາມາດແມ່ນມີໜ້ອຍ ໄປທາງໃດກໍໄດ້ຍິນແຕ່ຜູ້ຈົ່ມ, ອັນ ນີ້ກໍເນື່ອງມາຈາກໃນຜ່ານມາ ການສ້າງຊັບພະຍາກອນມະນຸດ ເຮົາແມ່ນເຮັດໄປຕາມໃຈຜູ້ຮຽນ, ເບິ່ງວ່າຂະແໜງການໃດຫາເງິນ ຫາຄຳໄດ້ແດ່ກໍແຫ່ແຫນກັນໄປ ດັ່ງຂະແໜງພາສີ, ການເງິນກໍ ອາດຈະເປັນຂະແໜງຍອດນິ ຍົມ, ມີການໃຊ້ຈ່າຍສູງປານໃດ ກໍແລ່ນເຂົ້າຮຽນໃຫ້ຈົນໄດ້, ຕໍ່ ຈາກນັ້ນກໍແມ່ນຄວາມໄຝ່ຝັນ ເຂົ້າຮຽນຂະແໜງເສດຖະສາດ ເບິ່ງຄືຫລູຫລາ ແຕ່ຮຽນຈົບ ອອກມາແລ້ວກໍບໍ່ຮູ້ວ່າຈະໄປ ເຮັດວຽກຢູ່ໃສເພາະການຮອງ ຮັບໃນຂະແໜງການດັ່ງກ່າວ ຢູ່ ບ້ານເຮົາເມືອງເຮົາແມ່ນຍັງມີ ໜ້ອຍຢູ່, ເຊິ່ງປັດຈຸບັນຄວາມ ຕ້ອງການຫລາຍແມ່ນຂະແໜງ ວິຊາຊີບຕ່າງໆ ນັບແຕ່ຊ່າງ ຕັດຜົມເສີມສວຍ ໄປຈົນຮອດ ຊ່າງ ໄຟຟ້າ, ບໍ່ແຮ່ ແລະ ອຸດສາ ຫະກຳຕ່າງໆ ແຕ່ເຮົາພັດຂາດ ເຂີນ, ເພາະຜ່ານມາເບື້ອງມະ ຫາພາກເຮົາກໍຍັງເອົາໃຈໃສ່ ສ້າງສາຍວິຊາຊີບໜ້ອຍ, ດັ່ງນັ້ນຈິ່ງກໍໃຫ້ເກີດການຂາດ ເຂີນຜູ້ຈະເຮັດຕົວຈິງ ຢູ່ໃນຂະ ແໜງການຕ່າງໆ ມີໜ້ອຍ ແລະ ສ່ວນໜຶ່ງຜູ້ເພິ່ນເປັນພະນັກ ງານເກົ່າແລ້ວ ພັດບໍ່ໄດ້ຍົກສູງ ລະດັບຄວາມຮູ້ຄວາມສາມາດ ອັນໃໝ່, ຈິ່ງເຮັດໃຫ້ພະນັກ ງານ, ລັດຖະກອນເຫລົ່ານັ້ນ ຢູ່ ໃນທ່າຖອຍຫລັງ ແລະ ຕົກ ເຂົ້າສູ່ສະພາບຖິ້ມກໍເສຍດາຍ ຈະບາຍກໍຄືບໍ່ຄັກບໍ່ແນ່ປານໃດ ແລະ ກໍຕົກສູ່ສະພາບເຫລືອບໍ່ພໍ ກໍດັ່ງ ທ່ານ ລັດຖະມົນຕີກະຊວງ ແຮງງານສະຫວັດດີການສັງ ຄົມ ໃຫ້ສຳພາດຕໍ່ສື່ມວນຊົນໃນ ອາທິດຜ່ານມານີ້ວ່າ: ປັດຈຸບັນ ການສ້າງສີມືແຮງງານ ລາວ ເຮົາມັນເປັນບັນຫາຮີບດ່ວນທີ່ ຈະຕ້ອງໄດ້ເອົາໃຈໃສ່, ໃນເມື່ອ ພວກເຮົາກ້າວເຂົ້າສູ່ປະຊາຄົມ ເສດຖະກິດອາຊຽນ, ທຸກອັນມັນ ມີການເຊື່ອມໂຍງ, ນັບທັງແຮງ ງານກໍເຊັ່ນດຽວກັນ, ພາກພື້ນມີ ການພັດທະນາ ແລະ ການລົງ ທຶນດັ່ງນັ້ນຢູ່ປະເທດເຮົາກໍເຊັ່ນ ດຽວກັນມີຫລາຍໂຄງການໃຫຍ່ ກຳລັງຕ້ອງການແຮງງານເປັນ ຈຳນວນຫລວງຫລາຍດັ່ງໂຄງ ການກໍ່ສ້າງທາງລົດໄຟ ລາວ- ຈີນ, ກໍຍິ່ງມີຄວາມຕ້ອງການ ແຮງງານ ຜູ້ມີຄວາມສາມາດ ແລະ ຍັງບໍ່ທັນເວົ້າເຖິງເຂດເສດ ຖະກິດຕ່າງໆ ຕົວຢ່າງຄືເຂດ ເສດຖະກິດ ພິເສດສະຫວັນ-ເຊ ໂນ, ຮອດປີ 2020 ຈະຕ້ອງ ການແຮງງານພາຍໃນຫລາຍ ເຖິງ 20.000 ຄົນ ແລະ ເຮົາຈະ ເອົາຫຍັງມາສະໜອງແກ່ຂະ ແໜງສຶກສາ ແລະ ພາກສ່ວນ ກ່ຽວຂ້ອງຕ່າງໆ ບໍ່ເປັນເຈົ້າການ ຮ່ວມແຮງຮ່ວມໃຈກັນຊ່ວຍ ພັດ ທະນາສີມືແຮງງານລາວເຮົາ ໃຫ້ສາມາດເທົ່າທຽມກັບຂົງ ເຂດ ແລະ ພາກພື້ນ, ເມື່ອນັ້ນເຮົາ ຈຶ່ງຈະແກ້ງແຍ່ງແຂ່ງຂັນກັບ ເຂົາເຈົ້າໄດ້./.

 

+ ກະຊວງແຮງງານ ແລະ ສະຫວັດດີການສັງຄົມ ປັບປຸງກົງຈັກກົມຈັດຕັ້ງໃຫ້ແທດເໝາະ

- Wave100S AD to Website 2020 0 - ລາວເລີ່ມມີສະພາບຂາດເຂີນແຮງງານແບບເຫລືອບໍ່ພໍ

+ ການປົກປ້ອງສິດ ແລະ ຜົນປະໂຫຍດອັນຊອບທຳຂອງແຮງ ງານລາວໄດ້ຮັບການເອົາໃຈໃສ່ເປັນປົກກະຕິ

- 9BFFAFD1 BF49 4D39 8B17 EB1CE84A536E w1023 r1 s 1 - ລາວເລີ່ມມີສະພາບຂາດເຂີນແຮງງານແບບເຫລືອບໍ່ພໍ
(ພາບປະກອບ)

- WhatsApp Image 2020 05 27 at 5 - ລາວເລີ່ມມີສະພາບຂາດເຂີນແຮງງານແບບເຫລືອບໍ່ພໍ
- WhatsApp Image 2020 05 27 at 5 - ລາວເລີ່ມມີສະພາບຂາດເຂີນແຮງງານແບບເຫລືອບໍ່ພໍ
error: Alert: ເນື້ອຫາຂ່າວມີລິຂະສິດ !!